| Library / Tipiṭaka / തിപിടക • Tipiṭaka / വജിരബുദ്ധി-ടീകാ • Vajirabuddhi-ṭīkā |
വത്തുകാമവാരകഥാവണ്ണനാ
Vattukāmavārakathāvaṇṇanā
വിഞ്ഞത്തിപഥേതി വിജാനനട്ഠാനേ, തേന ‘‘വിഞ്ഞത്തിപഥമതിക്കമിത്വാ ഠിതോ ഭിക്ഖു ദിബ്ബായ സോതധാതുയാ സുത്വാ ജാനാതി, ന പാരാജികന്തി ദീപേതീ’’തി വുത്തം. ഝാനം കിര സമാപജ്ജിന്തി ഏത്ഥ സോ ചേ ‘‘ഏസ ഭിക്ഖു അത്തനോ ഗുണദീപനാധിപ്പായേന ഏവം വദതീ’’തി ജാനാതി, പാരാജികമേവ. അഞ്ഞഥാ ജാനാതീതി ചേ? പാരാജികച്ഛായാ ന ദിസ്സതീതി ആചരിയോ.
Viññattipatheti vijānanaṭṭhāne, tena ‘‘viññattipathamatikkamitvā ṭhito bhikkhu dibbāya sotadhātuyā sutvā jānāti, na pārājikanti dīpetī’’ti vuttaṃ. Jhānaṃ kira samāpajjinti ettha so ce ‘‘esa bhikkhu attano guṇadīpanādhippāyena evaṃ vadatī’’ti jānāti, pārājikameva. Aññathā jānātīti ce? Pārājikacchāyā na dissatīti ācariyo.
വത്തുകാമവാരകഥാവണ്ണനാ നിട്ഠിതാ.
Vattukāmavārakathāvaṇṇanā niṭṭhitā.
