| Library / Tipiṭaka / තිපිටක • Tipiṭaka / අපදානපාළි • Apadānapāḷi |
45. විභීතකවග්ගො
45. Vibhītakavaggo
1. විභීතකමිඤ්ජියත්ථෙරඅපදානං
1. Vibhītakamiñjiyattheraapadānaṃ
1.
1.
‘‘කකුසන්ධො මහාවීරො, සබ්බධම්මාන පාරගූ;
‘‘Kakusandho mahāvīro, sabbadhammāna pāragū;
ගණම්හා වූපකට්ඨො සො, අගමාසි වනන්තරං.
Gaṇamhā vūpakaṭṭho so, agamāsi vanantaraṃ.
2.
2.
‘‘බීජමිඤ්ජං ගහෙත්වාන, ලතාය ආවුණිං අහං;
‘‘Bījamiñjaṃ gahetvāna, latāya āvuṇiṃ ahaṃ;
භගවා තම්හි සමයෙ, ඣායතෙ පබ්බතන්තරෙ.
Bhagavā tamhi samaye, jhāyate pabbatantare.
3.
3.
‘‘දිස්වානහං දෙවදෙවං, විප්පසන්නෙන චෙතසා;
‘‘Disvānahaṃ devadevaṃ, vippasannena cetasā;
දක්ඛිණෙය්යස්ස වීරස්ස, බීජමිඤ්ජමදාසහං.
Dakkhiṇeyyassa vīrassa, bījamiñjamadāsahaṃ.
4.
4.
දුග්ගතිං නාභිජානාමි, බීජමිඤ්ජස්සිදං ඵලං.
Duggatiṃ nābhijānāmi, bījamiñjassidaṃ phalaṃ.
5.
5.
‘‘කිලෙසා ඣාපිතා මය්හං, භවා සබ්බෙ සමූහතා;
‘‘Kilesā jhāpitā mayhaṃ, bhavā sabbe samūhatā;
නාගොව බන්ධනං ඡෙත්වා, විහරාමි අනාසවො.
Nāgova bandhanaṃ chetvā, viharāmi anāsavo.
6.
6.
‘‘ස්වාගතං වත මෙ ආසි, මම බුද්ධස්ස සන්තිකෙ;
‘‘Svāgataṃ vata me āsi, mama buddhassa santike;
තිස්සො විජ්ජා අනුප්පත්තා, කතං බුද්ධස්ස සාසනං.
Tisso vijjā anuppattā, kataṃ buddhassa sāsanaṃ.
7.
7.
‘‘පටිසම්භිදා චතස්සො, විමොක්ඛාපි ච අට්ඨිමෙ;
‘‘Paṭisambhidā catasso, vimokkhāpi ca aṭṭhime;
ඡළභිඤ්ඤා සච්ඡිකතා, කතං බුද්ධස්ස සාසනං’’.
Chaḷabhiññā sacchikatā, kataṃ buddhassa sāsanaṃ’’.
ගාථායො අභාසිත්ථාති.
Gāthāyo abhāsitthāti.
විභීතකමිඤ්ජියත්ථෙරස්සාපදානං පඨමං.
Vibhītakamiñjiyattherassāpadānaṃ paṭhamaṃ.
Footnotes:
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / අපදාන-අට්ඨකථා • Apadāna-aṭṭhakathā / 1-60. සකිංසම්මජ්ජකත්ථෙරඅපදානාදිවණ්ණනා • 1-60. Sakiṃsammajjakattheraapadānādivaṇṇanā
