| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੪. વਤ੍ਥਸੁਤ੍ਤવਣ੍ਣਨਾ
4. Vatthasuttavaṇṇanā
੧੮੫. ਚਤੁਤ੍ਥੇ ਸਤਿਸਮ੍ਬੋਜ੍ਝਙ੍ਗੋ ਇਤਿ ਚੇ ਮੇ ਹੋਤੀਤਿ ਸਤਿਸਮ੍ਬੋਜ੍ਝਙ੍ਗੋਤਿ ਏવਂ ਚੇ ਮਯ੍ਹਂ ਹੋਤਿ। ਅਪ੍ਪਮਾਣੋਤਿ ਮੇ ਹੋਤੀਤਿ ਅਪ੍ਪਮਾਣੋਤਿ ਏવਂ ਮੇ ਹੋਤਿ। ਸੁਸਮਾਰਦ੍ਧੋਤਿ ਸੁਪਰਿਪੁਣ੍ਣੋ। ਤਿਟ੍ਠਤੀਤਿ ਏਤ੍ਥ ਅਟ੍ਠਹਾਕਾਰੇਹਿ ਸਤਿਸਮ੍ਬੋਜ੍ਝਙ੍ਗੋ ਤਿਟ੍ਠਤਿ – ਉਪ੍ਪਾਦਂ ਅਨਾવਜ੍ਜਿਤਤ੍ਤਾ ਅਨੁਪ੍ਪਾਦਂ ਆવਜ੍ਜਿਤਤ੍ਤਾ ਸਤਿਸਮ੍ਬੋਜ੍ਝਙ੍ਗੋ ਤਿਟ੍ਠਤਿ, ਪવਤ੍ਤਂ, ਅਪ੍ਪવਤ੍ਤਂ, ਨਿਮਿਤ੍ਤਂ, ਅਨਿਮਿਤ੍ਤਂ ਸਙ੍ਖਾਰੇ ਅਨਾવਜ੍ਜਿਤਤ੍ਤਾ, વਿਸਙ੍ਖਾਰਂ ਆવਜ੍ਜਿਤਤ੍ਤਾ ਸਤਿਸਮ੍ਬੋਜ੍ਝਙ੍ਗੋ ਤਿਟ੍ਠਤੀਤਿ। ਇਮੇਹਿ ਅਟ੍ਠਹਾਕਾਰੇਹਿ ਤਿਟ੍ਠਤੀਤਿ ਥੇਰੋ ਜਾਨਾਤਿ, વੁਤ੍ਤਾਕਾਰવਿਪਰੀਤੇਹੇવ ਅਟ੍ਠਹਾਕਾਰੇਹਿ ਚવਨ੍ਤਂ ਚવਤੀਤਿ ਪਜਾਨਾਤਿ। ਸੇਸਬੋਜ੍ਝਙ੍ਗੇਸੁਪਿ ਏਸੇવ ਨਯੋ।
185. Catutthe satisambojjhaṅgo iti ce me hotīti satisambojjhaṅgoti evaṃ ce mayhaṃ hoti. Appamāṇoti me hotīti appamāṇoti evaṃ me hoti. Susamāraddhoti suparipuṇṇo. Tiṭṭhatīti ettha aṭṭhahākārehi satisambojjhaṅgo tiṭṭhati – uppādaṃ anāvajjitattā anuppādaṃ āvajjitattā satisambojjhaṅgo tiṭṭhati, pavattaṃ, appavattaṃ, nimittaṃ, animittaṃ saṅkhāre anāvajjitattā, visaṅkhāraṃ āvajjitattā satisambojjhaṅgo tiṭṭhatīti. Imehi aṭṭhahākārehi tiṭṭhatīti thero jānāti, vuttākāraviparīteheva aṭṭhahākārehi cavantaṃ cavatīti pajānāti. Sesabojjhaṅgesupi eseva nayo.
ਇਤਿ ਇਮਸ੍ਮਿਂ ਸੁਤ੍ਤੇ ਥੇਰਸ੍ਸ ਫਲਬੋਜ੍ਝਙ੍ਗਾ ਕਥਿਤਾ। ਯਦਾ ਹਿ ਥੇਰੋ ਸਤਿਸਮ੍ਬੋਜ੍ਝਙ੍ਗਂ ਸੀਸਂ ਕਤ੍વਾ ਫਲਸਮਾਪਤ੍ਤਿਂ ਸਮਾਪਜ੍ਜਤਿ, ਤਦਾ ਇਤਰੇ ਛ ਤਦਨ੍વਯਾ ਹੋਨ੍ਤਿ। ਯਦਾ ਧਮ੍ਮવਿਚਯਾਦੀਸੁ ਅਞ੍ਞਤਰਂ, ਤਦਾਪਿ ਸੇਸਾ ਤਦਨ੍વਯਾ ਹੋਨ੍ਤੀਤਿ ਏવਂ ਫਲਸਮਾਪਤ੍ਤਿਯਂ ਅਤ੍ਤਨੋ ਚਿਣ੍ਣવਸਿਤਂ ਦਸ੍ਸੇਨ੍ਤੋ ਥੇਰੋ ਇਮਂ ਸੁਤ੍ਤਂ ਕਥੇਸੀਤਿ।
Iti imasmiṃ sutte therassa phalabojjhaṅgā kathitā. Yadā hi thero satisambojjhaṅgaṃ sīsaṃ katvā phalasamāpattiṃ samāpajjati, tadā itare cha tadanvayā honti. Yadā dhammavicayādīsu aññataraṃ, tadāpi sesā tadanvayā hontīti evaṃ phalasamāpattiyaṃ attano ciṇṇavasitaṃ dassento thero imaṃ suttaṃ kathesīti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. વਤ੍ਥਸੁਤ੍ਤਂ • 4. Vatthasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੪. વਤ੍ਥਸੁਤ੍ਤવਣ੍ਣਨਾ • 4. Vatthasuttavaṇṇanā
