| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
८. वेरोचनअसुरिन्दसुत्तवण्णना
8. Verocanaasurindasuttavaṇṇanā
२५४. द्वारपालरूपकानि वियाति द्वारपालाकारेन कतपटिमायो विय। वायमेथेव, न अन्तरा संकोचं आपज्जेय्याति अधिप्पायो। निप्फन्नसोभनेसूति निप्फन्नभावेन सुन्दरेसु। सब्बे हि अनिप्फन्ना अत्था न सोभन्ति। किच्चजाताति विप्पकतभावेन सञ्जातकिच्चा। अकिच्चजातोति असञ्जातकिच्चो किच्चरहितो नाम नत्थि गमनट्ठितसयननिसज्जादिवसेन उप्पज्जनकदुक्खविनोदनभावतो। संयोगपरमात्वेव सम्भोगाति इमेसं सत्तानं संभुञ्जितब्बवत्थूनि नाम पकतिया विरोधसीलानिपि असंयोगेन वा असुन्दरानिपि, तानि अभिसङ्खरणपचनसंयोजनपरमानि वेदितब्बानि तथा सति सम्भोगारहभावूपगमनतो। तेनाह ‘‘पारिवासिकओदनादीनी’’तिआदि। उण्हापेत्वा परिभुञ्जितब्बयुत्ते परिभज्जित्वाति अधिप्पायो।
254.Dvārapālarūpakāniviyāti dvārapālākārena katapaṭimāyo viya. Vāyametheva, na antarā saṃkocaṃ āpajjeyyāti adhippāyo. Nipphannasobhanesūti nipphannabhāvena sundaresu. Sabbe hi anipphannā atthā na sobhanti. Kiccajātāti vippakatabhāvena sañjātakiccā. Akiccajātoti asañjātakicco kiccarahito nāma natthi gamanaṭṭhitasayananisajjādivasena uppajjanakadukkhavinodanabhāvato. Saṃyogaparamātveva sambhogāti imesaṃ sattānaṃ saṃbhuñjitabbavatthūni nāma pakatiyā virodhasīlānipi asaṃyogena vā asundarānipi, tāni abhisaṅkharaṇapacanasaṃyojanaparamāni veditabbāni tathā sati sambhogārahabhāvūpagamanato. Tenāha ‘‘pārivāsikaodanādīnī’’tiādi. Uṇhāpetvā paribhuñjitabbayutte paribhajjitvāti adhippāyo.
वेरोचनअसुरिन्दसुत्तवण्णना निट्ठिता।
Verocanaasurindasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ८. वेरोचनअसुरिन्दसुत्तं • 8. Verocanaasurindasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ८. वेरोचनअसुरिन्दसुत्तवण्णना • 8. Verocanaasurindasuttavaṇṇanā
