| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೫. ವೇದಿಕಾರಕತ್ಥೇರಅಪದಾನಂ
5. Vedikārakattheraapadānaṃ
೧೯.
19.
‘‘ವಿಪಸ್ಸಿನೋ ಭಗವತೋ, ಬೋಧಿಯಾ ಪಾದಪುತ್ತಮೇ।
‘‘Vipassino bhagavato, bodhiyā pādaputtame;
ಪಸನ್ನಚಿತ್ತೋ ಸುಮನೋ, ಕಾರೇಸಿಂ ವೇದಿಕಂ ಅಹಂ॥
Pasannacitto sumano, kāresiṃ vedikaṃ ahaṃ.
೨೦.
20.
‘‘ಏಕನವುತಿತೋ ಕಪ್ಪೇ, ಕಾರೇಸಿಂ ವೇದಿಕಂ ಅಹಂ।
‘‘Ekanavutito kappe, kāresiṃ vedikaṃ ahaṃ;
ದುಗ್ಗತಿಂ ನಾಭಿಜಾನಾಮಿ, ವೇದಿಕಾಯ ಇದಂ ಫಲಂ॥
Duggatiṃ nābhijānāmi, vedikāya idaṃ phalaṃ.
೨೧.
21.
‘‘ಇತೋ ಏಕಾದಸೇ ಕಪ್ಪೇ, ಅಹೋಸಿಂ ಸೂರಿಯಸ್ಸಮೋ।
‘‘Ito ekādase kappe, ahosiṃ sūriyassamo;
ಸತ್ತರತ್ತನಸಮ್ಪನ್ನೋ, ಚಕ್ಕವತ್ತೀ ಮಹಬ್ಬಲೋ॥
Sattarattanasampanno, cakkavattī mahabbalo.
೨೨.
22.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ವೇದಿಕಾರಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā vedikārako thero imā gāthāyo abhāsitthāti.
ವೇದಿಕಾರಕತ್ಥೇರಸ್ಸಾಪದಾನಂ ಪಞ್ಚಮಂ।
Vedikārakattherassāpadānaṃ pañcamaṃ.
