| Library / Tipiṭaka / ತಿಪಿಟಕ • Tipiṭaka / ನೇತ್ತಿಪ್ಪಕರಣ-ಅಟ್ಠಕಥಾ • Nettippakaraṇa-aṭṭhakathā |
೧೦. ವೇವಚನಹಾರಸಮ್ಪಾತವಣ್ಣನಾ
10. Vevacanahārasampātavaṇṇanā
೭೨. ‘‘ಮಾನಸಂ ಹದಯಂ ಪಣ್ಡರಂ ವಿಞ್ಞಾಣಂ ವಿಞ್ಞಾಣಕ್ಖನ್ಧೋ ಮನೋವಿಞ್ಞಾಣಧಾತೂ’’ತಿ (ಧ॰ ಸ॰ ೬) ಚ ಚಿತ್ತಸ್ಸ ವೇವಚನಂ। ‘‘ತಕ್ಕೋ ವಿತಕ್ಕೋ ಸಙ್ಕಪ್ಪೋ ಅಪ್ಪನಾ ಬ್ಯಪ್ಪನಾ ಚೇತಸೋ ಅಭಿನಿರೋಪನಾ’’ತಿ ಚ ಸಮ್ಮಾಸಙ್ಕಪ್ಪಸ್ಸ। ‘‘ಪಞ್ಞಾ ಪಜಾನನಾ ವಿಚಯೋ ಪವಿಚಯೋ’’ತಿಆದಿನಾ (ಧ॰ ಸ॰ ೧೬) ಸಮ್ಮಾದಿಟ್ಠಿಯಾ। ‘‘ಥಿನಂ ಥಿಯನಾ ಥಿಯಿತತ್ತಂ ಚಿತ್ತಸ್ಸ ಅಕಲ್ಲತಾ ಅಕಮ್ಮಞ್ಞತಾ ಓನಾಹೋ ಪರಿನಾಹೋ ಅನ್ತೋಸಙ್ಕೋಚೋ’’ತಿ ಥಿನಸ್ಸ। ‘‘ಅಕಲ್ಲತಾ ಅಕಮ್ಮಞ್ಞತಾ ಕಾಯಾಲಸಿಯಂ ಸುಪ್ಯಂ ಸುಪ್ಯನಾ ಸುಪಿತತ್ತ’’ನ್ತಿ (ಧ॰ ಸ॰ ೧೧೬೩) ಮಿದ್ಧಸ್ಸ। ‘‘ಭಿಕ್ಖಕೋ ಭಿಕ್ಖೂ’’ತಿಆದಿನಾ (ಪಾರಾ॰ ೪೫) ಭಿಕ್ಖುಪದಸ್ಸ। ‘‘ದುಗ್ಗತಿ ಅಪಾಯೋ ವಿನಿಪಾತೋ ವಟ್ಟದುಕ್ಖಂ ಸಂಸಾರೋ’’ತಿಆದಿನಾ ದುಗ್ಗತಿಯಾ ವೇವಚನಂ ವೇದಿತಬ್ಬಂ।
72. ‘‘Mānasaṃ hadayaṃ paṇḍaraṃ viññāṇaṃ viññāṇakkhandho manoviññāṇadhātū’’ti (dha. sa. 6) ca cittassa vevacanaṃ. ‘‘Takko vitakko saṅkappo appanā byappanā cetaso abhiniropanā’’ti ca sammāsaṅkappassa. ‘‘Paññā pajānanā vicayo pavicayo’’tiādinā (dha. sa. 16) sammādiṭṭhiyā. ‘‘Thinaṃ thiyanā thiyitattaṃ cittassa akallatā akammaññatā onāho parināho antosaṅkoco’’ti thinassa. ‘‘Akallatā akammaññatā kāyālasiyaṃ supyaṃ supyanā supitatta’’nti (dha. sa. 1163) middhassa. ‘‘Bhikkhako bhikkhū’’tiādinā (pārā. 45) bhikkhupadassa. ‘‘Duggati apāyo vinipāto vaṭṭadukkhaṃ saṃsāro’’tiādinā duggatiyā vevacanaṃ veditabbaṃ.
ವೇವಚನಹಾರಸಮ್ಪಾತವಣ್ಣನಾ ನಿಟ್ಠಿತಾ।
Vevacanahārasampātavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಖುದ್ದಕನಿಕಾಯ • Khuddakanikāya / ನೇತ್ತಿಪ್ಪಕರಣಪಾಳಿ • Nettippakaraṇapāḷi / ೧೦. ವೇವಚನಹಾರಸಮ್ಪಾತೋ • 10. Vevacanahārasampāto
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಖುದ್ದಕನಿಕಾಯ (ಟೀಕಾ) • Khuddakanikāya (ṭīkā) / ನೇತ್ತಿವಿಭಾವಿನೀ • Nettivibhāvinī / ೧೦. ವೇವಚನಹಾರಸಮ್ಪಾತವಿಭಾವನಾ • 10. Vevacanahārasampātavibhāvanā
