| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೧೦. ವೇಪುಲ್ಲಪಬ್ಬತಸುತ್ತವಣ್ಣನಾ
10. Vepullapabbatasuttavaṇṇanā
೧೪೩. ಏಕಂ ಅಪದಾನಂ ಆಹರಿತ್ವಾ ದಸ್ಸೇತಿ ‘‘ಏವಂ ಸಂವೇಗಂ ಜನೇತ್ವಾ ಭಿಕ್ಖೂ ವಿಸೇಸಂ ಪಾಪೇಸ್ಸಾಮೀ’’ತಿ। ಚತೂಹೇನ ಆರೋಹನ್ತಿ ಚತುಯೋಜನುಬ್ಬೇಧತ್ತಾ। ದ್ವಿನ್ನಂ ಬುದ್ಧಾನನ್ತಿ ಕಕುಸನ್ಧಸ್ಸ ಕೋಣಾಗಮನಸ್ಸ ಚಾತಿ ಇಮೇಸಂ ದ್ವಿನ್ನಂ ಬುದ್ಧಾನಂ। ‘‘ತಿವರಾ ರೋಹಿತಸ್ಸಾ ಸುಪ್ಪಿಯಾ’’ತಿ ಮನುಸ್ಸಾನಂ ತಸ್ಮಿಂ ತಸ್ಮಿಂ ಕಾಲೇ ಸಮಞ್ಞಾ ತತ್ಥ ದೇಸನಾಮವಸೇನ ಜಾತಾತಿ ವೇದಿತಬ್ಬಾ, ಯಥಾ ಏತರಹಿ ಮಾಗಧಾತಿ।
143.Ekaṃ apadānaṃ āharitvā dasseti ‘‘evaṃ saṃvegaṃ janetvā bhikkhū visesaṃ pāpessāmī’’ti. Catūhena ārohanti catuyojanubbedhattā. Dvinnaṃ buddhānanti kakusandhassa koṇāgamanassa cāti imesaṃ dvinnaṃ buddhānaṃ. ‘‘Tivarā rohitassā suppiyā’’ti manussānaṃ tasmiṃ tasmiṃ kāle samaññā tattha desanāmavasena jātāti veditabbā, yathā etarahi māgadhāti.
ಪುನ ವಸ್ಸಸತನ್ತಿ ಪಠಮವಸ್ಸಸತತೋ ಉಪರಿವಸ್ಸಸತಂ ಜೀವನಕೋ ನಾಮ ಮನುಸ್ಸೋ ನತ್ಥಿ। ಪರಿಹೀನಸದಿಸಂ ಕತಂ ದೇಸನಾಯ। ವಡ್ಢಿತ್ವಾತಿ ದಸವಸ್ಸಾಯುಕಭಾವತೋ ಪಟ್ಠಾಯ ಯಾವ ಅಸಙ್ಖ್ಯೇಯ್ಯಾಯುಕಭಾವಾ ವಡ್ಢಿತ್ವಾ। ‘‘ಪರಿಹೀನ’’ನ್ತಿ ವತ್ವಾ ತಂ ಪರಿಹೀನಭಾವಂ ದಸ್ಸೇನ್ತೋ ‘‘ಕಥ’’ನ್ತಿಆದಿಮಾಹ। ಯಂ ಆಯುಪ್ಪಮಾಣೇಸೂತಿ ಯತ್ತಕಂ ಆಯುಪ್ಪಮಾಣೇಸೂತಿ।
Puna vassasatanti paṭhamavassasatato uparivassasataṃ jīvanako nāma manusso natthi. Parihīnasadisaṃ kataṃ desanāya. Vaḍḍhitvāti dasavassāyukabhāvato paṭṭhāya yāva asaṅkhyeyyāyukabhāvā vaḍḍhitvā. ‘‘Parihīna’’nti vatvā taṃ parihīnabhāvaṃ dassento ‘‘katha’’ntiādimāha. Yaṃ āyuppamāṇesūti yattakaṃ āyuppamāṇesūti.
ವೇಪುಲ್ಲಪಬ್ಬತಸುತ್ತವಣ್ಣನಾ ನಿಟ್ಠಿತಾ।
Vepullapabbatasuttavaṇṇanā niṭṭhitā.
ದುತಿಯವಗ್ಗವಣ್ಣನಾ ನಿಟ್ಠಿತಾ।
Dutiyavaggavaṇṇanā niṭṭhitā.
ಸಾರತ್ಥಪ್ಪಕಾಸಿನಿಯಾ ಸಂಯುತ್ತನಿಕಾಯ-ಅಟ್ಠಕಥಾಯ
Sāratthappakāsiniyā saṃyuttanikāya-aṭṭhakathāya
ಅನಮತಗ್ಗಸಂಯುತ್ತವಣ್ಣನಾಯ ಲೀನತ್ಥಪ್ಪಕಾಸನಾ ಸಮತ್ತಾ।
Anamataggasaṃyuttavaṇṇanāya līnatthappakāsanā samattā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೧೦. ವೇಪುಲ್ಲಪಬ್ಬತಸುತ್ತಂ • 10. Vepullapabbatasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೧೦. ವೇಪುಲ್ಲಪಬ್ಬತಸುತ್ತವಣ್ಣನಾ • 10. Vepullapabbatasuttavaṇṇanā
