| Library / Tipiṭaka / তিপিটক • Tipiṭaka / ৰিমতিৰিনোদনী-টীকা • Vimativinodanī-ṭīkā |
৭. ৰিহারকারসিক্খাপদৰণ্ণনা
7. Vihārakārasikkhāpadavaṇṇanā
৩৬৫. সত্তমে পূজাৰচনপ্পযোগে কত্তরি সামিৰচনস্সপি ইচ্ছিতত্তা ‘‘গামস্স ৰা পূজিত’’ন্তি ৰুত্তং। রূপিন্দ্রিযেসু ৰিজ্জমানং সন্ধায একিন্দ্রিযতা ৰুচ্চতীতি আহ ‘‘কাযিন্দ্রিযং সন্ধাযা’’তি। তে হি মনিন্দ্রিযম্পি ভূতগামানং ইচ্ছন্তি।
365. Sattame pūjāvacanappayoge kattari sāmivacanassapi icchitattā ‘‘gāmassa vā pūjita’’nti vuttaṃ. Rūpindriyesu vijjamānaṃ sandhāya ekindriyatā vuccatīti āha ‘‘kāyindriyaṃ sandhāyā’’ti. Te hi manindriyampi bhūtagāmānaṃ icchanti.
৩৬৬. কিরিযতো সমুট্ঠানাভাৰোতি ৰত্থুনো অদেসনাসঙ্খাতং অকিরিযং ৰিনা ন কেৰলং কিরিযায সমুট্ঠানভাৰো। কিরিযাকিরিযতো হি ইদং সমুট্ঠাতি। ইমস্মিং সিক্খাপদে ভিক্খূ ৰা অনভিনেয্যাতি এত্থ ৰা-সদ্দো সমুচ্চযত্থো, তেন ‘‘মহল্লকঞ্চ ৰিহারং করেয্য, ভিক্খূ চ অনভিনেয্যা’’তি কিরিযঞ্চ অকিরিযঞ্চ সমুচ্চিনোতি।
366.Kiriyato samuṭṭhānābhāvoti vatthuno adesanāsaṅkhātaṃ akiriyaṃ vinā na kevalaṃ kiriyāya samuṭṭhānabhāvo. Kiriyākiriyato hi idaṃ samuṭṭhāti. Imasmiṃ sikkhāpade bhikkhū vāanabhineyyāti ettha vā-saddo samuccayattho, tena ‘‘mahallakañca vihāraṃ kareyya, bhikkhū ca anabhineyyā’’ti kiriyañca akiriyañca samuccinoti.
ৰিহারকারসিক্খাপদৰণ্ণনা নিট্ঠিতা।
Vihārakārasikkhāpadavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৭. ৰিহারকারসিক্খাপদং • 7. Vihārakārasikkhāpadaṃ
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ৭. ৰিহারকারসিক্খাপদৰণ্ণনা • 7. Vihārakārasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৭. ৰিহারকারসিক্খাপদৰণ্ণনা • 7. Vihārakārasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৭. ৰিহারকারসিক্খাপদৰণ্ণনা • 7. Vihārakārasikkhāpadavaṇṇanā
