Only Dharma. Since 1992
Library / Tipiṭaka / ཏིཔིཊཀ • Tipiṭaka / མཧཱཝགྒཔཱལི༹ • Mahāvaggapāḷi

༡༣༠. ཝེམཏིཀཔནྣརསཀཾ

130. Vematikapannarasakaṃ

༢༢༤. ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ། ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི། ཏེ ‘‘ཀཔྤཏི ནུ ཁོ ཨམྷཱཀཾ པཝཱརེཏུཾ, ན ནུ ཁོ ཀཔྤཏཱི’’ཏི ཝེམཏིཀཱ པཝཱརེནྟི། ཏེཧི པཝཱརིཡམཱནེ ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ། ཏེཧི, བྷིཀྑཝེ, བྷིཀྑཱུཧི པུན པཝཱརེཏབྦཾ། པཝཱརིཏཱནཾ ཨཱཔཏྟི དུཀྐཊསྶ།

224. Idha pana, bhikkhave, aññatarasmiṃ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā. Te jānanti ‘‘atthaññe āvāsikā bhikkhū anāgatā’’ti. Te ‘‘kappati nu kho amhākaṃ pavāretuṃ, na nu kho kappatī’’ti vematikā pavārenti. Tehi pavāriyamāne athaññe āvāsikā bhikkhū āgacchanti bahutarā. Tehi, bhikkhave, bhikkhūhi puna pavāretabbaṃ. Pavāritānaṃ āpatti dukkaṭassa.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ། ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི། ཏེ ‘‘ཀཔྤཏི ནུ ཁོ ཨམྷཱཀཾ པཝཱརེཏུཾ, ན ནུ ཁོ ཀཔྤཏཱི’’ཏི ཝེམཏིཀཱ པཝཱརེནྟི། ཏེཧི པཝཱརིཡམཱནེ ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི སམསམཱ། པཝཱརིཏཱ སུཔྤཝཱརིཏཱ, ཨཝསེསེཧི པཝཱརེཏབྦཾ། པཝཱརིཏཱནཾ ཨཱཔཏྟི དུཀྐཊསྶ།

Idha pana, bhikkhave, aññatarasmiṃ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā. Te jānanti ‘‘atthaññe āvāsikā bhikkhū anāgatā’’ti. Te ‘‘kappati nu kho amhākaṃ pavāretuṃ, na nu kho kappatī’’ti vematikā pavārenti. Tehi pavāriyamāne athaññe āvāsikā bhikkhū āgacchanti samasamā. Pavāritā suppavāritā, avasesehi pavāretabbaṃ. Pavāritānaṃ āpatti dukkaṭassa.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ། ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི། ཏེ ‘‘ཀཔྤཏི ནུ ཁོ ཨམྷཱཀཾ པཝཱརེཏུཾ, ན ནུ ཁོ ཀཔྤཏཱི’’ཏི ཝེམཏིཀཱ པཝཱརེནྟི། ཏེཧི པཝཱརིཡམཱནེ ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི ཐོཀཏརཱ། པཝཱརིཏཱ སུཔྤཝཱརིཏཱ, ཨཝསེསེཧི པཝཱརེཏབྦཾ། པཝཱརིཏཱནཾ ཨཱཔཏྟི དུཀྐཊསྶ།

Idha pana, bhikkhave, aññatarasmiṃ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā. Te jānanti ‘‘atthaññe āvāsikā bhikkhū anāgatā’’ti. Te ‘‘kappati nu kho amhākaṃ pavāretuṃ, na nu kho kappatī’’ti vematikā pavārenti. Tehi pavāriyamāne athaññe āvāsikā bhikkhū āgacchanti thokatarā. Pavāritā suppavāritā, avasesehi pavāretabbaṃ. Pavāritānaṃ āpatti dukkaṭassa.

ཨིདྷ པན, བྷིཀྑཝེ, ཨཉྙཏརསྨིཾ ཨཱཝཱསེ ཏདཧུ པཝཱརཎཱཡ སམྦཧུལཱ ཨཱཝཱསིཀཱ བྷིཀྑཱུ སནྣིཔཏནྟི, པཉྩ ཝཱ ཨཏིརེཀཱ ཝཱ། ཏེ ཛཱནནྟི ‘‘ཨཏྠཉྙེ ཨཱཝཱསིཀཱ བྷིཀྑཱུ ཨནཱགཏཱ’’ཏི། ཏེ ‘‘ཀཔྤཏི ནུ ཁོ ཨམྷཱཀཾ པཝཱརེཏུཾ, ན ནུ ཁོ ཀཔྤཏཱི’’ཏི ཝེམཏིཀཱ པཝཱརེནྟི། ཏེཧི པཝཱརིཏམཏྟེ…པེ॰… ཨཝུཊྛིཏཱཡ པརིསཱཡ…པེ॰… ཨེཀཙྩཱཡ ཝུཊྛིཏཱཡ པརིསཱཡ…པེ॰… སབྦཱཡ ཝུཊྛིཏཱཡ པརིསཱཡ, ཨཐཉྙེ ཨཱཝཱསིཀཱ བྷིཀྑཱུ ཨཱགཙྪནྟི བཧུཏརཱ…པེ॰… སམསམཱ…པེ॰… ཐོཀཏརཱ། པཝཱརིཏཱ སུཔྤཝཱརིཏཱ, ཏེསཾ སནྟིཀེ པཝཱརེཏབྦཾ། པཝཱརིཏཱནཾ ཨཱཔཏྟི དུཀྐཊསྶ།

Idha pana, bhikkhave, aññatarasmiṃ āvāse tadahu pavāraṇāya sambahulā āvāsikā bhikkhū sannipatanti, pañca vā atirekā vā. Te jānanti ‘‘atthaññe āvāsikā bhikkhū anāgatā’’ti. Te ‘‘kappati nu kho amhākaṃ pavāretuṃ, na nu kho kappatī’’ti vematikā pavārenti. Tehi pavāritamatte…pe… avuṭṭhitāya parisāya…pe… ekaccāya vuṭṭhitāya parisāya…pe… sabbāya vuṭṭhitāya parisāya, athaññe āvāsikā bhikkhū āgacchanti bahutarā…pe… samasamā…pe… thokatarā. Pavāritā suppavāritā, tesaṃ santike pavāretabbaṃ. Pavāritānaṃ āpatti dukkaṭassa.

ཝེམཏིཀཔནྣརསཀཾ ནིཊྛིཏཾ།

Vematikapannarasakaṃ niṭṭhitaṃ.





© 1991-2026 Titi Tudorancea Yoga Bulletin | Titi Tudorancea® is a Registered Trademark | Terms of use and privacy policy
Contact