| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೭. ವತ್ಥದಾಯಕತ್ಥೇರಅಪದಾನಂ
7. Vatthadāyakattheraapadānaṃ
೪೫.
45.
‘‘ಪಕ್ಖಿಜಾತೋ ತದಾ ಆಸಿಂ, ಸುಪಣ್ಣೋ ಗರುಳಾಧಿಪೋ।
‘‘Pakkhijāto tadā āsiṃ, supaṇṇo garuḷādhipo;
ಅದ್ದಸಂ ವಿರಜಂ ಬುದ್ಧಂ, ಗಚ್ಛನ್ತಂ ಗನ್ಧಮಾದನಂ॥
Addasaṃ virajaṃ buddhaṃ, gacchantaṃ gandhamādanaṃ.
೪೬.
46.
‘‘ಜಹಿತ್ವಾ ಗರುಳವಣ್ಣಂ, ಮಾಣವಕಂ ಅಧಾರಯಿಂ।
‘‘Jahitvā garuḷavaṇṇaṃ, māṇavakaṃ adhārayiṃ;
ಏಕಂ ವತ್ಥಂ ಮಯಾ ದಿನ್ನಂ, ದ್ವಿಪದಿನ್ದಸ್ಸ ತಾದಿನೋ॥
Ekaṃ vatthaṃ mayā dinnaṃ, dvipadindassa tādino.
೪೭.
47.
‘‘ತಞ್ಚ ದುಸ್ಸಂ ಪಟಿಗ್ಗಯ್ಹ, ಬುದ್ಧೋ ಲೋಕಗ್ಗನಾಯಕೋ।
‘‘Tañca dussaṃ paṭiggayha, buddho lokagganāyako;
ಅನ್ತಲಿಕ್ಖೇ ಠಿತೋ ಸತ್ಥಾ, ಇಮಾ ಗಾಥಾ ಅಭಾಸಥ॥
Antalikkhe ṭhito satthā, imā gāthā abhāsatha.
೪೮.
48.
‘‘‘ಇಮಿನಾ ವತ್ಥದಾನೇನ, ಚಿತ್ತಸ್ಸ ಪಣಿಧೀಹಿ ಚ।
‘‘‘Iminā vatthadānena, cittassa paṇidhīhi ca;
ಪಹಾಯ ಗರುಳಂ ಯೋನಿಂ, ದೇವಲೋಕೇ ರಮಿಸ್ಸತಿ’॥
Pahāya garuḷaṃ yoniṃ, devaloke ramissati’.
೪೯.
49.
‘‘ಅತ್ಥದಸ್ಸೀ ತು ಭಗವಾ, ಲೋಕಜೇಟ್ಠೋ ನರಾಸಭೋ।
‘‘Atthadassī tu bhagavā, lokajeṭṭho narāsabho;
ವತ್ಥದಾನಂ ಪಸಂಸಿತ್ವಾ, ಪಕ್ಕಾಮಿ ಉತ್ತರಾಮುಖೋ॥
Vatthadānaṃ pasaṃsitvā, pakkāmi uttarāmukho.
೫೦.
50.
‘‘ಭವೇ ನಿಬ್ಬತ್ತಮಾನಮ್ಹಿ, ಹೋನ್ತಿ ಮೇ ವತ್ಥಸಮ್ಪದಾ।
‘‘Bhave nibbattamānamhi, honti me vatthasampadā;
ಆಕಾಸೇ ಛದನಂ ಹೋತಿ, ವತ್ಥದಾನಸ್ಸಿದಂ ಫಲಂ॥
Ākāse chadanaṃ hoti, vatthadānassidaṃ phalaṃ.
೫೧.
51.
ಛತ್ತಿಂಸತಿಮ್ಹಿ ಆಸಿಂಸು, ಕಪ್ಪಮ್ಹಿ ಮನುಜಾಧಿಪಾ॥
Chattiṃsatimhi āsiṃsu, kappamhi manujādhipā.
೫೨.
52.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ವತ್ಥದಾಯಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā vatthadāyako thero imā gāthāyo abhāsitthāti.
ವತ್ಥದಾಯಕತ್ಥೇರಸ್ಸಾಪದಾನಂ ಸತ್ತಮಂ।
Vatthadāyakattherassāpadānaṃ sattamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೭. ವತ್ಥದಾಯಕತ್ಥೇರಅಪದಾನವಣ್ಣನಾ • 7. Vatthadāyakattheraapadānavaṇṇanā
