| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၁၀. ဝေပုလ္လပဗ္ဗတသုတ္တဝဏ္ဏနာ
10. Vepullapabbatasuttavaṇṇanā
၁၄၃. ဧကံ အပဒာနံ အာဟရိတ္ဝာ ဒသ္သေတိ ‘‘ဧဝံ သံဝေဂံ ဇနေတ္ဝာ ဘိက္ခူ ဝိသေသံ ပာပေသ္သာမီ’’တိ။ စတူဟေန အာရောဟန္တိ စတုယောဇနုဗ္ဗေဓတ္တာ။ ဒ္ဝိန္နံ ဗုဒ္ဓာနန္တိ ကကုသန္ဓသ္သ ကောဏာဂမနသ္သ စာတိ ဣမေသံ ဒ္ဝိန္နံ ဗုဒ္ဓာနံ။ ‘‘တိဝရာ ရောဟိတသ္သာ သုပ္ပိယာ’’တိ မနုသ္သာနံ တသ္မိံ တသ္မိံ ကာလေ သမညာ တတ္ထ ဒေသနာမဝသေန ဇာတာတိ ဝေဒိတဗ္ဗာ, ယထာ ဧတရဟိ မာဂဓာတိ။
143.Ekaṃ apadānaṃ āharitvā dasseti ‘‘evaṃ saṃvegaṃ janetvā bhikkhū visesaṃ pāpessāmī’’ti. Catūhena ārohanti catuyojanubbedhattā. Dvinnaṃ buddhānanti kakusandhassa koṇāgamanassa cāti imesaṃ dvinnaṃ buddhānaṃ. ‘‘Tivarā rohitassā suppiyā’’ti manussānaṃ tasmiṃ tasmiṃ kāle samaññā tattha desanāmavasena jātāti veditabbā, yathā etarahi māgadhāti.
ပုန ဝသ္သသတန္တိ ပဌမဝသ္သသတတော ဥပရိဝသ္သသတံ ဇီဝနကော နာမ မနုသ္သော နတ္ထိ။ ပရိဟီနသဒိသံ ကတံ ဒေသနာယ။ ဝဍ္ဎိတ္ဝာတိ ဒသဝသ္သာယုကဘာဝတော ပဋ္ဌာယ ယာဝ အသင္ခ္ယေယ္ယာယုကဘာဝာ ဝဍ္ဎိတ္ဝာ။ ‘‘ပရိဟီန’’န္တိ ဝတ္ဝာ တံ ပရိဟီနဘာဝံ ဒသ္သေန္တော ‘‘ကထ’’န္တိအာဒိမာဟ။ ယံ အာယုပ္ပမာဏေသူတိ ယတ္တကံ အာယုပ္ပမာဏေသူတိ။
Puna vassasatanti paṭhamavassasatato uparivassasataṃ jīvanako nāma manusso natthi. Parihīnasadisaṃ kataṃ desanāya. Vaḍḍhitvāti dasavassāyukabhāvato paṭṭhāya yāva asaṅkhyeyyāyukabhāvā vaḍḍhitvā. ‘‘Parihīna’’nti vatvā taṃ parihīnabhāvaṃ dassento ‘‘katha’’ntiādimāha. Yaṃ āyuppamāṇesūti yattakaṃ āyuppamāṇesūti.
ဝေပုလ္လပဗ္ဗတသုတ္တဝဏ္ဏနာ နိဋ္ဌိတာ။
Vepullapabbatasuttavaṇṇanā niṭṭhitā.
ဒုတိယဝဂ္ဂဝဏ္ဏနာ နိဋ္ဌိတာ။
Dutiyavaggavaṇṇanā niṭṭhitā.
သာရတ္ထပ္ပကာသိနိယာ သံယုတ္တနိကာယ-အဋ္ဌကထာယ
Sāratthappakāsiniyā saṃyuttanikāya-aṭṭhakathāya
အနမတဂ္ဂသံယုတ္တဝဏ္ဏနာယ လီနတ္ထပ္ပကာသနာ သမတ္တာ။
Anamataggasaṃyuttavaṇṇanāya līnatthappakāsanā samattā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁၀. ဝေပုလ္လပဗ္ဗတသုတ္တံ • 10. Vepullapabbatasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁၀. ဝေပုလ္လပဗ္ဗတသုတ္တဝဏ္ဏနာ • 10. Vepullapabbatasuttavaṇṇanā
