| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
९. वेरम्भसुत्तवण्णना
9. Verambhasuttavaṇṇanā
१६५. नवमे वेरम्भवाताति एवंनामका महावाता। कीदिसे पन ठाने ते वाता वायन्तीति? यत्थ ठितस्स चत्तारो दीपा उप्पलिनिपत्तमत्ता हुत्वा पञ्ञायन्ति। यो पक्खी गच्छतीति नववुट्ठे देवे विरवन्तो वातसकुणो तत्थ गच्छति, तं सन्धायेतं वुत्तं। अरक्खितेनेव कायेनातिआदीसु हत्थपादे कीळापेन्तो खन्धट्ठिं वा नामेन्तो कायं न रक्खति नाम, नानाविधं दुट्ठुल्लकथं कथेन्तो वाचं न रक्खति नाम, कामवितक्कादयो वितक्केन्तो चित्तं न रक्खति नाम। अनुपट्ठिताय सतियाति कायगतासतिं अनुपट्ठपेत्वा। नवमं।
165. Navame verambhavātāti evaṃnāmakā mahāvātā. Kīdise pana ṭhāne te vātā vāyantīti? Yattha ṭhitassa cattāro dīpā uppalinipattamattā hutvā paññāyanti. Yo pakkhī gacchatīti navavuṭṭhe deve viravanto vātasakuṇo tattha gacchati, taṃ sandhāyetaṃ vuttaṃ. Arakkhiteneva kāyenātiādīsu hatthapāde kīḷāpento khandhaṭṭhiṃ vā nāmento kāyaṃ na rakkhati nāma, nānāvidhaṃ duṭṭhullakathaṃ kathento vācaṃ na rakkhati nāma, kāmavitakkādayo vitakkento cittaṃ na rakkhati nāma. Anupaṭṭhitāya satiyāti kāyagatāsatiṃ anupaṭṭhapetvā. Navamaṃ.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ९. वेरम्भसुत्तं • 9. Verambhasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ९. वेरम्भसुत्तवण्णना • 9. Verambhasuttavaṇṇanā
