| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
2. взран̃ж̇агасуд̇д̇ам̣
2. Verañjakasuttaṃ
444. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна взран̃ж̇агаа б̣раахман̣аг̇ахабад̇игаа саавад̇т̇ияам̣ бадивасанд̇и гзнажид̣̇зва гаран̣ийязна. ассосум̣ ко взран̃ж̇агаа б̣раахман̣аг̇ахабад̇игаа – ‘‘саман̣о калу, бхо, г̇од̇амо сагяабуд̇д̇о сагяагулаа баб̣б̣аж̇ид̇о саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ам̣ ко бана бхаванд̇ам̣ г̇од̇амам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа. со имам̣ логам̣ сад̣̇звагам̣ самаарагам̣ саб̣рахмагам̣ сассаман̣аб̣раахман̣им̣ баж̇ам̣ сад̣̇звамануссам̣ саяам̣ абхин̃н̃аа сажчигад̇ваа бавзд̣̇зд̇и. со д̇хаммам̣ д̣̇зсзд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣; гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзд̇и’. саад̇ху ко бана д̇ат̇ааруубаанам̣ арахад̇ам̣ д̣̇ассанам̣ ход̇ий’’д̇и.
444. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena verañjakā brāhmaṇagahapatikā sāvatthiyaṃ paṭivasanti kenacideva karaṇīyena. Assosuṃ kho verañjakā brāhmaṇagahapatikā – ‘‘samaṇo khalu, bho, gotamo sakyaputto sakyakulā pabbajito sāvatthiyaṃ viharati jetavane anāthapiṇḍikassa ārāme. Taṃ kho pana bhavantaṃ gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā. So imaṃ lokaṃ sadevakaṃ samārakaṃ sabrahmakaṃ sassamaṇabrāhmaṇiṃ pajaṃ sadevamanussaṃ sayaṃ abhiññā sacchikatvā pavedeti. So dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ; kevalaparipuṇṇaṃ parisuddhaṃ brahmacariyaṃ pakāseti’. Sādhu kho pana tathārūpānaṃ arahataṃ dassanaṃ hotī’’ti.
ат̇а ко взран̃ж̇агаа б̣раахман̣аг̇ахабад̇игаа язна бхаг̇аваа д̇знубасан̇гамим̣су; убасан̇гамид̇ваа аббзгажжз бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су; аббзгажжз бхаг̇авад̇аа сад̣̇д̇хим̣ саммод̣̇им̣су, саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су; аббзгажжз язна бхаг̇аваа д̇знан̃ж̇алим̣ бан̣аамзд̇ваа згаманд̇ам̣ нисийд̣̇им̣су; аббзгажжз бхаг̇авад̇о санд̇игз наамаг̇од̇д̇ам̣ саавзд̇ваа згаманд̇ам̣ нисийд̣̇им̣су; аббзгажжз д̇ун̣хийбхууд̇аа згаманд̇ам̣ нисийд̣̇им̣су. згаманд̇ам̣ нисиннаа ко взран̃ж̇агаа б̣раахман̣аг̇ахабад̇игаа бхаг̇аванд̇ам̣ зд̇ад̣̇авожум̣ – ‘‘го ну ко, бхо г̇од̇ама, хзд̇у, го бажжаяо язна мид̇хзгажжз сад̇д̇аа гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇анд̇и? го бана, бхо г̇од̇ама, хзд̇у, го бажжаяо язна мид̇хзгажжз сад̇д̇аа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇анд̇ий’’д̇и?
Atha kho verañjakā brāhmaṇagahapatikā yena bhagavā tenupasaṅkamiṃsu; upasaṅkamitvā appekacce bhagavantaṃ abhivādetvā ekamantaṃ nisīdiṃsu; appekacce bhagavatā saddhiṃ sammodiṃsu, sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu; appekacce yena bhagavā tenañjaliṃ paṇāmetvā ekamantaṃ nisīdiṃsu; appekacce bhagavato santike nāmagottaṃ sāvetvā ekamantaṃ nisīdiṃsu; appekacce tuṇhībhūtā ekamantaṃ nisīdiṃsu. Ekamantaṃ nisinnā kho verañjakā brāhmaṇagahapatikā bhagavantaṃ etadavocuṃ – ‘‘ko nu kho, bho gotama, hetu, ko paccayo yena midhekacce sattā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjanti? Ko pana, bho gotama, hetu, ko paccayo yena midhekacce sattā kāyassa bhedā paraṃ maraṇā sugatiṃ saggaṃ lokaṃ upapajjantī’’ti?
‘‘ад̇хаммажарияаависамажарияаахзд̇у ко, г̇ахабад̇аяо, звамид̇хзгажжз сад̇д̇аа гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇анд̇и. д̇хаммажарияаасамажарияаахзд̇у ко, г̇ахабад̇аяо , звамид̇хзгажжз сад̇д̇аа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇анд̇ий’’д̇и.
‘‘Adhammacariyāvisamacariyāhetu kho, gahapatayo, evamidhekacce sattā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjanti. Dhammacariyāsamacariyāhetu kho, gahapatayo , evamidhekacce sattā kāyassa bhedā paraṃ maraṇā sugatiṃ saggaṃ lokaṃ upapajjantī’’ti.
‘‘на ко маяам̣ имасса бход̇о г̇од̇амасса сам̣кид̇д̇зна бхаасид̇асса, вид̇т̇аарзна ад̇т̇ам̣ авибхад̇д̇асса, вид̇т̇аарзна ад̇т̇ам̣ ааж̇аанаама. саад̇ху но бхавам̣ г̇од̇амо д̇ат̇аа д̇хаммам̣ д̣̇зсзд̇у яат̇аа маяам̣ имасса бход̇о г̇од̇амасса сам̣кид̇д̇зна бхаасид̇асса, вид̇т̇аарзна ад̇т̇ам̣ авибхад̇д̇асса, вид̇т̇аарзна ад̇т̇ам̣ ааж̇аанзяяаамаа’’д̇и. ‘‘д̇зна хи, г̇ахабад̇аяо, сун̣аат̇а саад̇хугам̣ манаси гарот̇а, бхаасиссаамий’’д̇и. ‘‘звам̣ бхо’’д̇и ко взран̃ж̇агаа б̣раахман̣аг̇ахабад̇игаа бхаг̇авад̇о бажжассосум̣. бхаг̇аваа зд̇ад̣̇авожа –
‘‘Na kho mayaṃ imassa bhoto gotamassa saṃkhittena bhāsitassa, vitthārena atthaṃ avibhattassa, vitthārena atthaṃ ājānāma. Sādhu no bhavaṃ gotamo tathā dhammaṃ desetu yathā mayaṃ imassa bhoto gotamassa saṃkhittena bhāsitassa, vitthārena atthaṃ avibhattassa, vitthārena atthaṃ ājāneyyāmā’’ti. ‘‘Tena hi, gahapatayo, suṇātha sādhukaṃ manasi karotha, bhāsissāmī’’ti. ‘‘Evaṃ bho’’ti kho verañjakā brāhmaṇagahapatikā bhagavato paccassosuṃ. Bhagavā etadavoca –
445. ‘‘д̇ивид̇хам̣ ко, г̇ахабад̇аяо, гааязна ад̇хаммажаарий висамажаарий ход̇и, жад̇уб̣б̣ид̇хам̣ ваажааяа ад̇хаммажаарий висамажаарий ход̇и, д̇ивид̇хам̣ манасаа ад̇хаммажаарий висамажаарий ход̇и.
445. ‘‘Tividhaṃ kho, gahapatayo, kāyena adhammacārī visamacārī hoti, catubbidhaṃ vācāya adhammacārī visamacārī hoti, tividhaṃ manasā adhammacārī visamacārī hoti.
‘‘гат̇ан̃жа, г̇ахабад̇аяо , д̇ивид̇хам̣ гааязна ад̇хаммажаарий висамажаарий ход̇и? ид̇ха, г̇ахабад̇аяо, згажжо баан̣аад̇ибаад̇ий ход̇и. луд̣̇д̣̇о лохид̇абаан̣и хад̇аббахад̇з нивидто ад̣̇аяаабанно баан̣абхууд̇зсу. ад̣̇иннаад̣̇ааяий ко бана ход̇и. яам̣ д̇ам̣ барасса баравид̇д̇уубагаран̣ам̣… д̇ам̣ ад̣̇иннам̣ т̇зяяасан̇каад̇ам̣ аад̣̇аад̇аа ход̇и. гаамзсумижчаажаарий ко бана ход̇и. яаа д̇аа маад̇урагкид̇аа… д̇ат̇ааруубаасу жаарид̇д̇ам̣ аабаж̇ж̇ид̇аа ход̇и. звам̣ ко, г̇ахабад̇аяо, д̇ивид̇хам̣ гааязна ад̇хаммажаарий висамажаарий ход̇и.
‘‘Kathañca, gahapatayo , tividhaṃ kāyena adhammacārī visamacārī hoti? Idha, gahapatayo, ekacco pāṇātipātī hoti. Luddo lohitapāṇi hatappahate niviṭṭho adayāpanno pāṇabhūtesu. Adinnādāyī kho pana hoti. Yaṃ taṃ parassa paravittūpakaraṇaṃ… taṃ adinnaṃ theyyasaṅkhātaṃ ādātā hoti. Kāmesumicchācārī kho pana hoti. Yā tā māturakkhitā… tathārūpāsu cārittaṃ āpajjitā hoti. Evaṃ kho, gahapatayo, tividhaṃ kāyena adhammacārī visamacārī hoti.
‘‘гат̇ан̃жа, г̇ахабад̇аяо, жад̇уб̣б̣ид̇хам̣ ваажааяа ад̇хаммажаарий висамажаарий ход̇и? ид̇ха, г̇ахабад̇аяо, згажжо мусааваад̣̇ий ход̇и. сабхааг̇ад̇о ваа… самбаж̇аанамусаа бхаасид̇аа ход̇и. бисун̣аваажо ко бана ход̇и. ид̇о суд̇ваа амуд̇ра агкаад̇аа… ваг̇г̇агаран̣им̣ ваажам̣ бхаасид̇аа ход̇и. парусаваажо ко бана ход̇и. яаа саа ваажаа ан̣д̣агаа гаггасаа… д̇ат̇ааруубим̣ ваажам̣ бхаасид̇аа ход̇и. сампаббалаабий ко бана ход̇и. агаалаваад̣̇ий… абарияанд̇авад̇им̣ анад̇т̇асам̣хид̇ам̣. звам̣ ко, г̇ахабад̇аяо, жад̇уб̣б̣ид̇хам̣ ваажааяа ад̇хаммажаарий висамажаарий ход̇и.
‘‘Kathañca, gahapatayo, catubbidhaṃ vācāya adhammacārī visamacārī hoti? Idha, gahapatayo, ekacco musāvādī hoti. Sabhāgato vā… sampajānamusā bhāsitā hoti. Pisuṇavāco kho pana hoti. Ito sutvā amutra akkhātā… vaggakaraṇiṃ vācaṃ bhāsitā hoti. Pharusavāco kho pana hoti. Yā sā vācā aṇḍakā kakkasā… tathārūpiṃ vācaṃ bhāsitā hoti. Samphappalāpī kho pana hoti. Akālavādī… apariyantavatiṃ anatthasaṃhitaṃ. Evaṃ kho, gahapatayo, catubbidhaṃ vācāya adhammacārī visamacārī hoti.
‘‘гат̇ан̃жа, г̇ахабад̇аяо, д̇ивид̇хам̣ манасаа ад̇хаммажаарий висамажаарий ход̇и? ид̇ха, г̇ахабад̇аяо, згажжо абхиж̇жхаалу ход̇и…бз… д̇ам̣ мамассаа’д̇и. б̣яаабаннажид̇д̇о ко бана ход̇и бад̣̇удтаманасан̇габбо – имз сад̇д̇аа хан̃н̃анд̇у ваа… маа ваа ахзсу’нд̇и. мижчаад̣̇идтиго ко бана ход̇и вибарийд̇ад̣̇ассано – ‘над̇т̇и д̣̇иннам̣, над̇т̇и яидтам̣… сажчигад̇ваа бавзд̣̇знд̇ий’д̇и. звам̣ ко, г̇ахабад̇аяо, д̇ивид̇хам̣ манасаа ад̇хаммажаарий висамажаарий ход̇и.
‘‘Kathañca, gahapatayo, tividhaṃ manasā adhammacārī visamacārī hoti? Idha, gahapatayo, ekacco abhijjhālu hoti…pe… taṃ mamassā’ti. Byāpannacitto kho pana hoti paduṭṭhamanasaṅkappo – ime sattā haññantu vā… mā vā ahesu’nti. Micchādiṭṭhiko kho pana hoti viparītadassano – ‘natthi dinnaṃ, natthi yiṭṭhaṃ… sacchikatvā pavedentī’ti. Evaṃ kho, gahapatayo, tividhaṃ manasā adhammacārī visamacārī hoti.
‘‘звам̣ ад̇хаммажарияаависамажарияаахзд̇у ко, г̇ахабад̇аяо, звамид̇хзгажжз сад̇д̇аа гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇анд̇и.
‘‘Evaṃ adhammacariyāvisamacariyāhetu kho, gahapatayo, evamidhekacce sattā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjanti.
446. ‘‘д̇ивид̇хам̣ ко, г̇ахабад̇аяо, гааязна д̇хаммажаарий самажаарий ход̇и, жад̇уб̣б̣ид̇хам̣ ваажааяа д̇хаммажаарий самажаарий ход̇и, д̇ивид̇хам̣ манасаа д̇хаммажаарий самажаарий ход̇и.
446. ‘‘Tividhaṃ kho, gahapatayo, kāyena dhammacārī samacārī hoti, catubbidhaṃ vācāya dhammacārī samacārī hoti, tividhaṃ manasā dhammacārī samacārī hoti.
‘‘гат̇ан̃жа, г̇ахабад̇аяо, д̇ивид̇хам̣ гааязна д̇хаммажаарий самажаарий ход̇и? ид̇ха, г̇ахабад̇аяо, згажжо баан̣аад̇ибаад̇ам̣ бахааяа баан̣аад̇ибаад̇аа бадивирад̇о ход̇и, нихид̇ад̣̇ан̣д̣о нихид̇асад̇т̇о лаж̇ж̇ий д̣̇аяаабанно саб̣б̣абаан̣абхууд̇ахид̇аанугамбий вихарад̇и. ад̣̇иннаад̣̇аанам̣ бахааяа ад̣̇иннаад̣̇аанаа бадивирад̇о ход̇и, яам̣ д̇ам̣ барасса… д̇ам̣ наад̣̇иннам̣ т̇зяяасан̇каад̇ам̣ аад̣̇аад̇аа ход̇и. гаамзсумижчаажаарам̣ бахааяа… д̇ат̇ааруубаасу на жаарид̇д̇ам̣ аабаж̇ж̇ид̇аа ход̇и. звам̣ ко, г̇ахабад̇аяо, д̇ивид̇хам̣ гааязна д̇хаммажаарий самажаарий ход̇и.
‘‘Kathañca, gahapatayo, tividhaṃ kāyena dhammacārī samacārī hoti? Idha, gahapatayo, ekacco pāṇātipātaṃ pahāya pāṇātipātā paṭivirato hoti, nihitadaṇḍo nihitasattho lajjī dayāpanno sabbapāṇabhūtahitānukampī viharati. Adinnādānaṃ pahāya adinnādānā paṭivirato hoti, yaṃ taṃ parassa… taṃ nādinnaṃ theyyasaṅkhātaṃ ādātā hoti. Kāmesumicchācāraṃ pahāya… tathārūpāsu na cārittaṃ āpajjitā hoti. Evaṃ kho, gahapatayo, tividhaṃ kāyena dhammacārī samacārī hoti.
‘‘гат̇ан̃жа, г̇ахабад̇аяо, жад̇уб̣б̣ид̇хам̣ ваажааяа д̇хаммажаарий самажаарий ход̇и? ид̇ха, г̇ахабад̇аяо, згажжо мусааваад̣̇ам̣ бахааяа мусааваад̣̇аа бадивирад̇о ход̇и. сабхааг̇ад̇о ваа…бз… на самбаж̇аанамусаа бхаасид̇аа ход̇и. бисун̣ам̣ ваажам̣ бахааяа… самаг̇г̇агаран̣им̣ ваажам̣ бхаасид̇аа ход̇и. парусам̣ ваажам̣ бахааяа… д̇ат̇ааруубим̣ ваажам̣ бхаасид̇аа ход̇и. сампаббалаабам̣ бахааяа… гаалзна саабад̣̇зсам̣ барияанд̇авад̇им̣ ад̇т̇асам̣хид̇ам̣ . звам̣ ко, г̇ахабад̇аяо, жад̇уб̣б̣ид̇хам̣ ваажааяа д̇хаммажаарий самажаарий ход̇и.
‘‘Kathañca, gahapatayo, catubbidhaṃ vācāya dhammacārī samacārī hoti? Idha, gahapatayo, ekacco musāvādaṃ pahāya musāvādā paṭivirato hoti. Sabhāgato vā…pe… na sampajānamusā bhāsitā hoti. Pisuṇaṃ vācaṃ pahāya… samaggakaraṇiṃ vācaṃ bhāsitā hoti. Pharusaṃ vācaṃ pahāya… tathārūpiṃ vācaṃ bhāsitā hoti. Samphappalāpaṃ pahāya… kālena sāpadesaṃ pariyantavatiṃ atthasaṃhitaṃ . Evaṃ kho, gahapatayo, catubbidhaṃ vācāya dhammacārī samacārī hoti.
‘‘гат̇ан̃жа, г̇ахабад̇аяо, д̇ивид̇хам̣ манасаа д̇хаммажаарий самажаарий ход̇и? ид̇ха, г̇ахабад̇аяо, згажжо анабхиж̇жхаалу ход̇и. яам̣ д̇ам̣ барасса баравид̇д̇уубагаран̣ам̣ д̇ам̣ наабхиж̇жхаад̇аа ход̇и ‘ахо вад̇а яам̣ барасса, д̇ам̣ мамассаа’д̇и. аб̣яаабаннажид̇д̇о ко бана ход̇и аббад̣̇удтаманасан̇габбо – ‘имз сад̇д̇аа авзраа аб̣яааб̣аж̇жхаа анийгхаа сукий ад̇д̇аанам̣ барихаранд̇уу’д̇и. саммаад̣̇идтиго ко бана ход̇и авибарийд̇ад̣̇ассано – ‘ад̇т̇и д̣̇иннам̣, ад̇т̇и яидтам̣… саяам̣ абхин̃н̃аа сажчигад̇ваа бавзд̣̇знд̇ий’д̇и. звам̣ ко, г̇ахабад̇аяо, д̇ивид̇хам̣ манасаа д̇хаммажаарий самажаарий ход̇и.
‘‘Kathañca, gahapatayo, tividhaṃ manasā dhammacārī samacārī hoti? Idha, gahapatayo, ekacco anabhijjhālu hoti. Yaṃ taṃ parassa paravittūpakaraṇaṃ taṃ nābhijjhātā hoti ‘aho vata yaṃ parassa, taṃ mamassā’ti. Abyāpannacitto kho pana hoti appaduṭṭhamanasaṅkappo – ‘ime sattā averā abyābajjhā anīghā sukhī attānaṃ pariharantū’ti. Sammādiṭṭhiko kho pana hoti aviparītadassano – ‘atthi dinnaṃ, atthi yiṭṭhaṃ… sayaṃ abhiññā sacchikatvā pavedentī’ti. Evaṃ kho, gahapatayo, tividhaṃ manasā dhammacārī samacārī hoti.
‘‘звам̣ д̇хаммажарияаасамажарияаахзд̇у ко, г̇ахабад̇аяо, звамид̇хзгажжз сад̇д̇аа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇анд̇и.
‘‘Evaṃ dhammacariyāsamacariyāhetu kho, gahapatayo, evamidhekacce sattā kāyassa bhedā paraṃ maraṇā sugatiṃ saggaṃ lokaṃ upapajjanti.
447. ‘‘ааган̇кзяяа жз, г̇ахабад̇аяо, д̇хаммажаарий самажаарий – ‘ахо вад̇аахам̣ гааяасса бхзд̣̇аа барам̣ маран̣аа кад̇д̇ияамахаасаалаанам̣ сахаб̣яад̇ам̣ убабаж̇ж̇зяяа’нд̇и ; таанам̣ ко банзд̇ам̣ виж̇ж̇ад̇и, яам̣ со гааяасса бхзд̣̇аа барам̣ маран̣аа кад̇д̇ияамахаасаалаанам̣ сахаб̣яад̇ам̣ убабаж̇ж̇зяяа. д̇ам̣ гисса хзд̇у? д̇ат̇аа хи со д̇хаммажаарий самажаарий.
447. ‘‘Ākaṅkheyya ce, gahapatayo, dhammacārī samacārī – ‘aho vatāhaṃ kāyassa bhedā paraṃ maraṇā khattiyamahāsālānaṃ sahabyataṃ upapajjeyya’nti ; ṭhānaṃ kho panetaṃ vijjati, yaṃ so kāyassa bhedā paraṃ maraṇā khattiyamahāsālānaṃ sahabyataṃ upapajjeyya. Taṃ kissa hetu? Tathā hi so dhammacārī samacārī.
‘‘ааган̇кзяяа жз, г̇ахабад̇аяо, д̇хаммажаарий самажаарий – ‘ахо вад̇аахам̣ гааяасса бхзд̣̇аа барам̣ маран̣аа б̣раахман̣амахаасаалаанам̣ г̇ахабад̇имахаасаалаанам̣ сахаб̣яад̇ам̣ убабаж̇ж̇зяяа’нд̇и; таанам̣ ко банзд̇ам̣ виж̇ж̇ад̇и, яам̣ со гааяасса бхзд̣̇аа барам̣ маран̣аа г̇ахабад̇имахаасаалаанам̣ сахаб̣яад̇ам̣ убабаж̇ж̇зяяа. д̇ам̣ гисса хзд̇у ? д̇ат̇аа хи со д̇хаммажаарий самажаарий.
‘‘Ākaṅkheyya ce, gahapatayo, dhammacārī samacārī – ‘aho vatāhaṃ kāyassa bhedā paraṃ maraṇā brāhmaṇamahāsālānaṃ gahapatimahāsālānaṃ sahabyataṃ upapajjeyya’nti; ṭhānaṃ kho panetaṃ vijjati, yaṃ so kāyassa bhedā paraṃ maraṇā gahapatimahāsālānaṃ sahabyataṃ upapajjeyya. Taṃ kissa hetu ? Tathā hi so dhammacārī samacārī.
‘‘ааган̇гзяяа жз, г̇ахабад̇аяо, д̇хаммажаарий самажаарий – ‘ахо вад̇аахам̣ гааяасса бхзд̣̇аа барам̣ маран̣аа жаад̇умахаарааж̇игаанам̣ д̣̇зваанам̣ сахаб̣яад̇ам̣ убабаж̇ж̇зяяа’нд̇и; таанам̣ ко банзд̇ам̣ виж̇ж̇ад̇и, яам̣ со гааяасса бхзд̣̇аа барам̣ маран̣аа жаад̇умахаарааж̇игаанам̣ д̣̇зваанам̣ сахаб̣яад̇ам̣ убабаж̇ж̇зяяа. д̇ам̣ гисса хзд̇у? д̇ат̇аа хи со д̇хаммажаарий самажаарий.
‘‘Ākaṅkeyya ce, gahapatayo, dhammacārī samacārī – ‘aho vatāhaṃ kāyassa bhedā paraṃ maraṇā cātumahārājikānaṃ devānaṃ sahabyataṃ upapajjeyya’nti; ṭhānaṃ kho panetaṃ vijjati, yaṃ so kāyassa bhedā paraṃ maraṇā cātumahārājikānaṃ devānaṃ sahabyataṃ upapajjeyya. Taṃ kissa hetu? Tathā hi so dhammacārī samacārī.
‘‘ааган̇кзяяа жз, г̇ахабад̇аяо, д̇хаммажаарий самажаарий – ‘ахо вад̇аахам̣ гааяасса бхзд̣̇аа барам̣ маран̣аа д̇аавад̇им̣саанам̣ д̣̇зваанам̣… яаамаанам̣ д̣̇зваанам̣… д̇усид̇аанам̣ д̣̇зваанам̣… ниммаанарад̇ийнам̣ д̣̇зваанам̣… бараниммид̇авасавад̇д̇ийнам̣ д̣̇зваанам̣… б̣рахмагааяигаанам̣ д̣̇зваанам̣ сахаб̣яад̇ам̣ убабаж̇ж̇зяяа’нд̇и; таанам̣ ко банзд̇ам̣ виж̇ж̇ад̇и, яам̣ со гааяасса бхзд̣̇аа барам̣ маран̣аа б̣рахмагааяигаанам̣ д̣̇зваанам̣ сахаб̣яад̇ам̣ убабаж̇ж̇зяяа. д̇ам̣ гисса хзд̇у? д̇ат̇аа хи со д̇хаммажаарий самажаарий.
‘‘Ākaṅkheyya ce, gahapatayo, dhammacārī samacārī – ‘aho vatāhaṃ kāyassa bhedā paraṃ maraṇā tāvatiṃsānaṃ devānaṃ… yāmānaṃ devānaṃ… tusitānaṃ devānaṃ… nimmānaratīnaṃ devānaṃ… paranimmitavasavattīnaṃ devānaṃ… brahmakāyikānaṃ devānaṃ sahabyataṃ upapajjeyya’nti; ṭhānaṃ kho panetaṃ vijjati, yaṃ so kāyassa bhedā paraṃ maraṇā brahmakāyikānaṃ devānaṃ sahabyataṃ upapajjeyya. Taṃ kissa hetu? Tathā hi so dhammacārī samacārī.
‘‘ааган̇кзяяа жз, г̇ахабад̇аяо, д̇хаммажаарий самажаарий – ‘ахо вад̇аахам̣ гааяасса бхзд̣̇аа барам̣ маран̣аа аабхаанам̣ д̣̇зваанам̣ сахаб̣яад̇ам̣ убабаж̇ж̇зяяа’нд̇и; таанам̣ ко банзд̇ам̣ виж̇ж̇ад̇и, яам̣ со гааяасса бхзд̣̇аа барам̣ маран̣аа аабхаанам̣ д̣̇зваанам̣ сахаб̣яад̇ам̣ убабаж̇ж̇зяяа. д̇ам̣ гисса хзд̇у? д̇ат̇аа хи со д̇хаммажаарий самажаарий.
‘‘Ākaṅkheyya ce, gahapatayo, dhammacārī samacārī – ‘aho vatāhaṃ kāyassa bhedā paraṃ maraṇā ābhānaṃ devānaṃ sahabyataṃ upapajjeyya’nti; ṭhānaṃ kho panetaṃ vijjati, yaṃ so kāyassa bhedā paraṃ maraṇā ābhānaṃ devānaṃ sahabyataṃ upapajjeyya. Taṃ kissa hetu? Tathā hi so dhammacārī samacārī.
‘‘ааган̇кзяяа жз, г̇ахабад̇аяо, д̇хаммажаарий самажаарий ‘ахо вад̇аахам̣ гааяасса бхзд̣̇аа барам̣ маран̣аа барид̇д̇аабхаанам̣ д̣̇зваанам̣…бз… аббамаан̣аабхаанам̣ д̣̇зваанам̣… аабхассараанам̣ д̣̇зваанам̣… барид̇д̇асубхаанам̣ д̣̇зваанам̣… аббамаан̣асубхаанам̣ д̣̇зваанам̣… субхагин̣хаанам̣ д̣̇зваанам̣ … взхабпалаанам̣ д̣̇зваанам̣… авихаанам̣ д̣̇зваанам̣… ад̇аббаанам̣ д̣̇зваанам̣… суд̣̇ассаанам̣ д̣̇зваанам̣… суд̣̇ассийнам̣ д̣̇зваанам̣… аганидтаанам̣ д̣̇зваанам̣… аагаасаанан̃жааяад̇ануубаг̇аанам̣ д̣̇зваанам̣… вин̃н̃аан̣ан̃жааяад̇ануубаг̇аанам̣ д̣̇зваанам̣… аагин̃жан̃н̃ааяад̇ануубаг̇аанам̣ д̣̇зваанам̣… нзвасан̃н̃аанаасан̃н̃ааяад̇ануубаг̇аанам̣ д̣̇зваанам̣ сахаб̣яад̇ам̣ убабаж̇ж̇зяяа’нд̇и; таанам̣ ко банзд̇ам̣ виж̇ж̇ад̇и, яам̣ со гааяасса бхзд̣̇аа барам̣ маран̣аа нзвасан̃н̃аанаасан̃н̃ааяад̇ануубаг̇аанам̣ д̣̇зваанам̣ сахаб̣яад̇ам̣ убабаж̇ж̇зяяа. д̇ам̣ гисса хзд̇у? д̇ат̇аа хи со д̇хаммажаарий самажаарий.
‘‘Ākaṅkheyya ce, gahapatayo, dhammacārī samacārī ‘aho vatāhaṃ kāyassa bhedā paraṃ maraṇā parittābhānaṃ devānaṃ…pe… appamāṇābhānaṃ devānaṃ… ābhassarānaṃ devānaṃ… parittasubhānaṃ devānaṃ… appamāṇasubhānaṃ devānaṃ… subhakiṇhānaṃ devānaṃ … vehapphalānaṃ devānaṃ… avihānaṃ devānaṃ… atappānaṃ devānaṃ… sudassānaṃ devānaṃ… sudassīnaṃ devānaṃ… akaniṭṭhānaṃ devānaṃ… ākāsānañcāyatanūpagānaṃ devānaṃ… viññāṇañcāyatanūpagānaṃ devānaṃ… ākiñcaññāyatanūpagānaṃ devānaṃ… nevasaññānāsaññāyatanūpagānaṃ devānaṃ sahabyataṃ upapajjeyya’nti; ṭhānaṃ kho panetaṃ vijjati, yaṃ so kāyassa bhedā paraṃ maraṇā nevasaññānāsaññāyatanūpagānaṃ devānaṃ sahabyataṃ upapajjeyya. Taṃ kissa hetu? Tathā hi so dhammacārī samacārī.
‘‘ааган̇кзяяа жз г̇ахабад̇аяо д̇хаммажаарий самажаарий – ‘ахо вад̇аахам̣ аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарзяяа’нд̇и; таанам̣ ко банзд̇ам̣ виж̇ж̇ад̇и, ‘яам̣ со аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарзяяа. д̇ам̣ гисса хзд̇у? д̇ат̇аа хи со д̇хаммажаарий самажаарий’’’д̇и.
‘‘Ākaṅkheyya ce gahapatayo dhammacārī samacārī – ‘aho vatāhaṃ āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja vihareyya’nti; ṭhānaṃ kho panetaṃ vijjati, ‘yaṃ so āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja vihareyya. Taṃ kissa hetu? Tathā hi so dhammacārī samacārī’’’ti.
448. звам̣ вуд̇д̇з, взран̃ж̇агаа б̣раахман̣аг̇ахабад̇игаа бхаг̇аванд̇ам̣ зд̇ад̣̇авожум̣ – ‘‘абхигганд̇ам̣, бхо г̇од̇ама, абхигганд̇ам̣ бхо г̇од̇ама! сзяяат̇ааби, бхо г̇од̇ама, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа, жагкуманд̇о руубаани д̣̇агканд̇ийд̇и; звамзвам̣ бход̇аа г̇од̇амзна анзгабарияааязна д̇хаммо багаасид̇о. зд̇з маяам̣ бхаванд̇ам̣ г̇од̇амам̣ саран̣ам̣ г̇ажчаама д̇хамман̃жа бхигкусан̇гхан̃жа. убаасагз но бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇з саран̣ам̣ г̇ад̇з’’д̇и.
448. Evaṃ vutte, verañjakā brāhmaṇagahapatikā bhagavantaṃ etadavocuṃ – ‘‘abhikkantaṃ, bho gotama, abhikkantaṃ bho gotama! Seyyathāpi, bho gotama, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya, cakkhumanto rūpāni dakkhantīti; evamevaṃ bhotā gotamena anekapariyāyena dhammo pakāsito. Ete mayaṃ bhavantaṃ gotamaṃ saraṇaṃ gacchāma dhammañca bhikkhusaṅghañca. Upāsake no bhavaṃ gotamo dhāretu ajjatagge pāṇupete saraṇaṃ gate’’ti.
взран̃ж̇агасуд̇д̇ам̣ нидтид̇ам̣ д̣̇уд̇ияам̣.
Verañjakasuttaṃ niṭṭhitaṃ dutiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 2. взран̃ж̇агасуд̇д̇аван̣н̣анаа • 2. Verañjakasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 2. взран̃ж̇агасуд̇д̇аван̣н̣анаа • 2. Verañjakasuttavaṇṇanā
