| Library / Tipiṭaka / තිපිටක • Tipiṭaka / අපදානපාළි • Apadānapāḷi |
9. වෙදිකාරකත්ථෙරඅපදානං
9. Vedikārakattheraapadānaṃ
61.
61.
‘‘පදුමුත්තරස්ස භගවතො, බොධියා පාදපුත්තමෙ;
‘‘Padumuttarassa bhagavato, bodhiyā pādaputtame;
වෙදිකං සුකතං කත්වා, සකං චිත්තං පසාදයිං.
Vedikaṃ sukataṃ katvā, sakaṃ cittaṃ pasādayiṃ.
62.
62.
අන්තලික්ඛා පවස්සන්ති, වෙදිකාය ඉදං ඵලං.
Antalikkhā pavassanti, vedikāya idaṃ phalaṃ.
63.
63.
‘‘උභතො බ්යූළ්හසඞ්ගාමෙ, පක්ඛන්දන්තො භයානකෙ;
‘‘Ubhato byūḷhasaṅgāme, pakkhandanto bhayānake;
භයභෙරවං න පස්සාමි, වෙදිකාය ඉදං ඵලං.
Bhayabheravaṃ na passāmi, vedikāya idaṃ phalaṃ.
64.
64.
‘‘මම සඞ්කප්පමඤ්ඤාය, බ්යම්හං නිබ්බත්තතෙ සුභං;
‘‘Mama saṅkappamaññāya, byamhaṃ nibbattate subhaṃ;
සයනානි මහග්ඝානි, වෙදිකාය ඉදං ඵලං.
Sayanāni mahagghāni, vedikāya idaṃ phalaṃ.
65.
65.
‘‘සතසහස්සිතො කප්පෙ, යං වෙදිකමකාරයිං;
‘‘Satasahassito kappe, yaṃ vedikamakārayiṃ;
දුග්ගතිං නාභිජානාමි, වෙදිකාය ඉදං ඵලං.
Duggatiṃ nābhijānāmi, vedikāya idaṃ phalaṃ.
66.
66.
‘‘කිලෙසා ඣාපිතා මය්හං…පෙ.… විහරාමි අනාසවො.
‘‘Kilesā jhāpitā mayhaṃ…pe… viharāmi anāsavo.
67.
67.
‘‘ස්වාගතං වත මෙ ආසි…පෙ.… කතං බුද්ධස්ස සාසනං.
‘‘Svāgataṃ vata me āsi…pe… kataṃ buddhassa sāsanaṃ.
68.
68.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා වෙදිකාරකො ථෙරො ඉමා ගාථායො
Itthaṃ sudaṃ āyasmā vedikārako thero imā gāthāyo
අභාසිත්ථාති.
Abhāsitthāti.
වෙදිකාරකත්ථෙරස්සාපදානං නවමං.
Vedikārakattherassāpadānaṃ navamaṃ.
Footnotes:
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / අපදාන-අට්ඨකථා • Apadāna-aṭṭhakathā / 1-60. සකිංසම්මජ්ජකත්ථෙරඅපදානාදිවණ්ණනා • 1-60. Sakiṃsammajjakattheraapadānādivaṇṇanā
