| Library / Tipiṭaka / ತಿಪಿಟಕ • Tipiṭaka / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā |
ವೇಹಾಸಟ್ಠಕಥಾವಣ್ಣನಾ
Vehāsaṭṭhakathāvaṇṇanā
೯೭. ವೇಹಾಸಟ್ಠಕಥಾಯಂ ಪನ ಚೀವರವಂಸೇ ಠಪಿತಸ್ಸ ಚೀವರಸ್ಸ ಆಕಡ್ಢನೇ ಯಥಾವುತ್ತಪ್ಪದೇಸಾತಿಕ್ಕಮೋ ಏಕದ್ವಙ್ಗುಲಮತ್ತಾಕಡ್ಢನೇನ ಸಿಯಾತಿ ಅಧಿಪ್ಪಾಯೇನ ವುತ್ತಂ ‘‘ಏಕದ್ವಙ್ಗುಲಮತ್ತಾಕಡ್ಢನೇನೇವ ಪಾರಾಜಿಕ’’ನ್ತಿ। ಇದಞ್ಚ ತಾದಿಸಂ ನಾತಿಮಹನ್ತಂ ಚೀವರವಂಸದಣ್ಡಕಂ ಸನ್ಧಾಯ ವುತ್ತಂ, ಮಹನ್ತೇ ಪನ ತತೋ ಅಧಿಕಮತ್ತಾಕಡ್ಢನೇನೇವ ಸಿಯಾ। ರಜ್ಜುಕೇನ ಬನ್ಧಿತ್ವಾತಿ ಏಕಾಯ ರಜ್ಜುಕೋಟಿಯಾ ಚೀವರಂ ಬನ್ಧಿತ್ವಾ ಅಪರಾಯ ಕೋಟಿಯಾ ಚೀವರವಂಸಂ ಬನ್ಧಿತ್ವಾ ಠಪಿತಚೀವರಂ। ಮುತ್ತಮತ್ತೇ ಅಟ್ಠತ್ವಾ ಪತನಕಸಭಾವತ್ತಾ ‘‘ಮುತ್ತೇ ಪಾರಾಜಿಕ’’ನ್ತಿ ವುತ್ತಂ।
97. Vehāsaṭṭhakathāyaṃ pana cīvaravaṃse ṭhapitassa cīvarassa ākaḍḍhane yathāvuttappadesātikkamo ekadvaṅgulamattākaḍḍhanena siyāti adhippāyena vuttaṃ ‘‘ekadvaṅgulamattākaḍḍhaneneva pārājika’’nti. Idañca tādisaṃ nātimahantaṃ cīvaravaṃsadaṇḍakaṃ sandhāya vuttaṃ, mahante pana tato adhikamattākaḍḍhaneneva siyā. Rajjukena bandhitvāti ekāya rajjukoṭiyā cīvaraṃ bandhitvā aparāya koṭiyā cīvaravaṃsaṃ bandhitvā ṭhapitacīvaraṃ. Muttamatte aṭṭhatvā patanakasabhāvattā ‘‘mutte pārājika’’nti vuttaṃ.
ಏಕಮೇಕಸ್ಸ ಫುಟ್ಠೋಕಾಸಮತ್ತೇ ಅತಿಕ್ಕನ್ತೇ ಪಾರಾಜಿಕನ್ತಿ ಭಿತ್ತಿಂ ಅಫುಸಾಪೇತ್ವಾ ಠಪಿತತ್ತಾ ವುತ್ತಂ। ಭಿತ್ತಿಂ ನಿಸ್ಸಾಯ ಠಪಿತನ್ತಿ ಪಟಿಪಾಟಿಯಾ ಠಪಿತೇಸು ನಾಗದನ್ತಾದೀಸುಯೇವ ಆರೋಪೇತ್ವಾ ಭಿತ್ತಿಂ ಫುಸಾಪೇತ್ವಾ ಠಪಿತಂ। ಪಣ್ಣನ್ತರಂ ಆರೋಪೇತ್ವಾ ಠಪಿತಾತಿ ಅಞ್ಞೇಹಿ ಠಪಿತಂ ಸನ್ಧಾಯ ವುತ್ತಂ।
Ekamekassa phuṭṭhokāsamatte atikkante pārājikanti bhittiṃ aphusāpetvā ṭhapitattā vuttaṃ. Bhittiṃ nissāya ṭhapitanti paṭipāṭiyā ṭhapitesu nāgadantādīsuyeva āropetvā bhittiṃ phusāpetvā ṭhapitaṃ. Paṇṇantaraṃ āropetvā ṭhapitāti aññehi ṭhapitaṃ sandhāya vuttaṃ.
ವೇಹಾಸಟ್ಠಕಥಾವಣ್ಣನಾ ನಿಟ್ಠಿತಾ।
Vehāsaṭṭhakathāvaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಿಭಙ್ಗ • Mahāvibhaṅga / ೨. ದುತಿಯಪಾರಾಜಿಕಂ • 2. Dutiyapārājikaṃ
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಿಭಙ್ಗ-ಅಟ್ಠಕಥಾ • Mahāvibhaṅga-aṭṭhakathā / ೨. ದುತಿಯಪಾರಾಜಿಕಂ • 2. Dutiyapārājikaṃ
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ಭೂಮಟ್ಠಕಥಾದಿವಣ್ಣನಾ • Bhūmaṭṭhakathādivaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ವೇಹಾಸಟ್ಠಕಥಾವಣ್ಣನಾ • Vehāsaṭṭhakathāvaṇṇanā
