| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
9. விகப்பனஸிக்கா²பத³வண்ணனா
9. Vikappanasikkhāpadavaṇṇanā
ஸம்முகே²ன விகப்பனா ஸம்முக²விகப்பனா. பரம்முகே²ன விகப்பனா பரம்முக²விகப்பனா. ஸன்னிஹிதாஸன்னிஹிதபா⁴வந்தி ஆஸன்னதூ³ரபா⁴வங். ஆஸன்னதூ³ரபா⁴வோ ச அதி⁴ட்டா²னே வுத்தனயேனேவ வேதி³தப்³போ³.
Sammukhena vikappanā sammukhavikappanā. Parammukhena vikappanā parammukhavikappanā. Sannihitāsannihitabhāvanti āsannadūrabhāvaṃ. Āsannadūrabhāvo ca adhiṭṭhāne vuttanayeneva veditabbo.
மித்தோதி த³ள்ஹமித்தோ. ஸந்தி³ட்டோ²தி தி³ட்ட²மத்தோ நாதித³ள்ஹமித்தோ. அகதபச்சுத்³தா⁴ரந்தி ‘‘மய்ஹங் ஸந்தகங் பரிபு⁴ஞ்ஜ வா விஸ்ஸஜ்ஜேஹி வா’’திஆதி³னா அகதபச்சுத்³தா⁴ரங். யேன வினயகம்மங் கதந்தி யேன ஸத்³தி⁴ங் வினயகம்மங் கதங்.
Mittoti daḷhamitto. Sandiṭṭhoti diṭṭhamatto nātidaḷhamitto. Akatapaccuddhāranti ‘‘mayhaṃ santakaṃ paribhuñja vā vissajjehi vā’’tiādinā akatapaccuddhāraṃ. Yena vinayakammaṃ katanti yena saddhiṃ vinayakammaṃ kataṃ.
பரிபோ⁴கே³ன காயகம்மங், அபச்சுத்³தா⁴ராபனேன வசீகம்மந்தி ஆஹ ‘‘ஸமுட்டா²னாதீ³னி பட²மகதி²னஸதி³ஸானேவா’’தி. கிரியாகிரியந்தி எத்த² பரிபு⁴ஞ்ஜனங் கிரியங். அபச்சுத்³தா⁴ராபனங் அகிரியங்.
Paribhogena kāyakammaṃ, apaccuddhārāpanena vacīkammanti āha ‘‘samuṭṭhānādīni paṭhamakathinasadisānevā’’ti. Kiriyākiriyanti ettha paribhuñjanaṃ kiriyaṃ. Apaccuddhārāpanaṃ akiriyaṃ.
விகப்பனஸிக்கா²பத³வண்ணனா நிட்டி²தா.
Vikappanasikkhāpadavaṇṇanā niṭṭhitā.
