| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4. вад̇т̇асуд̇д̇аван̣н̣анаа
4. Vatthasuttavaṇṇanā
185. жад̇уд̇т̇з сад̇исамб̣ож̇жхан̇г̇о ид̇и жз мз ход̇ийд̇и сад̇исамб̣ож̇жхан̇г̇од̇и звам̣ жз маяхам̣ ход̇и. аббамаан̣од̇и мз ход̇ийд̇и аббамаан̣од̇и звам̣ мз ход̇и. сусамаарад̣̇д̇ход̇и субарибун̣н̣о. д̇идтад̇ийд̇и зд̇т̇а адтахаагаарзхи сад̇исамб̣ож̇жхан̇г̇о д̇идтад̇и – уббаад̣̇ам̣ анааваж̇ж̇ид̇ад̇д̇аа ануббаад̣̇ам̣ ааваж̇ж̇ид̇ад̇д̇аа сад̇исамб̣ож̇жхан̇г̇о д̇идтад̇и, бавад̇д̇ам̣, аббавад̇д̇ам̣, нимид̇д̇ам̣, анимид̇д̇ам̣ сан̇каарз анааваж̇ж̇ид̇ад̇д̇аа, висан̇каарам̣ ааваж̇ж̇ид̇ад̇д̇аа сад̇исамб̣ож̇жхан̇г̇о д̇идтад̇ийд̇и. имзхи адтахаагаарзхи д̇идтад̇ийд̇и т̇зро ж̇аанаад̇и, вуд̇д̇аагааравибарийд̇зхзва адтахаагаарзхи жаванд̇ам̣ жавад̇ийд̇и баж̇аанаад̇и. сзсаб̣ож̇жхан̇г̇зсуби зсзва наяо.
185. Catutthe satisambojjhaṅgo iti ce me hotīti satisambojjhaṅgoti evaṃ ce mayhaṃ hoti. Appamāṇoti me hotīti appamāṇoti evaṃ me hoti. Susamāraddhoti suparipuṇṇo. Tiṭṭhatīti ettha aṭṭhahākārehi satisambojjhaṅgo tiṭṭhati – uppādaṃ anāvajjitattā anuppādaṃ āvajjitattā satisambojjhaṅgo tiṭṭhati, pavattaṃ, appavattaṃ, nimittaṃ, animittaṃ saṅkhāre anāvajjitattā, visaṅkhāraṃ āvajjitattā satisambojjhaṅgo tiṭṭhatīti. Imehi aṭṭhahākārehi tiṭṭhatīti thero jānāti, vuttākāraviparīteheva aṭṭhahākārehi cavantaṃ cavatīti pajānāti. Sesabojjhaṅgesupi eseva nayo.
ид̇и имасмим̣ суд̇д̇з т̇зрасса палаб̣ож̇жхан̇г̇аа гат̇ид̇аа. яад̣̇аа хи т̇зро сад̇исамб̣ож̇жхан̇г̇ам̣ сийсам̣ гад̇ваа паласамаабад̇д̇им̣ самаабаж̇ж̇ад̇и, д̇ад̣̇аа ид̇арз ча д̇ад̣̇анваяаа хонд̇и. яад̣̇аа д̇хаммавижаяаад̣̇ийсу ан̃н̃ад̇арам̣, д̇ад̣̇ааби сзсаа д̇ад̣̇анваяаа хонд̇ийд̇и звам̣ паласамаабад̇д̇ияам̣ ад̇д̇ано жин̣н̣авасид̇ам̣ д̣̇ассзнд̇о т̇зро имам̣ суд̇д̇ам̣ гат̇зсийд̇и.
Iti imasmiṃ sutte therassa phalabojjhaṅgā kathitā. Yadā hi thero satisambojjhaṅgaṃ sīsaṃ katvā phalasamāpattiṃ samāpajjati, tadā itare cha tadanvayā honti. Yadā dhammavicayādīsu aññataraṃ, tadāpi sesā tadanvayā hontīti evaṃ phalasamāpattiyaṃ attano ciṇṇavasitaṃ dassento thero imaṃ suttaṃ kathesīti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. вад̇т̇асуд̇д̇ам̣ • 4. Vatthasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. вад̇т̇асуд̇д̇аван̣н̣анаа • 4. Vatthasuttavaṇṇanā
