| Library / Tipiṭaka / তিপিটক • Tipiṭaka / সারত্থদীপনী-টীকা • Sāratthadīpanī-ṭīkā |
ৰিহারট্ঠকথাৰণ্ণনা
Vihāraṭṭhakathāvaṇṇanā
১০৩. ৰিহারট্ঠকথাযং ৰিহারোপি পরিৰেণম্পি আৰাসোপি ৰিহারোত্ৰেৰ সঙ্খং গচ্ছতীতি আহ ‘‘ৰিহারং ৰা’’তিআদি। তত্থ ৰিহারন্তি মহাৰিহারং। পরিৰেণন্তি মহাৰিহারস্স অব্ভন্তরে ৰিসুং ৰিসুং পাকারপরিচ্ছিন্নট্ঠানং। আৰাসন্তি একং আৰসথং। অভিযোগে কতেপি অৰহারস্স অসিজ্ঝনতো ৰুত্তং ‘‘অভিযোগো ন রুহতী’’তি। গণসন্তকে পন পরিচ্ছিন্নসামিকত্তা সক্কা ধুরং নিক্খিপাপেতুন্তি আহ ‘‘দীঘভাণকাদিভেদস্স পন গণস্সা’’তি। ইধাপি সচে একোপি ধুরং ন নিক্খিপতি, রক্খতিযেৰ। সব্বেসং ধুরনিক্খেপেনেৰ হি পারাজিকং।
103. Vihāraṭṭhakathāyaṃ vihāropi pariveṇampi āvāsopi vihārotveva saṅkhaṃ gacchatīti āha ‘‘vihāraṃ vā’’tiādi. Tattha vihāranti mahāvihāraṃ. Pariveṇanti mahāvihārassa abbhantare visuṃ visuṃ pākāraparicchinnaṭṭhānaṃ. Āvāsanti ekaṃ āvasathaṃ. Abhiyoge katepi avahārassa asijjhanato vuttaṃ ‘‘abhiyogo na ruhatī’’ti. Gaṇasantake pana paricchinnasāmikattā sakkā dhuraṃ nikkhipāpetunti āha ‘‘dīghabhāṇakādibhedassa pana gaṇassā’’ti. Idhāpi sace ekopi dhuraṃ na nikkhipati, rakkhatiyeva. Sabbesaṃ dhuranikkhepeneva hi pārājikaṃ.
ৰিহারট্ঠকথাৰণ্ণনা নিট্ঠিতা।
Vihāraṭṭhakathāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ২. দুতিযপারাজিকং • 2. Dutiyapārājikaṃ
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ২. দুতিযপারাজিকং • 2. Dutiyapārājikaṃ
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৰিহারট্ঠকথাৰণ্ণনা • Vihāraṭṭhakathāvaṇṇanā
