| Library / Tipiṭaka / तिपिटक • Tipiṭaka / अपदानपाळि • Apadānapāḷi |
९. वेदिकारकत्थेरअपदानं
9. Vedikārakattheraapadānaṃ
६१.
61.
‘‘पदुमुत्तरस्स भगवतो, बोधिया पादपुत्तमे।
‘‘Padumuttarassa bhagavato, bodhiyā pādaputtame;
वेदिकं सुकतं कत्वा, सकं चित्तं पसादयिं॥
Vedikaṃ sukataṃ katvā, sakaṃ cittaṃ pasādayiṃ.
६२.
62.
अन्तलिक्खा पवस्सन्ति, वेदिकाय इदं फलं॥
Antalikkhā pavassanti, vedikāya idaṃ phalaṃ.
६३.
63.
‘‘उभतो ब्यूळ्हसङ्गामे, पक्खन्दन्तो भयानके।
‘‘Ubhato byūḷhasaṅgāme, pakkhandanto bhayānake;
भयभेरवं न पस्सामि, वेदिकाय इदं फलं॥
Bhayabheravaṃ na passāmi, vedikāya idaṃ phalaṃ.
६४.
64.
‘‘मम सङ्कप्पमञ्ञाय, ब्यम्हं निब्बत्तते सुभं।
‘‘Mama saṅkappamaññāya, byamhaṃ nibbattate subhaṃ;
सयनानि महग्घानि, वेदिकाय इदं फलं॥
Sayanāni mahagghāni, vedikāya idaṃ phalaṃ.
६५.
65.
‘‘सतसहस्सितो कप्पे, यं वेदिकमकारयिं।
‘‘Satasahassito kappe, yaṃ vedikamakārayiṃ;
दुग्गतिं नाभिजानामि, वेदिकाय इदं फलं॥
Duggatiṃ nābhijānāmi, vedikāya idaṃ phalaṃ.
६६.
66.
‘‘किलेसा झापिता मय्हं…पे॰… विहरामि अनासवो॥
‘‘Kilesā jhāpitā mayhaṃ…pe… viharāmi anāsavo.
६७.
67.
‘‘स्वागतं वत मे आसि…पे॰… कतं बुद्धस्स सासनं॥
‘‘Svāgataṃ vata me āsi…pe… kataṃ buddhassa sāsanaṃ.
६८.
68.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा वेदिकारको थेरो इमा गाथायो
Itthaṃ sudaṃ āyasmā vedikārako thero imā gāthāyo
अभासित्थाति।
Abhāsitthāti.
वेदिकारकत्थेरस्सापदानं नवमं।
Vedikārakattherassāpadānaṃ navamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-६०. सकिंसम्मज्जकत्थेरअपदानादिवण्णना • 1-60. Sakiṃsammajjakattheraapadānādivaṇṇanā
