| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
2. விஜ்ஜாஸுத்தங்
2. Vijjāsuttaṃ
114. ஸாவத்தி²னிதா³னங். ஏகமந்தங் நிஸின்னோ கோ² ஸோ பி⁴க்கு² ப⁴க³வந்தங் ஏதத³வோச – ‘‘‘விஜ்ஜா விஜ்ஜா’தி, ப⁴ந்தே, வுச்சதி. கதமா நு கோ², ப⁴ந்தே, விஜ்ஜா, கித்தாவதா ச விஜ்ஜாக³தோ ஹோதீ’’தி? ‘‘இத⁴, பி⁴க்கு², ஸுதவா அரியஸாவகோ ரூபங் பஜானாதி, ரூபஸமுத³யங் பஜானாதி, ரூபனிரோத⁴ங் பஜானாதி, ரூபனிரோத⁴கா³மினிங் படிபத³ங் பஜானாதி. வேத³னங்… ஸஞ்ஞங்… ஸங்கா²ரே பஜானாதி…பே॰… விஞ்ஞாணனிரோத⁴கா³மினிங் படிபத³ங் பஜானாதி. அயங் வுச்சதி, பி⁴க்கு², விஜ்ஜா. எத்தாவதா ச விஜ்ஜாக³தோ ஹோதீ’’தி. து³தியங்.
114. Sāvatthinidānaṃ. Ekamantaṃ nisinno kho so bhikkhu bhagavantaṃ etadavoca – ‘‘‘vijjā vijjā’ti, bhante, vuccati. Katamā nu kho, bhante, vijjā, kittāvatā ca vijjāgato hotī’’ti? ‘‘Idha, bhikkhu, sutavā ariyasāvako rūpaṃ pajānāti, rūpasamudayaṃ pajānāti, rūpanirodhaṃ pajānāti, rūpanirodhagāminiṃ paṭipadaṃ pajānāti. Vedanaṃ… saññaṃ… saṅkhāre pajānāti…pe… viññāṇanirodhagāminiṃ paṭipadaṃ pajānāti. Ayaṃ vuccati, bhikkhu, vijjā. Ettāvatā ca vijjāgato hotī’’ti. Dutiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1-2. அவிஜ்ஜாஸுத்தாதி³வண்ணனா • 1-2. Avijjāsuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1-2. அவிஜ்ஜாஸுத்தாதி³வண்ணனா • 1-2. Avijjāsuttādivaṇṇanā
