| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੧੪੩. વਤ੍ਥੁਟ੍ਠਪਨਾਦਿਕਥਾ
143. Vatthuṭṭhapanādikathā
੨੩੯. ਚੋਰਾ ਅਗਮਂਸੁ ਕਿਰਾਤਿ ਸਮ੍ਬਨ੍ਧੋ। ਪੋਕ੍ਖਰਣਿਤੋ ਨੀਹਰਿਤ੍વਾਤਿ ਸਮ੍ਬਨ੍ਧੋ। ਸੋਤਿ ਭਿਕ੍ਖੁ, ਏવਮਾਹਾਤਿ ਸਮ੍ਬਨ੍ਧੋ। વੁਤ੍ਥੇਨਾਤਿ વਸਨ੍ਤੇਨ, ਯੇਨ ਕੇਨਚਿ ਕਤਨ੍ਤਿ ਸਮ੍ਬਨ੍ਧੋ। ਤਂ ਪੁਗ੍ਗਲਨ੍ਤਿ વਤ੍ਥੁਕਤਂ ਤਂ ਪੁਗ੍ਗਲਂ। ਏਤ੍ਥਾਤਿ ‘‘વਤ੍ਥੁਂ ਠਪੇਤ੍વਾ ਸਙ੍ਘੋ ਪવਾਰੇਯ੍ਯਾ’’ਤਿ ਪਾਠੇ । ਇਮਿਨਾ વਤ੍ਥੁਨਾ ਅਪਦਿਸਾਹੀਤਿ ਸਮ੍ਬਨ੍ਧੋ। ਨਨ੍ਤਿ ਪੁਗ੍ਗਲਂ। ਅਨੁવਿਜ੍ਜਿਤ੍વਾਤਿ ਅਨੁਯੁਞ੍ਜਿਤ੍વਾ, ਪੁਚ੍ਛਿਤ੍વਾਤਿ ਅਤ੍ਥੋ।
239. Corā agamaṃsu kirāti sambandho. Pokkharaṇito nīharitvāti sambandho. Soti bhikkhu, evamāhāti sambandho. Vutthenāti vasantena, yena kenaci katanti sambandho. Taṃ puggalanti vatthukataṃ taṃ puggalaṃ. Etthāti ‘‘vatthuṃ ṭhapetvā saṅgho pavāreyyā’’ti pāṭhe . Iminā vatthunā apadisāhīti sambandho. Nanti puggalaṃ. Anuvijjitvāti anuyuñjitvā, pucchitvāti attho.
ਏਕੋ ਭਿਕ੍ਖੁ ਪੂਜੇਸਿ, ਪਿવੀਤਿ ਸਮ੍ਬਨ੍ਧੋ। ਤਸ੍ਸਾਤਿ ਭਿਕ੍ਖੁਸ੍ਸ। ਤਦਨੁਰੂਪੋਤਿ ਤੇਸਂ ਪੂਜਨਪਿવਨਾਨਂ ਅਨੁਰੂਪੋ। ਸੋਤਿ ਚੋਦਕੋ ਭਿਕ੍ਖੁ। ਤਂ ਗਨ੍ਧਨ੍ਤਿ ਤਂ ਸਰੀਰਗਨ੍ਧਂ। ਯਂ ਪੁਗ੍ਗਲਨ੍ਤਿ ਯੋਜਨਾ। ਠਪੇਸੀਤਿ ਪવਾਰਣਾਯ ਠਪੇਸਿ। ਅਯਮਸ੍ਸਾਤਿ ਅਯਂ ਦੋਸੋ ਅਸ੍ਸ ਪੁਗ੍ਗਲਸ੍ਸ।
Eko bhikkhu pūjesi, pivīti sambandho. Tassāti bhikkhussa. Tadanurūpoti tesaṃ pūjanapivanānaṃ anurūpo. Soti codako bhikkhu. Taṃ gandhanti taṃ sarīragandhaṃ. Yaṃ puggalanti yojanā. Ṭhapesīti pavāraṇāya ṭhapesi. Ayamassāti ayaṃ doso assa puggalassa.
ਇਦਾਨੇવ ਨਨ੍ਤਿ ਏਤ੍ਥ ‘‘ਨ’’ਨ੍ਤਿ ਪਦਂ ‘‘ਪੁਗ੍ਗਲ’’ਨ੍ਤਿ ਪਦੇਨ ਯੋਜੇਤਬ੍ਬਂ। ਨਂ ਪੁਗ੍ਗਲਨ੍ਤਿ ਹਿ ਅਤ੍ਥੋ। ਉਭਯਨ੍ਤਿ વਤ੍ਥੁਞ੍ਚ ਪੁਗ੍ਗਲਞ੍ਚਾਤਿ ਉਭਯਂ। ਕਲ੍ਲਂ વਚਨਾਯਾਤਿ ਯੁਤ੍ਤਂ ਕਥੇਤੁਂ। ਕਸ੍ਮਾ ਕਲ੍ਲਂ વਚਨਾਯਾਤਿ ਯੋਜਨਾ। ਪવਾਰਣਤੋ ਪੁਬ੍ਬੇ, ਪਚ੍ਛਾ ਚਾਤਿ ਸਮ੍ਬਨ੍ਧੋ। ਇਤਿ ਤਸ੍ਮਾ ਕਲ੍ਲਂ વਚਨਾਯਾਤਿ ਯੋਜਨਾ। ਇਦਞ੍ਹਿ ਉਭਯਨ੍ਤਿ વਤ੍ਥੁਪੁਗ੍ਗਲਸਙ੍ਖਾਤਂ ਇਦਮੇવ ਉਭਯਂ। ਪવਾਰਣਾਯ ਪੁਬ੍ਬੇਤਿ ਯੋਜਨਾ। ਉਕ੍ਕੋਟੇਨ੍ਤਸ੍ਸਾਤਿ ਚਾਲੇਨ੍ਤਸ੍ਸ।
Idāneva nanti ettha ‘‘na’’nti padaṃ ‘‘puggala’’nti padena yojetabbaṃ. Naṃ puggalanti hi attho. Ubhayanti vatthuñca puggalañcāti ubhayaṃ. Kallaṃ vacanāyāti yuttaṃ kathetuṃ. Kasmā kallaṃ vacanāyāti yojanā. Pavāraṇato pubbe, pacchā cāti sambandho. Iti tasmā kallaṃ vacanāyāti yojanā. Idañhi ubhayanti vatthupuggalasaṅkhātaṃ idameva ubhayaṃ. Pavāraṇāya pubbeti yojanā. Ukkoṭentassāti cālentassa.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੪੩. વਤ੍ਥੁਠਪਨਾਦਿ • 143. Vatthuṭhapanādi
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / વਤ੍ਥੁਠਪਨਾਦਿਕਥਾ • Vatthuṭhapanādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅਨਾਪਤ੍ਤਿਪਨ੍ਨਰਸਕਾਦਿਕਥਾવਣ੍ਣਨਾ • Anāpattipannarasakādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਫਾਸੁવਿਹਾਰਕਥਾਦਿવਣ੍ਣਨਾ • Aphāsuvihārakathādivaṇṇanā
