| Library / Tipiṭaka / ཏིཔིཊཀ • Tipiṭaka / ཛཱཏཀཔཱལི༹ • Jātakapāḷi |
༣༩༡. ཝིཛྫཱདྷརཛཱཏཀཾ (༦-༢-༦)
391. Vijjādharajātakaṃ (6-2-6)
༡༠༨.
108.
དུབྦཎྞརཱུཔཾ ཏུཝམརིཡཝཎྞཱི, པུརཀྑཏྭཱ 1 པཉྫལིཀོ ནམསྶསི།
Dubbaṇṇarūpaṃ tuvamariyavaṇṇī, purakkhatvā 2 pañjaliko namassasi;
སེཡྻོ ནུ ཏེ སོ ཨུདཝཱ 3 སརིཀྑོ, ནཱམཾ པརསྶཏྟནོ ཙཱཔི བྲཱུཧི༎
Seyyo nu te so udavā 4 sarikkho, nāmaṃ parassattano cāpi brūhi.
༡༠༩.
109.
ན ནཱམགོཏྟཾ གཎྷནྟི རཱཛ, སམྨགྒཏཱནུཛྫུགཏཱན 5 དེཝཱ།
Na nāmagottaṃ gaṇhanti rāja, sammaggatānujjugatāna 6 devā;
ཨཧཉྩ ཏེ ནཱམདྷེཡྻཾ ཝདཱམི, སཀྐོཧམསྨཱི ཏིདསཱནམིནྡོ༎
Ahañca te nāmadheyyaṃ vadāmi, sakkohamasmī tidasānamindo.
༡༡༠.
110.
ཡོ དིསྭཱ བྷིཀྑུཾ ཙརཎཱུཔཔནྣཾ, པུརཀྑཏྭཱ པཉྫལིཀོ ནམསྶཏི།
Yo disvā bhikkhuṃ caraṇūpapannaṃ, purakkhatvā pañjaliko namassati;
པུཙྪཱམི ཏཾ དེཝརཱཛེཏམཏྠཾ, ཨིཏོ ཙུཏོ ཀིཾ ལབྷཏེ སུཁཾ སོ༎
Pucchāmi taṃ devarājetamatthaṃ, ito cuto kiṃ labhate sukhaṃ so.
༡༡༡.
111.
ཡོ དིསྭཱ བྷིཀྑུཾ ཙརཎཱུཔཔནྣཾ, པུརཀྑཏྭཱ པཉྫལིཀོ ནམསྶཏི།
Yo disvā bhikkhuṃ caraṇūpapannaṃ, purakkhatvā pañjaliko namassati;
དིཊྛེཝ དྷམྨེ ལབྷཏེ པསཾསཾ, སགྒཉྩ སོ ཡཱཏི སརཱིརབྷེདཱ༎
Diṭṭheva dhamme labhate pasaṃsaṃ, saggañca so yāti sarīrabhedā.
༡༡༢.
112.
ལཀྑཱི ཝཏ མེ ཨུདཔཱདི ཨཛྫ, ཡཾ ཝཱསཝཾ བྷཱུཏཔཏིདྡསཱམ།
Lakkhī vata me udapādi ajja, yaṃ vāsavaṃ bhūtapatiddasāma;
བྷིཀྑུཉྩ དིསྭཱན ཏུཝཉྩ སཀྐ, ཀཱཧཱམི པུཉྙཱནི ཨནཔྤཀཱནི༎
Bhikkhuñca disvāna tuvañca sakka, kāhāmi puññāni anappakāni.
༡༡༣.
113.
ཨདྡྷཱ ཧཝེ སེཝིཏབྦཱ སཔཉྙཱ, བཧུསྶུཏཱ ཡེ བཧུཋཱནཙིནྟིནོ།
Addhā have sevitabbā sapaññā, bahussutā ye bahuṭhānacintino;
བྷིཀྑུཉྩ དིསྭཱན མམཉྩ རཱཛ, ཀརོཧི པུཉྙཱནི ཨནཔྤཀཱནི༎
Bhikkhuñca disvāna mamañca rāja, karohi puññāni anappakāni.
༡༡༤.
114.
ཨཀྐོདྷནོ ནིཙྩཔསནྣཙིཏྟོ, སབྦཱཏིཐཱིཡཱཙཡོགོ བྷཝིཏྭཱ།
Akkodhano niccapasannacitto, sabbātithīyācayogo bhavitvā;
ནིཧཙྩ མཱནཾ ཨབྷིཝཱདཡིསྶཾ, སུཏྭཱན དེཝིནྡ སུབྷཱསིཏཱནཱིཏི༎
Nihacca mānaṃ abhivādayissaṃ, sutvāna devinda subhāsitānīti.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / ཛཱཏཀ-ཨཊྛཀཐཱ • Jātaka-aṭṭhakathā / [༣༩༡] ༦. ཝིཛྫཱདྷརཛཱཏཀཝཎྞནཱ • [391] 6. Vijjādharajātakavaṇṇanā
