| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৫. ৰিজ্জাভাগিযসুত্তৰণ্ণনা
5. Vijjābhāgiyasuttavaṇṇanā
৩৫. পঞ্চমে সম্পযোগৰসেন ৰিজ্জং ভজন্তি, সহজাতঅঞ্ঞমঞ্ঞনিস্সযসম্পযুত্তঅত্থিঅৰিগতাদিপচ্চযৰসেন তায সহ একীভাৰং গচ্ছন্তীতি ৰিজ্জাভাগিযা। অথ ৰা ৰিজ্জাভাগে ৰিজ্জাকোট্ঠাসে ৰত্তন্তি ৰিজ্জাসভাগতায তদেকদেসে ৰিজ্জাকোট্ঠাসে পৰত্তন্তীতি ৰিজ্জাভাগিযা। তত্থ ৰিপস্সনাঞাণং, মনোমযিদ্ধি, ছ অভিঞ্ঞাতি অট্ঠ ৰিজ্জা। পুরিমেন অত্থেন তাহি সম্পযুত্তধম্মা ৰিজ্জাভাগিযা। পচ্ছিমেন অত্থেন তাসু যা কাচি একাৰ ৰিজ্জা ৰিজ্জা, সেসা ৰিজ্জাভাগিযা। এৰং ৰিজ্জাপি ৰিজ্জায সম্পযুত্তধম্মাপি ‘‘ৰিজ্জাভাগিযা’’ত্ৰেৰ ৰেদিতব্বা। ইধ পন ৰিপস্সনাঞাণসম্পযুত্তা সঞ্ঞাৰ ৰিজ্জাভাগিযাতি আগতা, সঞ্ঞাসীসেন সেসসম্পযুত্তধম্মাপি ৰুত্তা এৰাতি দট্ঠব্বং। অনিচ্চানুপস্সনাঞাণেতি অনিচ্চানুপস্সনাঞাণে নিস্সযপচ্চযভূতে উপ্পন্নসঞ্ঞা, তেন সহগতাতি অত্থো। সেসেসুপি এসেৰ নযো।
35. Pañcame sampayogavasena vijjaṃ bhajanti, sahajātaaññamaññanissayasampayuttaatthiavigatādipaccayavasena tāya saha ekībhāvaṃ gacchantīti vijjābhāgiyā. Atha vā vijjābhāge vijjākoṭṭhāse vattanti vijjāsabhāgatāya tadekadese vijjākoṭṭhāse pavattantīti vijjābhāgiyā. Tattha vipassanāñāṇaṃ, manomayiddhi, cha abhiññāti aṭṭha vijjā. Purimena atthena tāhi sampayuttadhammā vijjābhāgiyā. Pacchimena atthena tāsu yā kāci ekāva vijjā vijjā, sesā vijjābhāgiyā. Evaṃ vijjāpi vijjāya sampayuttadhammāpi ‘‘vijjābhāgiyā’’tveva veditabbā. Idha pana vipassanāñāṇasampayuttā saññāva vijjābhāgiyāti āgatā, saññāsīsena sesasampayuttadhammāpi vuttā evāti daṭṭhabbaṃ. Aniccānupassanāñāṇeti aniccānupassanāñāṇe nissayapaccayabhūte uppannasaññā, tena sahagatāti attho. Sesesupi eseva nayo.
ৰিজ্জাভাগিযসুত্তৰণ্ণনা নিট্ঠিতা।
Vijjābhāgiyasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৫. ৰিজ্জাভাগিযসুত্তং • 5. Vijjābhāgiyasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৫. ৰিজ্জাভাগিযসুত্তৰণ্ণনা • 5. Vijjābhāgiyasuttavaṇṇanā
