Only Dharma. Since 1992

Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi

6. сзнаасанагканд̇хагам̣

6. Senāsanakkhandhakaṃ

вихаараануж̇аананагат̇аа

Vihārānujānanakathā

294. сзнаасанагканд̇хагз абан̃н̃ад̇д̇ам̣ ход̇ийд̇и зд̇т̇а на н̃абад̇хаад̇у ход̇и, абижа н̃аад̇хаад̇уязва, со жа ко ануж̇аананад̇т̇од̇и ааха ‘‘ананун̃н̃аад̇ам̣ ход̇ий’’д̇и. иминаа н̃аад̇хаад̇усса аваб̣од̇ханаад̣̇аяо ад̇т̇з нивад̇д̇зд̇и, ануж̇аананад̇т̇ам̣язва д̣̇ассзд̇и. ад̣дхаяог̇аад̣̇ийнам̣ висум̣ г̇ахид̇ад̇д̇аа вихаарасад̣̇д̣̇зна баарисзсад̇о авасзсааваасова г̇ахзд̇аб̣б̣од̇и ааха ‘‘ад̣дхаяог̇аад̣̇имуд̇д̇аго авасзсааваасо’’д̇и. суван̣н̣аван̇гаг̇зханд̇и суван̣н̣аван̇гачад̣̇анзна чаад̣̇ид̇ам̣ г̇зхам̣. идтагааг̇ухаад̇и идтагааяа гад̇аа г̇ухаа. зсзва наяо сзсзсуби. ааг̇ад̇асса жа анааг̇ад̇асса жаад̇и зд̇т̇а жасад̣̇д̣̇зна д̣̇ванд̣̇аваагяам̣ д̣̇ассзд̇и. ааг̇ажчад̇ийд̇и ааг̇ад̇о, на ааг̇ад̇о анааг̇ад̇о, сан̇гхо. ааг̇ад̇о жа анааг̇ад̇о жа ааг̇ад̇аанааг̇ад̇о, самаахаарад̣̇ванд̣̇о бум̣лин̇г̇о, д̇асса. ‘‘аббадихад̇ажаарассаа’’д̇и иминаа жад̇уусу д̣̇исаасу аббадихад̇ажааро жаад̇уд̣̇д̣̇исод̇и важанад̇т̇ам̣ д̣̇ассзд̇и.

294. Senāsanakkhandhake apaññattaṃ hotīti ettha na ñapadhātu hoti, apica ñādhātuyeva, so ca kho anujānanatthoti āha ‘‘ananuññātaṃ hotī’’ti. Iminā ñādhātussa avabodhanādayo atthe nivatteti, anujānanatthaṃyeva dasseti. Aḍḍhayogādīnaṃ visuṃ gahitattā vihārasaddena pārisesato avasesāvāsova gahetabboti āha ‘‘aḍḍhayogādimuttako avasesāvāso’’ti. Suvaṇṇavaṅkagehanti suvaṇṇavaṅkachadanena chāditaṃ gehaṃ. Iṭṭhakāguhāti iṭṭhakāya katā guhā. Eseva nayo sesesupi. Āgatassa ca anāgatassa cāti ettha casaddena dvandavākyaṃ dasseti. Āgacchatīti āgato, na āgato anāgato, saṅgho. Āgato ca anāgato ca āgatānāgato, samāhāradvando puṃliṅgo, tassa. ‘‘Appaṭihatacārassā’’ti iminā catūsu disāsu appaṭihatacāro cātuddisoti vacanatthaṃ dasseti.

295. анумод̣̇анаг̇аат̇аасу звам̣ винижчаяо взд̣̇ид̇аб̣б̣од̇и яож̇анаа. уд̇увисабхааг̇авасзнаад̇и сийд̇аун̣хаанам̣ уд̇уунам̣ висабхааг̇авасзна. сам̣пусид̇агаваад̇од̇и саха уд̣̇агаб̣инд̣̇унаа ааг̇ад̇о ваад̇о. зд̇т̇а хи сам̣сад̣̇д̣̇о сахад̇т̇о, пусид̇асад̣̇д̣̇о уд̣̇агаб̣инд̣̇уваажаго. уж̇угамзгхавудтияо зваад̇и ваад̇зна абахарид̇ад̇д̇аа уж̇угам̣ бад̇ид̇аа мзгхавудтияо зва. баал̣ияам̣ д̇ад̇од̇и зд̇т̇а д̇обажжаяо бажжад̇д̇ад̇т̇з вад̇д̇ад̇и. со вихаарод̇и хи ад̇т̇о. ваал̣амиг̇аани жаад̇и ваал̣амиг̇з жа. лин̇г̇авибаллаасо хзса. зд̇аани саб̣б̣аанийд̇и ‘‘сийд̇а’’нд̇иаад̣̇ийни саб̣б̣аани сад̇д̇а бад̣̇аани. яож̇зд̇аб̣б̣аанийд̇и со вихааро сийд̇ам̣ бадиханад̇и…бз… вудтияо бадиханад̇ийд̇и яож̇зд̇аб̣б̣аанийд̇и ад̇т̇о.

295. Anumodanagāthāsu evaṃ vinicchayo veditabboti yojanā. Utuvisabhāgavasenāti sītauṇhānaṃ utūnaṃ visabhāgavasena. Saṃphusitakavātoti saha udakabindunā āgato vāto. Ettha hi saṃsaddo sahattho, phusitasaddo udakabinduvācako. Ujukameghavuṭṭhiyo evāti vātena apaharitattā ujukaṃ patitā meghavuṭṭhiyo eva. Pāḷiyaṃ tatoti ettha topaccayo paccattatthe vattati. So vihāroti hi attho. Vāḷamigāni cāti vāḷamige ca. Liṅgavipallāso hesa. Etāni sabbānīti ‘‘sīta’’ntiādīni sabbāni satta padāni. Yojetabbānīti so vihāro sītaṃ paṭihanati…pe… vuṭṭhiyo paṭihanatīti yojetabbānīti attho.

‘‘вихаарзнаа’’д̇и иминаа баал̣ияам̣ д̇ад̇од̇и зд̇т̇а д̇обажжаяо гад̇д̇уд̇т̇з ход̇ийд̇и д̣̇ассзд̇и, д̇зна вихаарзнаад̇и ад̇т̇о. бадихан̃н̃ад̇ийд̇и бадиханийяад̇и. сукад̇т̇анд̇и зд̇т̇а уд̇д̇арабад̣̇алобод̇и ааха ‘‘сукавихаарад̇т̇а’’нд̇и. ‘‘лзн̣ад̇т̇ан̃жа сукад̇т̇ан̃жаа’’д̇и бад̣̇ад̣̇ваяам̣ ‘‘ход̇ий’’д̇и баатасзсзна яож̇зд̇аб̣б̣ам̣. вихаарад̣̇аанам̣ лзн̣ад̇т̇ан̃жа сукад̇т̇ан̃жа ход̇ийд̇и хи ад̇т̇о. ид̣̇анд̇и аяам̣ ад̇хиббааяо. вуд̇д̇анд̇и вуд̇д̇о. вихаарад̣̇аанам̣ сукад̇т̇ан̃жа ход̇ийд̇и яож̇анаа. жхааяид̇ум̣ вибассид̇ун̃жа яам̣ сукам̣ ад̇т̇ийд̇и самб̣анд̇хо. д̇ад̣̇ад̇т̇анд̇и д̇асса сукасса ад̇т̇ааяа. барабад̣̇знабийд̇и ‘‘жхааяид̇ун̃жа вибассид̇у’’нд̇и бад̣̇ад̣̇ваяад̇о барам̣ тид̇зна ‘‘вихаарад̣̇аана’’нд̇и бад̣̇знаби. ид̇хаад̇и имасмим̣ вихаарз. вихаарад̣̇аананд̇и вихаарасса д̣̇аанам̣, д̣̇аад̇аб̣б̣авихаарам̣ ваа, ван̣н̣ид̇анд̇и самб̣анд̇хо. вуд̇д̇анд̇и сам̣яуд̇д̇анигааяз вуд̇д̇ам̣. саад̇хагабаал̣ияам̣ яо убассаяам̣ д̣̇ад̣̇аад̇и, со жа саб̣б̣ад̣̇ад̣̇о саб̣б̣зсам̣ б̣алаад̣̇ийнам̣ д̣̇ад̣̇о ход̇ийд̇и яож̇анаа. со жаад̇и зд̇т̇а жасад̣̇д̣̇о авад̇хааран̣ад̇т̇о. со зваад̇и хи ад̇т̇о.

‘‘Vihārenā’’ti iminā pāḷiyaṃ tatoti ettha topaccayo kattutthe hotīti dasseti, tena vihārenāti attho. Paṭihaññatīti paṭihanīyati. Sukhatthanti ettha uttarapadalopoti āha ‘‘sukhavihārattha’’nti. ‘‘Leṇatthañca sukhatthañcā’’ti padadvayaṃ ‘‘hotī’’ti pāṭhasesena yojetabbaṃ. Vihāradānaṃ leṇatthañca sukhatthañca hotīti hi attho. Idanti ayaṃ adhippāyo. Vuttanti vutto. Vihāradānaṃ sukhatthañca hotīti yojanā. Jhāyituṃ vipassituñca yaṃ sukhaṃ atthīti sambandho. Tadatthanti tassa sukhassa atthāya. Parapadenapīti ‘‘jhāyituñca vipassitu’’nti padadvayato paraṃ ṭhitena ‘‘vihāradāna’’nti padenapi. Idhāti imasmiṃ vihāre. Vihāradānanti vihārassa dānaṃ, dātabbavihāraṃ vā, vaṇṇitanti sambandho. Vuttanti saṃyuttanikāye vuttaṃ. Sādhakapāḷiyaṃ yo upassayaṃ dadāti, so ca sabbadado sabbesaṃ balādīnaṃ dado hotīti yojanā. So cāti ettha casaddo avadhāraṇattho. So evāti hi attho.

‘‘вихаарз’’д̇и иминаа ваасаязд̇т̇аад̇и зд̇т̇а зд̇асад̣̇д̣̇асса висаяам̣ д̣̇ассзд̇и. ваасаязд̇и ваасзяяа. д̇зсам̣ аннан̃жаад̇и зд̇т̇а ‘‘д̇зса’’нд̇и бад̣̇ам̣ ‘‘анужчавияа’’нд̇и баатасзсзна яож̇зд̇аб̣б̣анд̇и д̣̇ассзнд̇о ааха ‘‘д̇зсам̣ анужчавияа’’нд̇и. д̇ад̇т̇а анужчавияам̣ аннан̃жа анужчавияаани вад̇т̇аани жаад̇и яож̇анаа. ат̇а ваа д̇зсанд̇и бхуммад̇т̇з самбад̣̇аанаважананд̇и д̣̇ассзнд̇о ааха ‘‘д̇зсуу’’д̇и, бхигкуусууд̇и ад̇т̇о. уж̇убхууд̇зсууд̇и зд̇т̇а самбад̣̇аанад̇т̇з бхуммаважанам̣ гад̇ваа уж̇убхууд̇аанам̣ д̇зсам̣ бхигкуунам̣ д̣̇ад̣̇зяяаад̇и ад̇т̇оби яуж̇ж̇ад̇зва. ‘‘агудилажид̇д̇зсуу’’д̇и иминаа ‘‘уж̇убхууд̇зсуу’’д̇и зд̇т̇а уж̇усад̣̇д̣̇асса агудилад̇т̇ан̃жа бхууд̇асад̣̇д̣̇зна б̣аахирад̇т̇асамаасан̃жа д̣̇ассзд̇и. уж̇убхууд̇ам̣ жид̇д̇амзд̇зсанд̇и уж̇убхууд̇аад̇и важанад̇т̇о гаад̇аб̣б̣о. нид̣̇ахзяяаад̇и никан̣ид̇ваа табзяяа. ‘‘на жид̇д̇абасаад̣̇ам̣ вираад̇хзд̇ваа’’д̇и иминаа виббасаннзна жзд̇асаад̇и зд̇т̇а звад̇т̇апалам̣ ваа ан̃н̃ад̇т̇аабоханам̣ ваа д̣̇ассзд̇и. хийд̇и палаж̇од̇аго. звам̣ виббасаннажид̇д̇асса д̇асса вихаарад̣̇ааяагасса д̇з бхигкуу д̇хаммам̣ д̣̇зсзнд̇ийд̇и яож̇анаа.

‘‘Vihāre’’ti iminā vāsayetthāti ettha etasaddassa visayaṃ dasseti. Vāsayeti vāseyya. Tesaṃ annañcāti ettha ‘‘tesa’’nti padaṃ ‘‘anucchaviya’’nti pāṭhasesena yojetabbanti dassento āha ‘‘tesaṃ anucchaviya’’nti. Tattha anucchaviyaṃ annañca anucchaviyāni vatthāni cāti yojanā. Atha vā tesanti bhummatthe sampadānavacananti dassento āha ‘‘tesū’’ti, bhikkhūsūti attho. Ujubhūtesūti ettha sampadānatthe bhummavacanaṃ katvā ujubhūtānaṃ tesaṃ bhikkhūnaṃ dadeyyāti atthopi yujjateva. ‘‘Akuṭilacittesū’’ti iminā ‘‘ujubhūtesū’’ti ettha ujusaddassa akuṭilatthañca bhūtasaddena bāhiratthasamāsañca dasseti. Ujubhūtaṃ cittametesanti ujubhūtāti vacanattho kātabbo. Nidaheyyāti nikhaṇitvā ṭhapeyya. ‘‘Na cittapasādaṃ virādhetvā’’ti iminā vippasannena cetasāti ettha evatthaphalaṃ vā aññatthāpohanaṃ vā dasseti. Hīti phalajotako. Evaṃ vippasannacittassa tassa vihāradāyakassa te bhikkhū dhammaṃ desentīti yojanā.

296. аавин̃чаначид̣̇д̣̇анд̇и ан̇г̇улим̣ ава бавзсзд̇ваа ан̃чад̇и аагад̣дхад̇и зд̇т̇а, зд̇знаад̇и ваа аавин̃чанам̣. авабуб̣б̣о ачид̇хаад̇у, убасаг̇г̇аагаарасса д̣̇ийгхам̣ гад̇ваа, д̇хаад̇уагаарасса жа игаарам̣ гад̇ваа ‘‘аавин̃чана’’нд̇и вуд̇д̇ам̣, д̇амзва чид̣̇д̣̇ам̣ аавин̃чаначид̣̇д̣̇ам̣. аавин̃чанараж̇ж̇унд̇и гаваадажчид̣̇д̣̇з ава бавзсзд̇ваа ан̃чад̇и аагад̣дхад̇и имааяаад̇и аавин̃чанаа, сааязва раж̇ж̇ууд̇и аавин̃чанараж̇ж̇у. гаажи раж̇ж̇у на на ваддад̇ийд̇и яож̇анаа. ат̇а ваа на ваддад̇и на ход̇и, ваддад̇иязваад̇и яож̇анаа. д̇ийн̣и д̇аалаанийд̇и зд̇т̇а д̇ааласад̣̇д̣̇о гун̃жигаабарияааяод̇и ааха ‘‘д̇иссо гун̃жигааяо’’д̇и. иминаа д̇ааласад̣̇д̣̇асса ругкад̇уурияависзсз нивад̇д̇зд̇и. яам̣ яанд̇и убагаран̣ам̣. д̇ассаад̇и яанд̇агасса. взд̣̇игааваад̇абаананд̇и ваад̇ам̣ бивад̇и анзнаад̇и ваад̇абаанам̣, взд̣̇игааяа гад̇ам̣ ваад̇абаанам̣ взд̣̇игааваад̇абаанам̣. жаггалиганд̇и зд̇т̇а жаггаагаарзна алад̇и бавад̇д̇ад̇ийд̇и жаггалам̣, жол̣агабаад̣̇абун̃ж̇анам̣. д̇зна б̣анд̇хид̇аб̣б̣анд̇и жаггалиганд̇и д̣̇ассзнд̇о ааха ‘‘жол̣агабаад̣̇абун̃ж̇анам̣ б̣анд̇хид̇у’’нд̇и. ‘‘ваад̇абаанаббамаан̣зна бхисим̣ гад̇ваа’’д̇и иминаа ваад̇абаанабамаан̣зна гад̇аа бхиси ваад̇абаанабхисийд̇и важанад̇т̇ам̣ д̣̇ассзд̇и.

296.Āviñchanachiddanti aṅguliṃ ava pavesetvā añchati ākaḍḍhati ettha, etenāti vā āviñchanaṃ. Avapubbo achidhātu, upasaggaakārassa dīghaṃ katvā, dhātuakārassa ca ikāraṃ katvā ‘‘āviñchana’’nti vuttaṃ, tameva chiddaṃ āviñchanachiddaṃ. Āviñchanarajjunti kavāṭacchidde ava pavesetvā añchati ākaḍḍhati imāyāti āviñchanā, sāyeva rajjūti āviñchanarajju. Kāci rajju na na vaṭṭatīti yojanā. Atha vā na vaṭṭati na hoti, vaṭṭatiyevāti yojanā. Tīṇi tālānīti ettha tālasaddo kuñcikāpariyāyoti āha ‘‘tisso kuñcikāyo’’ti. Iminā tālasaddassa rukkhatūriyavisese nivatteti. Yaṃ yanti upakaraṇaṃ. Tassāti yantakassa. Vedikāvātapānanti vātaṃ pivati anenāti vātapānaṃ, vedikāya kataṃ vātapānaṃ vedikāvātapānaṃ. Cakkalikanti ettha cakkākārena alati pavattatīti cakkalaṃ, coḷakapādapuñjanaṃ. Tena bandhitabbanti cakkalikanti dassento āha ‘‘coḷakapādapuñjanaṃ bandhitu’’nti. ‘‘Vātapānappamāṇena bhisiṃ katvā’’ti iminā vātapānapamāṇena katā bhisi vātapānabhisīti vacanatthaṃ dasseti.

297. ‘‘ужжагамби аасанд̣̇ига’’нд̇и важанад̇о ваддад̇ийд̇и взд̣̇ид̇аб̣б̣од̇и самб̣анд̇хо. згад̇обхааг̇зна д̣̇ийгхабийтам̣ адтан̇г̇улабаад̣̇агамзва ваддад̇ийд̇и яож̇анаа. д̇ад̇о ад̇хигам̣ на ваддад̇ийд̇и ад̇хиббааяо. бамаан̣аад̇игганд̇обийд̇и бисад̣̇д̣̇о бамаан̣аяуд̇д̇о бана баг̇зваад̇и д̣̇ассзд̇и. сад̇д̇ан̇г̇од̇и д̇ийсу д̣̇исаасу абассаяо, жад̇д̇ааро баад̣̇аад̇и сад̇д̇а ан̇г̇аани зд̇ассаад̇и сад̇д̇ан̇г̇о. аяамбийд̇и бисад̣̇д̣̇о аасанд̣̇игам̣ абзгкад̇и. зл̣агабаад̣̇абийтам̣ наама вужжад̇ийд̇и самб̣анд̇хо. зл̣агасса баад̣̇о вияа баад̣̇о зд̇т̇аад̇и зл̣агабаад̣̇ам̣, д̇амзва бийтам̣ зл̣агабаад̣̇абийтам̣. аамалагаван̣н̣игабийтанд̇и аамалагааяа ван̣н̣о сан̣таано аамалагаван̣н̣о, д̇зна яож̇ид̇ам̣ аамалагаван̣н̣игам̣, д̇ад̣̇зва бийтам̣ аамалагаван̣н̣игабийтам̣. ‘‘аагаарзнаа’’д̇и иминаа ван̣н̣асад̣̇д̣̇асса сан̣таанад̇т̇ам̣ д̣̇ассзд̇и. имаанийд̇и бийтаани. зд̇т̇аад̇и бийтз. мун̃жабаб̣б̣аж̇амаяанд̇и мун̃ж̇зна жа баб̣б̣аж̇зна жа гад̇ам̣.

297. ‘‘Uccakampi āsandika’’nti vacanato vaṭṭatīti veditabboti sambandho. Ekatobhāgena dīghapīṭhaṃ aṭṭhaṅgulapādakameva vaṭṭatīti yojanā. Tato adhikaṃ na vaṭṭatīti adhippāyo. Pamāṇātikkantopīti pisaddo pamāṇayutto pana pagevāti dasseti. Sattaṅgoti tīsu disāsu apassayo, cattāro pādāti satta aṅgāni etassāti sattaṅgo. Ayampīti pisaddo āsandikaṃ apekkhati. Eḷakapādapīṭhaṃ nāma vuccatīti sambandho. Eḷakassa pādo viya pādo etthāti eḷakapādaṃ, tameva pīṭhaṃ eḷakapādapīṭhaṃ. Āmalakavaṇṇikapīṭhanti āmalakāya vaṇṇo saṇṭhāno āmalakavaṇṇo, tena yojitaṃ āmalakavaṇṇikaṃ, tadeva pīṭhaṃ āmalakavaṇṇikapīṭhaṃ. ‘‘Ākārenā’’ti iminā vaṇṇasaddassa saṇṭhānatthaṃ dasseti. Imānīti pīṭhāni. Etthāti pīṭhe. Muñcapabbajamayanti muñjena ca pabbajena ca kataṃ.

мануссаананд̇и вад̣дхагиймануссаанам̣. чависам̣рагканад̇т̇ааяаад̇и чавияаа винаасанад̇о судту рагканад̇т̇ааяа. симб̣алиругкаад̣̇ийнанд̇иаад̣̇исад̣̇д̣̇зна д̇ууланиб̣б̣ад̇д̇агз саб̣б̣аругкз сан̇г̇ан̣хаад̇и. кийраваллиаад̣̇ийнанд̇иаад̣̇исад̣̇д̣̇зна д̇ууланиб̣б̣ад̇д̇агаа саб̣б̣аа лад̇ааяо сан̇г̇ан̣хаад̇и. бодагийд̇ин̣аад̣̇ийнанд̇иаад̣̇исад̣̇д̣̇зна д̇ууланиб̣б̣ад̇д̇агаа саб̣б̣аа д̇ин̣аж̇аад̇ияо сан̇г̇ан̣хаад̇и. д̇ийхийд̇и ругкалад̇аабодагийхи. нану бхууд̇аг̇аамаанам̣ анзгад̇д̇аа зд̇зхи д̇ийхи муд̇д̇о бхууд̇аг̇аамо ад̇т̇и, гасмаа бана саб̣б̣абхууд̇аг̇аамаа сан̇г̇ахид̇аа хонд̇ийд̇и ааха ‘‘ругкаваллид̇ин̣аж̇аад̇ияо хий’’д̇иаад̣̇и. д̇ад̇т̇а хи яасмаа над̇т̇и, д̇асмаа сан̇г̇ахид̇аа хонд̇ийд̇и яож̇анаа. д̇асмаад̇и яасмаа над̇т̇и, д̇асмаа. саб̣б̣амби зд̇ам̣ д̇ууланд̇и яож̇анаа. б̣иб̣б̣оханз ломамби ваддад̇ийд̇и самб̣анд̇хо. ломамбийд̇и бисад̣̇д̣̇зна д̇уулам̣ абзгкад̇и. яам̣гин̃жи бубпанд̇и саб̣б̣ам̣ бубпам̣. бад̇д̇ам̣ баабун̣ид̇ваа суд̣̇д̇хам̣ д̇амаалабад̇д̇амзва на ваддад̇и, авасзсам̣ саб̣б̣ам̣ бад̇д̇ам̣ суд̣̇д̇хамби ваддад̇ийд̇и ад̇хиббааяо. бан̃жавид̇ханд̇и ун̣н̣ажол̣аваагад̇ин̣абан̣н̣авасзна бан̃жабагаарам̣.

Manussānanti vaḍḍhakīmanussānaṃ. Chavisaṃrakkhanatthāyāti chaviyā vināsanato suṭṭhu rakkhanatthāya. Simbalirukkhādīnantiādisaddena tūlanibbattake sabbarukkhe saṅgaṇhāti. Khīravalliādīnantiādisaddena tūlanibbattakā sabbā latāyo saṅgaṇhāti. Poṭakītiṇādīnantiādisaddena tūlanibbattakā sabbā tiṇajātiyo saṅgaṇhāti. Tīhīti rukkhalatāpoṭakīhi. Nanu bhūtagāmānaṃ anekattā etehi tīhi mutto bhūtagāmo atthi, kasmā pana sabbabhūtagāmā saṅgahitā hontīti āha ‘‘rukkhavallitiṇajātiyo hī’’tiādi. Tattha hi yasmā natthi, tasmā saṅgahitā hontīti yojanā. Tasmāti yasmā natthi, tasmā. Sabbampi etaṃ tūlanti yojanā. Bibbohane lomampi vaṭṭatīti sambandho. Lomampīti pisaddena tūlaṃ apekkhati. Yaṃkiñci pupphanti sabbaṃ pupphaṃ. Pattaṃ pāpuṇitvā suddhaṃ tamālapattameva na vaṭṭati, avasesaṃ sabbaṃ pattaṃ suddhampi vaṭṭatīti adhippāyo. Pañcavidhanti uṇṇacoḷavākatiṇapaṇṇavasena pañcapakāraṃ.

‘‘убад̣дхагааяабамаан̣ааний’’д̇и иминаа ад̣̇д̇хагааяигаанийд̇и зд̇т̇а ад̣̇д̇хасса гааяасса бамаан̣зна гад̇аани ад̣̇д̇хагааяигаанийд̇и ад̇т̇ам̣ д̣̇ассзд̇и. язсу б̣иб̣б̣оханзсу гадид̇о бадтааяа яаава сийсам̣ убад̣̇аханд̇и, д̇аани б̣иб̣б̣оханаани ад̣̇д̇хагааяигаани наамаад̇и яож̇анаа. яассаад̇и б̣иб̣б̣оханасса. вид̇т̇аарад̇о мудтирад̇анам̣ ход̇ийд̇и самб̣анд̇хо. иминаа яад̇т̇а саха г̇ийвааяа сагалам̣ сийсам̣ табзд̇ум̣ саггаа, д̇асса мудтирад̇анам̣ вид̇т̇аарабамаан̣анд̇и д̣̇ассзд̇и. ‘‘д̇ийсу ган̣н̣зсу д̣̇виннам̣ ган̣н̣аана’’нд̇и ид̣̇ам̣ б̣иб̣б̣оханасса убхосу анд̇зсу табзд̇аб̣б̣ажол̣абамаан̣ам̣ санд̇хааяа вуд̇д̇ам̣. ид̣̇ам̣ бана б̣иб̣б̣оханасса убхосу анд̇зсу табид̇ажол̣асса годияаа годим̣ аахажжа д̣̇виг̇ун̣ам̣ гад̇ам̣ д̇иган̣н̣ам̣ ход̇и, д̇зсу д̇ийсу ган̣н̣зсу д̣̇виннам̣ ган̣н̣аанаманд̇арам̣ вид̣̇ад̇т̇и жад̇уран̇г̇улам̣ ход̇и, маж̇жхадтаанам̣ годид̇о годимаахажжа мудтирад̇анам̣ ход̇и, ид̣̇ам̣ бана б̣иб̣б̣оханам̣ д̇иган̣н̣ам̣ ход̇и. ваддам̣ ваа жад̇урассаад̣̇им̣ ваа гад̇ваа сиб̣б̣ид̇ам̣ яат̇аа годид̇о годи вид̇т̇аарад̇о бут̇уладтаанам̣ мудтирад̇анам̣ ход̇и, звам̣ сиб̣б̣ид̇аб̣б̣ам̣. ид̇о ад̇хигам̣ на ваддад̇и, уунам̣ бана ваддад̇иязва. сийсуубад̇хаананд̇и сийсам̣ убад̣̇аханд̇и табзнд̇и зд̇т̇аад̇и сийсуубад̇хаанам̣. б̣иб̣б̣оханаанийд̇и висзсзна, висзсам̣ ваа сукам̣ ваханд̇ийд̇и б̣иб̣б̣оханаани. убарийд̇и б̣иб̣б̣оханаанам̣ убари. яаани бана габбияад̇уулаани санд̇ийд̇и яож̇анаа. маханд̇амбийд̇и бисад̣̇д̣̇о куд̣̇д̣̇агам̣ бана баг̇зваад̇и д̣̇ассзд̇и. винаяад̇хараубад̇иссад̇т̇зро бана аахаад̇и самб̣анд̇хо. ‘‘винаяад̇хара’’ ид̇и бад̣̇зна пуссад̣̇звад̇т̇зрад̇о висзсам̣ д̣̇ассзд̇и. агаббияад̇уулам̣ ваад̇и бхисияам̣ агаббияад̇уулам̣ ваа. б̣иб̣б̣оханз хи агаббияад̇уулам̣ наама над̇т̇и.

‘‘Upaḍḍhakāyapamāṇānī’’ti iminā addhakāyikānīti ettha addhassa kāyassa pamāṇena katāni addhakāyikānīti atthaṃ dasseti. Yesu bibbohanesu kaṭito paṭṭhāya yāva sīsaṃ upadahanti, tāni bibbohanāni addhakāyikāni nāmāti yojanā. Yassāti bibbohanassa. Vitthārato muṭṭhiratanaṃ hotīti sambandho. Iminā yattha saha gīvāya sakalaṃ sīsaṃ ṭhapetuṃ sakkā, tassa muṭṭhiratanaṃ vitthārapamāṇanti dasseti. ‘‘Tīsu kaṇṇesu dvinnaṃ kaṇṇāna’’nti idaṃ bibbohanassa ubhosu antesu ṭhapetabbacoḷapamāṇaṃ sandhāya vuttaṃ. Idaṃ pana bibbohanassa ubhosu antesu ṭhapitacoḷassa koṭiyā koṭiṃ āhacca dviguṇaṃ kataṃ tikaṇṇaṃ hoti, tesu tīsu kaṇṇesu dvinnaṃ kaṇṇānamantaraṃ vidatthi caturaṅgulaṃ hoti, majjhaṭṭhānaṃ koṭito koṭimāhacca muṭṭhiratanaṃ hoti, idaṃ pana bibbohanaṃ tikaṇṇaṃ hoti. Vaṭṭaṃ vā caturassādiṃ vā katvā sibbitaṃ yathā koṭito koṭi vitthārato puthulaṭṭhānaṃ muṭṭhiratanaṃ hoti, evaṃ sibbitabbaṃ. Ito adhikaṃ na vaṭṭati, ūnaṃ pana vaṭṭatiyeva. Sīsūpadhānanti sīsaṃ upadahanti ṭhapenti etthāti sīsūpadhānaṃ. Bibbohanānīti visesena, visesaṃ vā sukhaṃ vahantīti bibbohanāni. Uparīti bibbohanānaṃ upari. Yāni pana kappiyatūlāni santīti yojanā. Mahantampīti pisaddo khuddakaṃ pana pagevāti dasseti. Vinayadharaupatissatthero pana āhāti sambandho. ‘‘Vinayadhara’’ iti padena phussadevattherato visesaṃ dasseti. Akappiyatūlaṃ vāti bhisiyaṃ akappiyatūlaṃ vā. Bibbohane hi akappiyatūlaṃ nāma natthi.

бан̃жабхисияод̇и зд̇т̇а ваагяабхааван̃жа асамаахаарад̣̇иг̇убхааван̃жа бадигкибанд̇о ааха ‘‘бан̃жахи ун̣н̣аад̣̇ийхи буурид̇аа бхисияо’’д̇и. иминаа бан̃жахи ун̣н̣аад̣̇ийхи буурид̇аа бхисияо бан̃жабхисияод̇и важанад̇т̇ам̣ д̣̇ассзд̇и. ад̇т̇ад̇о бана ваагяамби асамаахаарад̣̇иг̇уби яуж̇ж̇ад̇зва. гасмаа бан̃жаг̇ан̣анаа ход̇ийд̇и ааха ‘‘д̇уулаг̇ан̣анааяа хий’’д̇иаад̣̇и. хи яасмаа д̇уулаг̇ан̣анааяа зд̇аасам̣ г̇ан̣анаа вуд̇д̇аа, д̇асмаа бан̃жабхисияо хонд̇ийд̇и яож̇анаа. д̇ад̇т̇аад̇и ун̣н̣аад̣̇ийсу бан̃жасу. ун̣н̣аг̇г̇ахан̣зна г̇ахид̇анд̇и самб̣анд̇хо. гамб̣аламзваад̇и ун̣н̣аамаяам̣ гамб̣аламзва. ун̣н̣ааяа, ун̣н̣ам̣ ваа багкибид̇ваа гад̇аа бхиси ун̣н̣аабхиси. зсзва наяо жол̣абхисиаад̣̇ийсу.

Pañcabhisiyoti ettha vākyabhāvañca asamāhāradigubhāvañca paṭikkhipanto āha ‘‘pañcahi uṇṇādīhi pūritā bhisiyo’’ti. Iminā pañcahi uṇṇādīhi pūritā bhisiyo pañcabhisiyoti vacanatthaṃ dasseti. Atthato pana vākyampi asamāhāradigupi yujjateva. Kasmā pañcagaṇanā hotīti āha ‘‘tūlagaṇanāya hī’’tiādi. Hi yasmā tūlagaṇanāya etāsaṃ gaṇanā vuttā, tasmā pañcabhisiyo hontīti yojanā. Tatthāti uṇṇādīsu pañcasu. Uṇṇaggahaṇena gahitanti sambandho. Kambalamevāti uṇṇāmayaṃ kambalameva. Uṇṇāya, uṇṇaṃ vā pakkhipitvā katā bhisi uṇṇābhisi. Eseva nayo coḷabhisiādīsu.

бамаан̣анияамод̇и зд̇д̇агаа бамаан̣аад̇и бамаан̣асса нияамо. ман̃жз ад̇т̇арид̇аб̣б̣аа бхиси ман̃жабхиси. зд̇аасанд̇и ман̃жабхисиаад̣̇ийнам̣. яам̣ зд̇ам̣ д̇ууланд̇и яож̇анаа. суурагзбийд̇и жаммамаяабхисияамби. зд̇знаад̇и гурунд̣̇ияам̣ вуд̇д̇аважанзна сид̣̇д̇хам̣ ход̇ийд̇и самб̣анд̇хо.

Pamāṇaniyamoti ettakā pamāṇāti pamāṇassa niyamo. Mañce attharitabbā bhisi mañcabhisi. Etāsanti mañcabhisiādīnaṃ. Yaṃ etaṃ tūlanti yojanā. Sūrakepīti cammamayabhisiyampi. Etenāti kurundiyaṃ vuttavacanena siddhaṃ hotīti sambandho.

ман̃жабхисинд̇и ман̃жз ад̇т̇арид̇аб̣б̣ам̣ бхисим̣. ‘‘ад̇т̇аран̣ад̇т̇ааяа сам̣харанд̇ийд̇и яуж̇ж̇ад̇ий’’д̇и иминаа ‘‘ад̇т̇аранд̇ий’’д̇и зд̇т̇а гаарияуубажаарзна ад̇т̇о г̇ахзд̇аб̣б̣од̇и д̣̇ассзд̇и. ад̇т̇аран̣ааяа хи сам̣харан̣ам̣ гааран̣ам̣ наама, ад̇т̇аран̣ам̣ гаарияам̣ наама. убарийд̇и бхисичавияаа убари. пусид̇аанийд̇и б̣инд̣̇ууни. бхид̇д̇игамманд̇и бхид̇д̇ияам̣ наанааван̣н̣зхи рааж̇игаран̣ам̣ вияа гад̇д̇аб̣б̣ам̣ гаммам̣.

Mañcabhisinti mañce attharitabbaṃ bhisiṃ. ‘‘Attharaṇatthāya saṃharantīti yujjatī’’ti iminā ‘‘attharantī’’ti ettha kāriyūpacārena attho gahetabboti dasseti. Attharaṇāya hi saṃharaṇaṃ kāraṇaṃ nāma, attharaṇaṃ kāriyaṃ nāma. Uparīti bhisichaviyā upari. Phusitānīti bindūni. Bhittikammanti bhittiyaṃ nānāvaṇṇehi rājikaraṇaṃ viya kattabbaṃ kammaṃ.

298. ‘‘иггааса’’нд̇и наамам̣ нияяаасасилзсаанам̣ нааманд̇и ааха ‘‘ругканияяаасам̣ ваа силзсам̣ ваа’’д̇и. ‘‘гун̣д̣агамиссагамад̇д̇ига’’нд̇и иминаа гун̣д̣агзна миссагаа мад̇д̇игаа гун̣д̣агамад̇д̇игаад̇и важанад̇т̇ам̣ д̣̇ассзд̇и. саасабабидтанд̇и саасабажун̣н̣ам̣. ‘‘б̣инд̣̇у б̣инд̣̇у худ̇ваа’’д̇и иминаа ажжуссаннам̣ ход̇ийд̇и зд̇т̇а гааран̣уубажаарам̣ д̣̇ассзд̇и. ажжуссаннан̃хи гааран̣ам̣ ход̇и, ‘‘б̣инд̣̇у б̣инд̣̇у худ̇ваа’’д̇и таанам̣ гаарияам̣ ход̇и. ‘‘бун̃ж̇ид̇у’’нд̇и сод̇хзд̇ум̣. г̇ан̣д̣уббаад̣̇аг̇уут̇амад̇д̇иганд̇и махилад̇ааяа г̇уут̇амаяам̣ мад̇д̇игам̣. иминаа лан̣д̣амад̇д̇иганд̇и зд̇т̇а лан̣д̣асад̣̇д̣̇о г̇уут̇абарияааяод̇и д̣̇ассзд̇и.

298.‘‘Ikkāsa’’nti nāmaṃ niyyāsasilesānaṃ nāmanti āha ‘‘rukkhaniyyāsaṃ vā silesaṃ vā’’ti. ‘‘Kuṇḍakamissakamattika’’nti iminā kuṇḍakena missakā mattikā kuṇḍakamattikāti vacanatthaṃ dasseti. Sāsapapiṭṭhanti sāsapacuṇṇaṃ. ‘‘Bindu bindu hutvā’’ti iminā accussannaṃ hotīti ettha kāraṇūpacāraṃ dasseti. Accussannañhi kāraṇaṃ hoti, ‘‘bindu bindu hutvā’’ti ṭhānaṃ kāriyaṃ hoti. ‘‘Puñjitu’’nti sodhetuṃ. Gaṇḍuppādagūthamattikanti mahilatāya gūthamayaṃ mattikaṃ. Iminā laṇḍamattikanti ettha laṇḍasaddo gūthapariyāyoti dasseti.

299. на бхигкавз бадибхаанажид̇д̇анд̇и зд̇т̇а ‘‘ид̇т̇ируубагам̣ бурисаруубага’’нд̇и баал̣ияам̣ вуд̇д̇ад̇д̇аа гим̣ ид̇т̇ибурисаруубамзва на ваддад̇ийд̇и ааха ‘‘на гзвала’’нд̇иаад̣̇и. д̇иражчаанаруубамби гаад̇ум̣ ваа ‘‘гарохий’’д̇и вад̇д̇ум̣ ваа на ваддад̇ийд̇и самб̣анд̇хо. д̣̇ваарабааланд̇и д̣̇ваарабааларуубам̣. басаад̣̇анийяаанийд̇и басаад̣̇зд̇аб̣б̣аани, басаад̣̇зд̇ум̣ арахаанийд̇и ад̇т̇о.

299.Na bhikkhave paṭibhānacittanti ettha ‘‘itthirūpakaṃ purisarūpaka’’nti pāḷiyaṃ vuttattā kiṃ itthipurisarūpameva na vaṭṭatīti āha ‘‘na kevala’’ntiādi. Tiracchānarūpampi kātuṃ vā ‘‘karohī’’ti vattuṃ vā na vaṭṭatīti sambandho. Dvārapālanti dvārapālarūpaṃ. Pasādanīyānīti pasādetabbāni, pasādetuṃ arahānīti attho.

300. зган̇г̇ан̣аад̇и авихаарадтаанзна самаанабхуумибхааг̇аа. мун̣д̣ажчзд̣̇анаг̇аб̣бход̇и мун̣д̣зна чаад̣̇зд̇аб̣б̣о г̇аб̣бхо.

300.Ekaṅgaṇāti avihāraṭṭhānena samānabhūmibhāgā. Muṇḍacchedanagabbhoti muṇḍena chādetabbo gabbho.

д̇ад̇т̇аад̇и виж̇жхид̇аб̣б̣аругкз. ‘‘гад̇а’’нд̇и иминаа гулан̇габаад̣̇аганд̇и зд̇т̇а н̣игабажжаяасса ад̇т̇ам̣ д̣̇ассзд̇и. д̇ам̣ аахаримам̣ бхид̇д̇ибаад̣̇ам̣ бад̇идтаабзд̇унд̇и самб̣анд̇хо. вассабарид̇д̇аан̣ад̇т̇анд̇и вассод̣̇агабарид̇д̇аан̣ад̇т̇ам̣. ‘‘мад̣̇д̣̇ид̇амад̇д̇ига’’нд̇и иминаа уд̣̇д̣̇асуд̇ханд̇и зд̇т̇а суд̇хаасад̣̇д̣̇асса лзбанасуд̇хам̣ д̣̇ассзд̇и, бхож̇анасуд̇хам̣ нивад̇д̇зд̇и.

Tatthāti vijjhitabbarukkhe. ‘‘Kata’’nti iminā kulaṅkapādakanti ettha ṇikapaccayassa atthaṃ dasseti. Taṃ āharimaṃ bhittipādaṃ patiṭṭhāpetunti sambandho. Vassaparittāṇatthanti vassodakaparittāṇatthaṃ. ‘‘Madditamattika’’nti iminā uddasudhanti ettha sudhāsaddassa lepanasudhaṃ dasseti, bhojanasudhaṃ nivatteti.

бамуканд̇и вихаарасса бамукам̣. яанд̇и бад̣̇зсам̣, хананд̇ийд̇и самб̣анд̇хо. д̇асса гад̇абад̣̇зсассаад̇и яож̇анаа. ‘‘багхаана’’нд̇иби вужжад̇ийд̇и д̣̇ийгхавасзна ‘‘багхаана’’нд̇иби вужжад̇и. иминаа буримабаатз рассабхаавам̣ д̣̇ийбзд̇и. ‘‘багудда’’нд̇иби баатод̇и сасам̣яог̇авасзна ‘‘багудда’’нд̇иби баато. иминаа буримабаатз нисам̣яог̇абхаавам̣ д̣̇ассзд̇и. вам̣санд̇и взл̣ум̣. д̇ад̇од̇и вам̣сад̇о. ‘‘осаарзд̇ваа гад̇а’’нд̇и иминаа осаарзд̇ваа гад̇ам̣ осаараганд̇и важанад̇т̇ам̣ д̣̇ассзд̇и. ‘‘чад̣̇анабамука’’нд̇и иминаа н̣игабажжаяасса саруубам̣ д̣̇ассзд̇и. жаггалаяуд̇д̇од̇и жаггалзна яуд̇д̇о.

Pamukhanti vihārassa pamukhaṃ. Yanti padesaṃ, hanantīti sambandho. Tassa katapadesassāti yojanā. ‘‘Paghāna’’ntipi vuccatīti dīghavasena ‘‘paghāna’’ntipi vuccati. Iminā purimapāṭhe rassabhāvaṃ dīpeti. ‘‘Pakuṭṭa’’ntipi pāṭhoti sasaṃyogavasena ‘‘pakuṭṭa’’ntipi pāṭho. Iminā purimapāṭhe nisaṃyogabhāvaṃ dasseti. Vaṃsanti veḷuṃ. Tatoti vaṃsato. ‘‘Osāretvā kata’’nti iminā osāretvā kataṃ osārakanti vacanatthaṃ dasseti. ‘‘Chadanapamukha’’nti iminā ṇikapaccayassa sarūpaṃ dasseti. Cakkalayuttoti cakkalena yutto.

301. баанийяад̣̇аанабхааж̇ананд̇и баанийяам̣ д̣̇зд̇и анзнаад̇и баанийяад̣̇аанам̣, д̇амзва бхааж̇анам̣ баанийяад̣̇аанабхааж̇анам̣. ‘‘ул̣ун̇го жа т̇аалаган̃жаа’’д̇и иминаа д̣̇вз баанийяасан̇касса ануломаанийд̇и яож̇анаа.

301.Pānīyadānabhājananti pānīyaṃ deti anenāti pānīyadānaṃ, tameva bhājanaṃ pānīyadānabhājanaṃ. ‘‘Uḷuṅko ca thālakañcā’’ti iminā dve pānīyasaṅkhassa anulomānīti yojanā.

303. д̣̇ваарат̇аганаганд̇и д̣̇ваарам̣ т̇агзд̇и анзнаад̇и д̣̇ваарат̇аганагам̣. г̇аамад̣̇ваарзсу д̣̇ваарат̇аганагам̣ вияа жаггалаяуд̇д̇ам̣ д̣̇ваарат̇аганаганд̇и яож̇анаа.

303.Dvārathakanakanti dvāraṃ thaketi anenāti dvārathakanakaṃ. Gāmadvāresu dvārathakanakaṃ viya cakkalayuttaṃ dvārathakanakanti yojanā.

305. ассад̇арират̇аад̇и ассаанам̣ висзсзна, ад̇исаязна ваад̇и ассад̇аро, ат̇а ваа багад̇иассз д̇арад̇и ад̇иггамад̇ийд̇и ассад̇аро, со зд̇зсу рат̇зсу яуж̇ж̇ид̇аб̣б̣од̇и ассад̇арий, д̇зязва рат̇аад̇и ассад̇арират̇аад̇и д̣̇ассзнд̇о ааха ‘‘ассад̇араяуд̇д̇аа рат̇аа ассад̇арират̇аа’’д̇и. д̇ад̇т̇а ‘‘ассад̇араяуд̇д̇аа’’д̇и иминаа ‘‘ассад̇арий’’д̇и бад̣̇асса ассад̇т̇ид̇ад̣̇д̇хид̇ам̣ д̣̇ассзд̇и. аамуд̇д̇аман̣игун̣д̣алаад̇и бад̣̇асса ‘‘сад̇ам̣ ган̃н̃аа сахассааний’’д̇и бад̣̇зна самб̣анд̇хид̇аб̣б̣ад̇д̇аа вуд̇д̇ам̣ ‘‘аамуд̇д̇аман̣игун̣д̣алааний’’д̇и. иминаа нигаарасса аагааро ход̇ийд̇и д̣̇ассзд̇и. ган̣н̣зсу аамуд̇д̇ам̣ ман̣игун̣д̣алам̣ зд̇аасанд̇и аамуд̇д̇аман̣игун̣д̣алаа ган̃н̃ааяо.

305.Assatarirathāti assānaṃ visesena, atisayena vāti assataro, atha vā pakatiasse tarati atikkamatīti assataro, so etesu rathesu yujjitabboti assatarī, teyeva rathāti assatarirathāti dassento āha ‘‘assatarayuttā rathā assatarirathā’’ti. Tattha ‘‘assatarayuttā’’ti iminā ‘‘assatarī’’ti padassa assatthitaddhitaṃ dasseti. Āmuttamaṇikuṇḍalāti padassa ‘‘sataṃ kaññā sahassānī’’ti padena sambandhitabbattā vuttaṃ ‘‘āmuttamaṇikuṇḍalānī’’ti. Iminā nikārassa ākāro hotīti dasseti. Kaṇṇesu āmuttaṃ maṇikuṇḍalaṃ etāsanti āmuttamaṇikuṇḍalā kaññāyo.

канд̇хабариниб̣б̣аанзна бариниб̣б̣уд̇од̇и ад̇т̇ам̣ бадигкибанд̇о ааха ‘‘гилзсабариниб̣б̣аанзна бариниб̣б̣уд̇о’’д̇и. сийд̇ибхууд̇од̇и зд̇т̇а гилзсаад̇абаанам̣ абхаавзнзва сийд̇ибхууд̇о, на ан̃н̃зсанд̇и ааха ‘‘гилзсаад̇абаабхаавзнаа’’д̇и. ‘‘гилзсуубад̇хиабхаавзнаа’’д̇и иминаа нирубад̇хийд̇и зд̇т̇а канд̇хуубад̇хиабхисан̇кааруубад̇хиабхаавзнаад̇и ад̇т̇ам̣ бадигкибад̇и.

Khandhaparinibbānena parinibbutoti atthaṃ paṭikkhipanto āha ‘‘kilesaparinibbānena parinibbuto’’ti. Sītibhūtoti ettha kilesātapānaṃ abhāveneva sītibhūto, na aññesanti āha ‘‘kilesātapābhāvenā’’ti. ‘‘Kilesūpadhiabhāvenā’’ti iminā nirupadhīti ettha khandhūpadhiabhisaṅkhārūpadhiabhāvenāti atthaṃ paṭikkhipati.

аасад̇д̇ияод̇и зд̇т̇а бунаббунам̣ висаязсу, бхавзсу ваа сан̃ж̇анд̇ийд̇и аасад̇д̇ияод̇и д̣̇ассзнд̇о ааха ‘‘руубаад̣̇ийсуу’’д̇иаад̣̇и. бад̇т̇анааяод̇и д̇ан̣хааяо. иминаа аасад̇д̇ийнам̣ саруубам̣ д̣̇ассзд̇и. ‘‘чинд̣̇ид̇ваа’’д̇и иминаа чзд̇ваад̇и зд̇т̇а чзд̇хаад̇уяаа чзд̣̇анад̇т̇ам̣ д̣̇ассзд̇и. винзяяахад̣̇аяз д̣̇аранд̇и зд̇т̇а ‘‘винзяяаа’’д̇и бад̣̇асса д̇ваабажжаяанд̇абхааван̃жа хад̣̇аяасад̣̇д̣̇асса жид̇д̇аваажагабхааван̃жа д̣̇арат̇асаруубан̃жа д̣̇ассзнд̇о ааха ‘‘жид̇д̇з гилзсад̣̇арат̇ам̣ винзд̇ваа’’д̇и. д̇ад̇т̇а ‘‘жид̇д̇з’’д̇и иминаа хад̣̇аяасад̣̇д̣̇ассад̇т̇ам̣ д̣̇ассзд̇и, ‘‘гилзса’’ ид̇и бад̣̇зна д̣̇арат̇асаруубам̣, ‘‘винзд̇ваа’’д̇и иминаа д̇ваабажжаяанд̇абхаавам̣ д̣̇ассзд̇и. ваяагаран̣анд̇и бариб̣б̣аяамуулам̣. д̇ан̃хи ваяам̣ гарияад̇и анзнаад̇и ваяагаран̣анд̇и вужжад̇и. иминаа ваяасса гаран̣ам̣ ваяааяигам̣, гаран̣ад̇т̇з ааяигабажжаяо, ваяааяигамзва взяяааяиганд̇и ад̇т̇ам̣ д̣̇ассзд̇и.

Āsattiyoti ettha punappunaṃ visayesu, bhavesu vā sañjantīti āsattiyoti dassento āha ‘‘rūpādīsū’’tiādi. Patthanāyoti taṇhāyo. Iminā āsattīnaṃ sarūpaṃ dasseti. ‘‘Chinditvā’’ti iminā chetvāti ettha chedhātuyā chedanatthaṃ dasseti. Vineyyahadaye daranti ettha ‘‘vineyyā’’ti padassa tvāpaccayantabhāvañca hadayasaddassa cittavācakabhāvañca darathasarūpañca dassento āha ‘‘citte kilesadarathaṃ vinetvā’’ti. Tattha ‘‘citte’’ti iminā hadayasaddassatthaṃ dasseti, ‘‘kilesa’’ iti padena darathasarūpaṃ, ‘‘vinetvā’’ti iminā tvāpaccayantabhāvaṃ dasseti. Vayakaraṇanti paribbayamūlaṃ. Tañhi vayaṃ kariyati anenāti vayakaraṇanti vuccati. Iminā vayassa karaṇaṃ vayāyikaṃ, karaṇatthe āyikapaccayo, vayāyikameva veyyāyikanti atthaṃ dasseti.

307. аад̣̇зяяаваажод̇и зд̇т̇а аад̣̇ияид̇аб̣б̣аад̇и аад̣̇зяяаа, саа ваажаа зд̇ассаад̇и аад̣̇зяяаваажод̇и д̣̇ассзнд̇о ааха ‘‘д̇асса важана’’нд̇иаад̣̇и. д̇ад̇т̇а д̇ассаад̇и анаат̇абин̣д̣игасса. сад̇ханаад̇и сам̣виж̇ж̇амаана д̇ханаа, ад̇д̇ано ваа д̇ханаванд̇о. манд̣̇ад̇ханаад̇и аббад̇ханаа. ад̣̇аасийд̇и анаат̇абин̣д̣иго ад̣̇ааси. ид̇ийд̇и звам̣, д̣̇ад̇ваа гад̇ваад̇и самб̣анд̇хо. сод̇и анаат̇абин̣д̣иго, аг̇амаасийд̇и самб̣анд̇хо.

307.Ādeyyavācoti ettha ādiyitabbāti ādeyyā, sā vācā etassāti ādeyyavācoti dassento āha ‘‘tassa vacana’’ntiādi. Tattha tassāti anāthapiṇḍikassa. Sadhanāti saṃvijjamāna dhanā, attano vā dhanavanto. Mandadhanāti appadhanā. Adāsīti anāthapiṇḍiko adāsi. Itīti evaṃ, datvā katvāti sambandho. Soti anāthapiṇḍiko, agamāsīti sambandho.

гахаабан̣з сант̇арийд̇и самб̣анд̇хо. годияаа гаран̣абхууд̇ааяа, аад̇хаарабхууд̇ааяа ваа. бадибаад̇зд̇ваад̇и бадиханаабзд̇ваа . д̇ад̇т̇а д̇асмим̣ таанз яз ругкаа ваа яаа богкаран̣ияо ваа д̇идтанд̇ийд̇и яож̇анаа. д̇зсанд̇и д̇аасам̣ ругкабогкаран̣ийнам̣. сааман̃н̃ан̃хи абзгкид̇ваа буллин̇г̇авасзна вуд̇д̇ам̣. баригкзбабамаан̣анд̇и барин̣аахасса бамаан̣ам̣. ассаад̇и анаат̇абин̣д̣игасса.

Kahāpaṇe santharīti sambandho. Koṭiyā karaṇabhūtāya, ādhārabhūtāya vā. Paṭipātetvāti paṭihanāpetvā . Tattha tasmiṃ ṭhāne ye rukkhā vā yā pokkharaṇiyo vā tiṭṭhantīti yojanā. Tesanti tāsaṃ rukkhapokkharaṇīnaṃ. Sāmaññañhi apekkhitvā pulliṅgavasena vuttaṃ. Parikkhepapamāṇanti pariṇāhassa pamāṇaṃ. Assāti anāthapiṇḍikassa.

звам̣ б̣ахуд̇ханам̣ жаж̇анд̇ассааби г̇ахабад̇инод̇и яож̇анаа. годтагам̣ маабзсийд̇и зд̇т̇а ан̃н̃з годтагз бадигкибанд̇о ааха ‘‘д̣̇ваарагодтагабаасаад̣̇а’’нд̇и.

Evaṃ bahudhanaṃ cajantassāpi gahapatinoti yojanā. Koṭṭhakaṃ māpesīti ettha aññe koṭṭhake paṭikkhipanto āha ‘‘dvārakoṭṭhakapāsāda’’nti.

вихаараад̣̇аяод̇и зд̇т̇а аад̣̇исад̣̇д̣̇зна баал̣ияам̣ ааг̇ад̇з баривзн̣аад̣̇аяо жуд̣̇д̣̇аса убагаран̣з сан̇г̇ан̣хаад̇и. амхаагам̣ бхаг̇авад̇о вихаарагаараабанабасан̇г̇зна сад̇д̇аннамби б̣уд̣̇д̇хаанам̣ вихаарагаараабанам̣ д̣̇ассзнд̇о ааха ‘‘вибассиссаа’’д̇иаад̣̇и. д̇ад̇т̇а вибассисса бхаг̇авад̇о вихаарам̣ (д̣̇ий. ни. адта. 2.12) гаараабзсийд̇и самб̣анд̇хо. д̇иг̇аавуд̇аббамаан̣ам̣ бхуумим̣ суван̣н̣аяадтисант̇арзна гин̣ид̇ваа вихаарам̣ гаараабзсийд̇и яож̇анаа. зсзва наяо барад̇оби. адтагарийсаббамаан̣аа бхууми усабхзна д̣̇асаусабхаббамаан̣аа яадтияаа д̣̇висад̇аяадтиббамаан̣аа ход̇ийд̇и д̣̇адтаб̣б̣ам̣. ‘‘звам̣ анубуб̣б̣зна барихааяанд̇ий’’д̇и вад̇ваа саб̣б̣аж̇анам̣ сам̣взж̇знд̇о ааха ‘‘самбад̇д̇ияо хий’’д̇иаад̣̇и. д̇ад̇т̇а яасмаа самбад̇д̇ияо барихааяанд̇и, д̇асмаа аламзва саб̣б̣асамбад̇д̇ийсу вираж̇ж̇ид̇ум̣, алам̣ зва саб̣б̣асамбад̇д̇ийхи вимужжид̇унд̇и яож̇анаа. ‘‘саб̣б̣асамбад̇д̇ийсуу’’д̇и бад̣̇ан̃хи ‘‘вимужжид̇у’’нд̇и бад̣̇зна вибхад̇д̇ибарин̣аамам̣ гад̇ваа самб̣анд̇хид̇аб̣б̣ам̣.

Vihārādayoti ettha ādisaddena pāḷiyaṃ āgate pariveṇādayo cuddasa upakaraṇe saṅgaṇhāti. Amhākaṃ bhagavato vihārakārāpanapasaṅgena sattannampi buddhānaṃ vihārakārāpanaṃ dassento āha ‘‘vipassissā’’tiādi. Tattha vipassissa bhagavato vihāraṃ (dī. ni. aṭṭha. 2.12) kārāpesīti sambandho. Tigāvutappamāṇaṃ bhūmiṃ suvaṇṇayaṭṭhisantharena kiṇitvā vihāraṃ kārāpesīti yojanā. Eseva nayo paratopi. Aṭṭhakarīsappamāṇā bhūmi usabhena dasausabhappamāṇā yaṭṭhiyā dvisatayaṭṭhippamāṇā hotīti daṭṭhabbaṃ. ‘‘Evaṃ anupubbena parihāyantī’’ti vatvā sabbajanaṃ saṃvejento āha ‘‘sampattiyo hī’’tiādi. Tattha yasmā sampattiyo parihāyanti, tasmā alameva sabbasampattīsu virajjituṃ, alaṃ eva sabbasampattīhi vimuccitunti yojanā. ‘‘Sabbasampattīsū’’ti padañhi ‘‘vimuccitu’’nti padena vibhattipariṇāmaṃ katvā sambandhitabbaṃ.

308. кан̣д̣апулласад̣̇д̣̇аанам̣ ад̇хигаран̣абхаавам̣ д̣̇ассзнд̇о ааха ‘‘кан̣д̣анд̇и чинногаасо. пулланд̇и палид̇огаасо’’д̇и. д̇ад̇т̇а ‘‘чинногаасо’’д̇и иминаа кан̣д̣ад̇и чиж̇ж̇ад̇и зд̇т̇аад̇и кан̣д̣анд̇и важанад̇т̇ам̣ д̣̇ассзд̇и. ‘‘палид̇огаасо’’д̇и иминаа пуллад̇и палад̇и зд̇т̇аад̇и пулланд̇и важанад̇т̇ам̣ д̣̇ассзд̇и. бадисан̇кариссад̇ийд̇и зд̇т̇а баадисад̣̇д̣̇асса баагад̇игад̇т̇абхаавам̣, сан̇кариссад̇исад̣̇д̣̇асса жа гарад̇хаад̇уяаа нибпаннабхаавам̣ д̣̇ассзд̇ум̣ вуд̇д̇ам̣ ‘‘баагад̇игам̣ гарияад̇ий’’д̇и.

308. Khaṇḍaphullasaddānaṃ adhikaraṇabhāvaṃ dassento āha ‘‘khaṇḍanti chinnokāso. Phullanti phalitokāso’’ti. Tattha ‘‘chinnokāso’’ti iminā khaṇḍati chijjati etthāti khaṇḍanti vacanatthaṃ dasseti. ‘‘Phalitokāso’’ti iminā phullati phalati etthāti phullanti vacanatthaṃ dasseti. Paṭisaṅkharissatīti ettha pāṭisaddassa pākatikatthabhāvaṃ, saṅkharissatisaddassa ca karadhātuyā nipphannabhāvaṃ dassetuṃ vuttaṃ ‘‘pākatikaṃ kariyatī’’ti.

310. т̇зрод̇и саарибуд̇д̇ад̇т̇зро, ааг̇ажчад̇ийд̇и самб̣анд̇хо. ид̣̇анд̇и г̇илаанабадиж̇аг̇г̇анаад̣̇и. ассаад̇и т̇зрасса. аг̇г̇аасананд̇иаад̣̇ийсу аг̇г̇асад̣̇д̣̇о батамад̇т̇оби уд̇д̇амад̇т̇оби яуж̇ж̇ад̇и. д̇зна вуд̇д̇ам̣ ‘‘т̇зраасана’’нд̇иаад̣̇и. анд̇араа сад̇т̇ийнанд̇и зд̇т̇а анд̇араад̇и бхуммад̇т̇з ниссаггаважанам̣. сад̇т̇исад̣̇д̣̇о жа уурусан̇каад̇о баад̣̇аваажагод̇и ааха ‘‘жад̇уннам̣ баад̣̇аанам̣ анд̇арз’’д̇и.

310.Theroti sāriputtatthero, āgacchatīti sambandho. Idanti gilānapaṭijagganādi. Assāti therassa. Aggāsanantiādīsu aggasaddo paṭhamatthopi uttamatthopi yujjati. Tena vuttaṃ ‘‘therāsana’’ntiādi. Antarā satthīnanti ettha antarāti bhummatthe nissakkavacanaṃ. Satthisaddo ca ūrusaṅkhāto pādavācakoti āha ‘‘catunnaṃ pādānaṃ antare’’ti.

315. бад̇идтаабзсийд̇и зд̇т̇а гам̣ ваяам̣ гад̇ваа бад̇идтаабзсийд̇и ааха ‘‘адтаарасагодибарижжааг̇ам̣ гад̇ваа’’д̇и. званд̇иаад̣̇и ниг̇аманам̣.

315.Patiṭṭhāpesīti ettha kaṃ vayaṃ katvā patiṭṭhāpesīti āha ‘‘aṭṭhārasakoṭipariccāgaṃ katvā’’ti. Evantiādi nigamanaṃ.

Next: аасанаббадиб̣ааханаад̣̇игат̇аа • Āsanappaṭibāhanādikathā

адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / вихаараануж̇аананагат̇аа • Vihārānujānanakathā

дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
вихаараануж̇аананагат̇ааван̣н̣анаа • Vihārānujānanakathāvaṇṇanā
ман̃жабийтаад̣̇иануж̇аананагат̇ааван̣н̣анаа • Mañcapīṭhādianujānanakathāvaṇṇanā
идтагаажаяаад̣̇иануж̇аананагат̇ааван̣н̣анаа • Iṭṭhakācayādianujānanakathāvaṇṇanā
анаат̇абин̣д̣игавад̇т̇угат̇ааван̣н̣анаа • Anāthapiṇḍikavatthukathāvaṇṇanā
аг̇г̇аасанаад̣̇иануж̇аананагат̇ааван̣н̣анаа • Aggāsanādianujānanakathāvaṇṇanā

© 1991-2026 Titi Tudorancea Yoga Bulletin | Titi Tudorancea^® is a Registered Trademark | Terms of use and privacy policy
Contact