| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
১০. ৰেপুল্লপব্বতসুত্তৰণ্ণনা
10. Vepullapabbatasuttavaṇṇanā
১৪৩. একং অপদানং আহরিত্ৰা দস্সেতি ‘‘এৰং সংৰেগং জনেত্ৰা ভিক্খূ ৰিসেসং পাপেস্সামী’’তি। চতূহেন আরোহন্তি চতুযোজনুব্বেধত্তা। দ্ৰিন্নং বুদ্ধানন্তি ককুসন্ধস্স কোণাগমনস্স চাতি ইমেসং দ্ৰিন্নং বুদ্ধানং। ‘‘তিৰরা রোহিতস্সা সুপ্পিযা’’তি মনুস্সানং তস্মিং তস্মিং কালে সমঞ্ঞা তত্থ দেসনামৰসেন জাতাতি ৰেদিতব্বা, যথা এতরহি মাগধাতি।
143.Ekaṃ apadānaṃ āharitvā dasseti ‘‘evaṃ saṃvegaṃ janetvā bhikkhū visesaṃ pāpessāmī’’ti. Catūhena ārohanti catuyojanubbedhattā. Dvinnaṃ buddhānanti kakusandhassa koṇāgamanassa cāti imesaṃ dvinnaṃ buddhānaṃ. ‘‘Tivarā rohitassā suppiyā’’ti manussānaṃ tasmiṃ tasmiṃ kāle samaññā tattha desanāmavasena jātāti veditabbā, yathā etarahi māgadhāti.
পুন ৰস্সসতন্তি পঠমৰস্সসততো উপরিৰস্সসতং জীৰনকো নাম মনুস্সো নত্থি। পরিহীনসদিসং কতং দেসনায। ৰড্ঢিত্ৰাতি দসৰস্সাযুকভাৰতো পট্ঠায যাৰ অসঙ্খ্যেয্যাযুকভাৰা ৰড্ঢিত্ৰা। ‘‘পরিহীন’’ন্তি ৰত্ৰা তং পরিহীনভাৰং দস্সেন্তো ‘‘কথ’’ন্তিআদিমাহ। যং আযুপ্পমাণেসূতি যত্তকং আযুপ্পমাণেসূতি।
Puna vassasatanti paṭhamavassasatato uparivassasataṃ jīvanako nāma manusso natthi. Parihīnasadisaṃ kataṃ desanāya. Vaḍḍhitvāti dasavassāyukabhāvato paṭṭhāya yāva asaṅkhyeyyāyukabhāvā vaḍḍhitvā. ‘‘Parihīna’’nti vatvā taṃ parihīnabhāvaṃ dassento ‘‘katha’’ntiādimāha. Yaṃ āyuppamāṇesūti yattakaṃ āyuppamāṇesūti.
ৰেপুল্লপব্বতসুত্তৰণ্ণনা নিট্ঠিতা।
Vepullapabbatasuttavaṇṇanā niṭṭhitā.
দুতিযৰগ্গৰণ্ণনা নিট্ঠিতা।
Dutiyavaggavaṇṇanā niṭṭhitā.
সারত্থপ্পকাসিনিযা সংযুত্তনিকায-অট্ঠকথায
Sāratthappakāsiniyā saṃyuttanikāya-aṭṭhakathāya
অনমতগ্গসংযুত্তৰণ্ণনায লীনত্থপ্পকাসনা সমত্তা।
Anamataggasaṃyuttavaṇṇanāya līnatthappakāsanā samattā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১০. ৰেপুল্লপব্বতসুত্তং • 10. Vepullapabbatasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১০. ৰেপুল্লপব্বতসুত্তৰণ্ণনা • 10. Vepullapabbatasuttavaṇṇanā
