| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੯੭. વੇਮਤਿਕਪਨ੍ਨਰਸਕਂ
97. Vematikapannarasakaṃ
੧੭੪. ਇਧ ਪਨ, ਭਿਕ੍ਖવੇ, ਅਞ੍ਞਤਰਸ੍ਮਿਂ ਆવਾਸੇ ਤਦਹੁਪੋਸਥੇ ਸਮ੍ਬਹੁਲਾ ਆવਾਸਿਕਾ ਭਿਕ੍ਖੂ ਸਨ੍ਨਿਪਤਨ੍ਤਿ ਚਤ੍ਤਾਰੋ વਾ ਅਤਿਰੇਕਾ વਾ। ਤੇ ਜਾਨਨ੍ਤਿ ‘‘ਅਤ੍ਥਞ੍ਞੇ ਆવਾਸਿਕਾ ਭਿਕ੍ਖੂ ਅਨਾਗਤਾ’’ਤਿ। ਤੇ, ਕਪ੍ਪਤਿ ਨੁ ਖੋ ਅਮ੍ਹਾਕਂ ਉਪੋਸਥੋ ਕਾਤੁਂ ਨ ਨੁ ਖੋ ਕਪ੍ਪਤੀਤਿ, વੇਮਤਿਕਾ ਉਪੋਸਥਂ ਕਰੋਨ੍ਤਿ, ਪਾਤਿਮੋਕ੍ਖਂ ਉਦ੍ਦਿਸਨ੍ਤਿ। ਤੇਹਿ ਉਦ੍ਦਿਸ੍ਸਮਾਨੇ ਪਾਤਿਮੋਕ੍ਖੇ, ਅਥਞ੍ਞੇ ਆવਾਸਿਕਾ ਭਿਕ੍ਖੂ ਆਗਚ੍ਛਨ੍ਤਿ ਬਹੁਤਰਾ। ਤੇਹਿ, ਭਿਕ੍ਖવੇ, ਭਿਕ੍ਖੂਹਿ ਪੁਨ ਪਾਤਿਮੋਕ੍ਖਂ ਉਦ੍ਦਿਸਿਤਬ੍ਬਂ। ਉਦ੍ਦੇਸਕਾਨਂ ਆਪਤ੍ਤਿ ਦੁਕ੍ਕਟਸ੍ਸ।
174. Idha pana, bhikkhave, aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā. Te jānanti ‘‘atthaññe āvāsikā bhikkhū anāgatā’’ti. Te, kappati nu kho amhākaṃ uposatho kātuṃ na nu kho kappatīti, vematikā uposathaṃ karonti, pātimokkhaṃ uddisanti. Tehi uddissamāne pātimokkhe, athaññe āvāsikā bhikkhū āgacchanti bahutarā. Tehi, bhikkhave, bhikkhūhi puna pātimokkhaṃ uddisitabbaṃ. Uddesakānaṃ āpatti dukkaṭassa.
ਇਧ ਪਨ, ਭਿਕ੍ਖવੇ, ਅਞ੍ਞਤਰਸ੍ਮਿਂ ਆવਾਸੇ ਤਦਹੁਪੋਸਥੇ ਸਮ੍ਬਹੁਲਾ ਆવਾਸਿਕਾ ਭਿਕ੍ਖੂ ਸਨ੍ਨਿਪਤਨ੍ਤਿ ਚਤ੍ਤਾਰੋ વਾ ਅਤਿਰੇਕਾ વਾ। ਤੇ ਜਾਨਨ੍ਤਿ ‘‘ਅਤ੍ਥਞ੍ਞੇ ਆવਾਸਿਕਾ ਭਿਕ੍ਖੂ ਅਨਾਗਤਾ’’ਤਿ, ਤੇ ‘‘ਕਪ੍ਪਤਿ ਨੁ ਖੋ ਅਮ੍ਹਾਕਂ ਉਪੋਸਥੋ ਕਾਤੁਂ, ਨ ਨੁ ਖੋ ਕਪ੍ਪਤੀ’’ਤਿ, વੇਮਤਿਕਾ ਉਪੋਸਥਂ ਕਰੋਨ੍ਤਿ, ਪਾਤਿਮੋਕ੍ਖਂ ਉਦ੍ਦਿਸਨ੍ਤਿ। ਤੇਹਿ ਉਦ੍ਦਿਸ੍ਸਮਾਨੇ ਪਾਤਿਮੋਕ੍ਖੇ, ਅਥਞ੍ਞੇ ਆવਾਸਿਕਾ ਭਿਕ੍ਖੂ ਆਗਚ੍ਛਨ੍ਤਿ ਸਮਸਮਾ। ਉਦ੍ਦਿਟ੍ਠਂ ਸੁਉਦ੍ਦਿਟ੍ਠਂ, ਅવਸੇਸਂ ਸੋਤਬ੍ਬਂ। ਉਦ੍ਦੇਸਕਾਨਂ ਆਪਤ੍ਤਿ ਦੁਕ੍ਕਟਸ੍ਸ।
Idha pana, bhikkhave, aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā. Te jānanti ‘‘atthaññe āvāsikā bhikkhū anāgatā’’ti, te ‘‘kappati nu kho amhākaṃ uposatho kātuṃ, na nu kho kappatī’’ti, vematikā uposathaṃ karonti, pātimokkhaṃ uddisanti. Tehi uddissamāne pātimokkhe, athaññe āvāsikā bhikkhū āgacchanti samasamā. Uddiṭṭhaṃ suuddiṭṭhaṃ, avasesaṃ sotabbaṃ. Uddesakānaṃ āpatti dukkaṭassa.
ਇਧ ਪਨ, ਭਿਕ੍ਖવੇ, ਅਞ੍ਞਤਰਸ੍ਮਿਂ ਆવਾਸੇ ਤਦਹੁਪੋਸਥੇ ਸਮ੍ਬਹੁਲਾ ਆવਾਸਿਕਾ ਭਿਕ੍ਖੂ ਸਨ੍ਨਿਪਤਨ੍ਤਿ ਚਤ੍ਤਾਰੋ વਾ ਅਤਿਰੇਕਾ વਾ। ਤੇ ਜਾਨਨ੍ਤਿ ਅਤ੍ਥਞ੍ਞੇ ਆવਾਸਿਕਾ ਭਿਕ੍ਖੂ ਅਨਾਗਤਾਤਿ, ਤੇ ਕਪ੍ਪਤਿ ਨੁ ਖੋ ਅਮ੍ਹਾਕਂ ਉਪੋਸਥੋ ਕਾਤੁਂ, ਨ ਨੁ ਖੋ ਕਪ੍ਪਤੀਤਿ, વੇਮਤਿਕਾ ਉਪੋਸਥਂ ਕਰੋਨ੍ਤਿ, ਪਾਤਿਮੋਕ੍ਖਂ ਉਦ੍ਦਿਸਨ੍ਤਿ। ਤੇਹਿ ਉਦ੍ਦਿਸ੍ਸਮਾਨੇ ਪਾਤਿਮੋਕ੍ਖੇ ਅਥਞ੍ਞੇ ਆવਾਸਿਕਾ ਭਿਕ੍ਖੂ ਆਗਚ੍ਛਨ੍ਤਿ ਥੋਕਤਰਾ। ਉਦ੍ਦਿਟ੍ਠਂ ਸੁਉਦ੍ਦਿਟ੍ਠਂ, ਅવਸੇਸਂ ਸੋਤਬ੍ਬਂ। ਉਦ੍ਦੇਸਕਾਨਂ ਆਪਤ੍ਤਿ ਦੁਕ੍ਕਟਸ੍ਸ।
Idha pana, bhikkhave, aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā. Te jānanti atthaññe āvāsikā bhikkhū anāgatāti, te kappati nu kho amhākaṃ uposatho kātuṃ, na nu kho kappatīti, vematikā uposathaṃ karonti, pātimokkhaṃ uddisanti. Tehi uddissamāne pātimokkhe athaññe āvāsikā bhikkhū āgacchanti thokatarā. Uddiṭṭhaṃ suuddiṭṭhaṃ, avasesaṃ sotabbaṃ. Uddesakānaṃ āpatti dukkaṭassa.
ਇਧ ਪਨ, ਭਿਕ੍ਖવੇ, ਅਞ੍ਞਤਰਸ੍ਮਿਂ ਆવਾਸੇ ਤਦਹੁਪੋਸਥੇ ਸਮ੍ਬਹੁਲਾ ਆવਾਸਿਕਾ ਭਿਕ੍ਖੂ ਸਨ੍ਨਿਪਤਨ੍ਤਿ ਚਤ੍ਤਾਰੋ વਾ ਅਤਿਰੇਕਾ વਾ। ਤੇ ਜਾਨਨ੍ਤਿ ‘‘ਅਤ੍ਥਞ੍ਞੇ ਆવਾਸਿਕਾ ਭਿਕ੍ਖੂ ਅਨਾਗਤਾ’’ਤਿ। ਤੇ, ‘‘ਕਪ੍ਪਤਿ ਨੁ ਖੋ ਅਮ੍ਹਾਕਂ ਉਪੋਸਥੋ ਕਾਤੁਂ ਨ ਨੁ ਖੋ ਕਪ੍ਪਤੀ’’ਤਿ, વੇਮਤਿਕਾ ਉਪੋਸਥਂ ਕਰੋਨ੍ਤਿ, ਪਾਤਿਮੋਕ੍ਖਂ ਉਦ੍ਦਿਸਨ੍ਤਿ। ਤੇਹਿ ਉਦ੍ਦਿਟ੍ਠਮਤ੍ਤੇ ਪਾਤਿਮੋਕ੍ਖੇ,…ਪੇ॰… ਅવੁਟ੍ਠਿਤਾਯ ਪਰਿਸਾਯ…ਪੇ॰… ਏਕਚ੍ਚਾਯ વੁਟ੍ਠਿਤਾਯ ਪਰਿਸਾਯ…ਪੇ॰… ਸਬ੍ਬਾਯ વੁਟ੍ਠਿਤਾਯ ਪਰਿਸਾਯ, ਅਥਞ੍ਞੇ ਆવਾਸਿਕਾ ਭਿਕ੍ਖੂ ਆਗਚ੍ਛਨ੍ਤਿ ਬਹੁਤਰਾ…ਪੇ॰… ਸਮਸਮਾ…ਪੇ॰… ਥੋਕਤਰਾ। ਉਦ੍ਦਿਟ੍ਠਂ ਸੁਉਦ੍ਦਿਟ੍ਠਂ, ਤੇਸਂ ਸਨ੍ਤਿਕੇ ਪਾਰਿਸੁਦ੍ਧਿ ਆਰੋਚੇਤਬ੍ਬਾ। ਉਦ੍ਦੇਸਕਾਨਂ ਆਪਤ੍ਤਿ ਦੁਕ੍ਕਟਸ੍ਸ।
Idha pana, bhikkhave, aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā. Te jānanti ‘‘atthaññe āvāsikā bhikkhū anāgatā’’ti. Te, ‘‘kappati nu kho amhākaṃ uposatho kātuṃ na nu kho kappatī’’ti, vematikā uposathaṃ karonti, pātimokkhaṃ uddisanti. Tehi uddiṭṭhamatte pātimokkhe,…pe… avuṭṭhitāya parisāya…pe… ekaccāya vuṭṭhitāya parisāya…pe… sabbāya vuṭṭhitāya parisāya, athaññe āvāsikā bhikkhū āgacchanti bahutarā…pe… samasamā…pe… thokatarā. Uddiṭṭhaṃ suuddiṭṭhaṃ, tesaṃ santike pārisuddhi ārocetabbā. Uddesakānaṃ āpatti dukkaṭassa.
વੇਮਤਿਕਪਨ੍ਨਰਸਕਂ ਨਿਟ੍ਠਿਤਂ।
Vematikapannarasakaṃ niṭṭhitaṃ.
