| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
7. взд̣̇анаабан̃хаасуд̇д̇ам̣
7. Vedanāpañhāsuttaṃ
320. ‘‘‘взд̣̇анаа, взд̣̇анаа’д̇и, аавусо саарибуд̇д̇а, вужжад̇и. гад̇амаа ну ко, аавусо, взд̣̇анаа’’д̇и? ‘‘д̇иссо имаавусо, взд̣̇анаа. гад̇амаа д̇иссо? сукаа взд̣̇анаа, д̣̇угкаа взд̣̇анаа, ад̣̇угкамасукаа взд̣̇анаа – имаа ко, аавусо, д̇иссо взд̣̇анаа’’д̇и. ‘‘ад̇т̇и банаавусо, маг̇г̇о ад̇т̇и бадибад̣̇аа, зд̇аасам̣ д̇иссаннам̣ взд̣̇анаанам̣ барин̃н̃ааяаа’’д̇и? ‘‘ад̇т̇и ко, аавусо, маг̇г̇о ад̇т̇и бадибад̣̇аа, зд̇аасам̣ д̇иссаннам̣ взд̣̇анаанам̣ барин̃н̃ааяаа’’д̇и. ‘‘гад̇амо банаавусо, маг̇г̇о гад̇амаа бадибад̣̇аа, зд̇аасам̣ д̇иссаннам̣ взд̣̇анаанам̣ барин̃н̃ааяаа’’д̇и? ‘‘аяамзва ко, аавусо, арияо адтан̇г̇иго маг̇г̇о, зд̇аасам̣ д̇иссаннам̣ взд̣̇анаанам̣ барин̃н̃ааяа, сзяяат̇ид̣̇ам̣ – саммаад̣̇идти саммаасан̇габбо саммааваажаа саммаагамманд̇о саммааааж̇ийво саммаавааяаамо саммаасад̇и саммаасамаад̇хи. аяам̣ ко, аавусо, маг̇г̇о аяам̣ бадибад̣̇аа, зд̇аасам̣ д̇иссаннам̣ взд̣̇анаанам̣ барин̃н̃ааяаа’’д̇и. ‘‘бхад̣̇д̣̇аго, аавусо, маг̇г̇о бхад̣̇д̣̇игаа бадибад̣̇аа, зд̇аасам̣ д̇иссаннам̣ взд̣̇анаанам̣ барин̃н̃ааяа. алан̃жа банаавусо саарибуд̇д̇а, аббамаад̣̇ааяаа’’д̇и. сад̇д̇амам̣.
320. ‘‘‘Vedanā, vedanā’ti, āvuso sāriputta, vuccati. Katamā nu kho, āvuso, vedanā’’ti? ‘‘Tisso imāvuso, vedanā. Katamā tisso? Sukhā vedanā, dukkhā vedanā, adukkhamasukhā vedanā – imā kho, āvuso, tisso vedanā’’ti. ‘‘Atthi panāvuso, maggo atthi paṭipadā, etāsaṃ tissannaṃ vedanānaṃ pariññāyā’’ti? ‘‘Atthi kho, āvuso, maggo atthi paṭipadā, etāsaṃ tissannaṃ vedanānaṃ pariññāyā’’ti. ‘‘Katamo panāvuso, maggo katamā paṭipadā, etāsaṃ tissannaṃ vedanānaṃ pariññāyā’’ti? ‘‘Ayameva kho, āvuso, ariyo aṭṭhaṅgiko maggo, etāsaṃ tissannaṃ vedanānaṃ pariññāya, seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi. Ayaṃ kho, āvuso, maggo ayaṃ paṭipadā, etāsaṃ tissannaṃ vedanānaṃ pariññāyā’’ti. ‘‘Bhaddako, āvuso, maggo bhaddikā paṭipadā, etāsaṃ tissannaṃ vedanānaṃ pariññāya. Alañca panāvuso sāriputta, appamādāyā’’ti. Sattamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3-15. д̇хаммаваад̣̇ийбан̃хаасуд̇д̇аад̣̇иван̣н̣анаа • 3-15. Dhammavādīpañhāsuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3-15. д̇хаммаваад̣̇ийбан̃хасуд̇д̇аад̣̇иван̣н̣анаа • 3-15. Dhammavādīpañhasuttādivaṇṇanā
