| Library / Tipiṭaka / તિપિટક • Tipiṭaka / નેત્તિપ્પકરણપાળિ • Nettippakaraṇapāḷi |
૧૦. વેવચનહારસમ્પાતો
10. Vevacanahārasampāto
૭૨. તત્થ કતમો વેવચનો હારસમ્પાતો?
72. Tattha katamo vevacano hārasampāto?
‘‘તસ્મા રક્ખિતચિત્તસ્સ, સમ્માસઙ્કપ્પગોચરો’’તિ ગાથા. ‘‘તસ્મા રક્ખિતચિત્તસ્સા’’તિ ચિત્તં મનો વિઞ્ઞાણં મનિન્દ્રિયં મનાયતનં વિજાનના વિજાનિતત્તં, ઇદં વેવચનં. ‘‘સમ્માસઙ્કપ્પગોચરો’’તિ નેક્ખમ્મસઙ્કપ્પો અબ્યાપાદસઙ્કપ્પો અવિહિંસાસઙ્કપ્પો, ઇદં વેવચનં. ‘‘સમ્માદિટ્ઠિપુરેક્ખારો’’તિ સમ્માદિટ્ઠિ નામ પઞ્ઞાસત્થં પઞ્ઞાખગ્ગો પઞ્ઞારતનં પઞ્ઞાપજ્જોતો પઞ્ઞાપતોદો પઞ્ઞાપાસાદો, ઇદં વેવચનં.
‘‘Tasmā rakkhitacittassa, sammāsaṅkappagocaro’’ti gāthā. ‘‘Tasmā rakkhitacittassā’’ti cittaṃ mano viññāṇaṃ manindriyaṃ manāyatanaṃ vijānanā vijānitattaṃ, idaṃ vevacanaṃ. ‘‘Sammāsaṅkappagocaro’’ti nekkhammasaṅkappo abyāpādasaṅkappo avihiṃsāsaṅkappo, idaṃ vevacanaṃ. ‘‘Sammādiṭṭhipurekkhāro’’ti sammādiṭṭhi nāma paññāsatthaṃ paññākhaggo paññāratanaṃ paññāpajjoto paññāpatodo paññāpāsādo, idaṃ vevacanaṃ.
નિયુત્તો વેવચનો હારસમ્પાતો.
Niyutto vevacano hārasampāto.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / નેત્તિપ્પકરણ-અટ્ઠકથા • Nettippakaraṇa-aṭṭhakathā / ૧૦. વેવચનહારસમ્પાતવણ્ણના • 10. Vevacanahārasampātavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / ખુદ્દકનિકાય (ટીકા) • Khuddakanikāya (ṭīkā) / નેત્તિવિભાવિની • Nettivibhāvinī / ૧૦. વેવચનહારસમ્પાતવિભાવના • 10. Vevacanahārasampātavibhāvanā
