| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
6. вад̇д̇аад̣̇иган̣д̣анид̣̇д̣̇зсо
6. Vattādikaṇḍaniddeso
96.
96.
убаж̇жхаажарияавад̇д̇ан̃жа, г̇амигааг̇анд̇угамби жа;
Upajjhācariyavattañca, gamikāgantukampi ca;
сзнаасанаад̣̇ивад̇д̇ан̃жа, гаад̇аб̣б̣ам̣ бияасийлинаа.
Senāsanādivattañca, kātabbaṃ piyasīlinā.
97.
97.
хад̇т̇абаасз тид̇о гин̃жи, г̇ахид̇аб̣б̣ам̣ д̣̇ад̣̇з д̇ид̇хаа;
Hatthapāse ṭhito kiñci, gahitabbaṃ dade tidhā;
г̇ахзд̇угаамо г̇ан̣хзяяа, д̣̇вид̇хааяам̣ самбадиг̇г̇ахо.
Gahetukāmo gaṇheyya, dvidhāyaṃ sampaṭiggaho.
98.
98.
сан̇гхаадимуд̇д̇араасан̇г̇ам̣, д̇ат̇аа анд̇араваасагам̣;
Saṅghāṭimuttarāsaṅgaṃ, tathā antaravāsakaṃ;
‘‘зд̇ам̣ имам̣ ад̇хидтаами’’, д̇ат̇аа ‘‘бажжуд̣̇д̇хараами’’д̇и.
‘‘Etaṃ imaṃ adhiṭṭhāmi’’, tathā ‘‘paccuddharāmi’’ti.
99.
99.
‘‘имам̣ имаани зд̇аани, зд̇амби жийвара’’нд̇и ваа;
‘‘Imaṃ imāni etāni, etampi cīvara’’nti vā;
‘‘баригкааражол̣ааний’’д̇и, д̇ат̇аа ‘‘бажжуд̣̇д̇хараами’’д̇и.
‘‘Parikkhāracoḷānī’’ti, tathā ‘‘paccuddharāmi’’ti.
100.
100.
‘‘зд̇ам̣ имам̣ ад̇хидтаами, бад̇д̇ам̣ бажжуд̣̇д̇хараами’’д̇и;
‘‘Etaṃ imaṃ adhiṭṭhāmi, pattaṃ paccuddharāmi’’ti;
звам̣ бажжуд̣̇д̇харзд̇хидтз, жийвараад̣̇им̣ яат̇аавид̇хи.
Evaṃ paccuddharedhiṭṭhe, cīvarādiṃ yathāvidhi.
101.
101.
сан̃жарид̇д̇ам̣ винаа сзсаа, сажид̇д̇аа г̇аруганд̇имаа;
Sañcarittaṃ vinā sesā, sacittā garukantimā;
ажчиннам̣ барин̣ад̇ам̣ хид̇ваа, ниссаг̇г̇ияамажид̇д̇агам̣.
Acchinnaṃ pariṇataṃ hitvā, nissaggiyamacittakaṃ.
102.
102.
бад̣̇асод̇хаммам̣ д̣̇увз сзяяаа, ид̇т̇ияаа д̇хаммад̣̇зсанаа;
Padasodhammaṃ duve seyyā, itthiyā dhammadesanā;
д̣̇увз сзнаасанаанийби, сиб̣б̣анам̣ жийварассаби.
Duve senāsanānīpi, sibbanaṃ cīvarassapi.
103.
103.
баваарид̇ам̣ сураабаанам̣, бан̃жасаннид̇хиаад̣̇игам̣;
Pavāritaṃ surāpānaṃ, pañcasannidhiādikaṃ;
ж̇од̇инуж̇ж̇ааланан̃жзва, габбаб̣инд̣̇уманаад̣̇игам̣;
Jotinujjālanañceva, kappabindumanādikaṃ;
г̇аамаббавзсананд̇зд̇з, баажид̇д̇ийсу ажид̇д̇агаа.
Gāmappavesanantete, pācittīsu acittakā.
104.
104.
багин̣н̣агзсу уд̣̇д̣̇исса-гад̇ам̣ хид̇ваан̃н̃амам̣сагам̣;
Pakiṇṇakesu uddissa-kataṃ hitvāññamaṃsakaṃ;
згад̇т̇аран̣абаавуран̣ам̣, згаман̃жз д̇увадданам̣;
Ekattharaṇapāvuraṇaṃ, ekamañce tuvaṭṭanaṃ;
згад̇о бхун̃ж̇анан̃жааби, нажжаг̇ийд̇аад̣̇исад̇д̇аби.
Ekato bhuñjanañcāpi, naccagītādisattapi.
105.
105.
агааяаб̣анд̇ханан̃жааби , бад̇д̇ахад̇т̇агаваадагам̣;
Akāyabandhanañcāpi , pattahatthakavāṭakaṃ;
ажид̇д̇агамид̣̇ам̣ саб̣б̣ам̣, сзсамзд̇т̇а сажид̇д̇агам̣.
Acittakamidaṃ sabbaṃ, sesamettha sacittakaṃ.
106.
106.
вийд̇иггаманажид̇д̇зна, сажид̇д̇агамажид̇д̇агам̣;
Vītikkamanacittena, sacittakamacittakaṃ;
бан̃н̃ад̇д̇иж̇аананзнааби, вад̣̇анд̇аажарияаа д̇ат̇аа.
Paññattijānanenāpi, vadantācariyā tathā.
107.
107.
буб̣б̣агаран̣аад̣̇игам̣ гад̇ваа, убосат̇аббавааран̣ам̣;
Pubbakaraṇādikaṃ katvā, uposathappavāraṇaṃ;
навад̇хаа д̣̇ийбид̇ам̣ саб̣б̣ам̣, гаад̇аб̣б̣ам̣ бияасийлинаа.
Navadhā dīpitaṃ sabbaṃ, kātabbaṃ piyasīlinā.
108.
108.
саммаж̇ж̇аний бад̣̇ийбо жа, уд̣̇агам̣ аасанзна жа;
Sammajjanī padīpo ca, udakaṃ āsanena ca;
убосат̇асса зд̇аани, буб̣б̣агаран̣анд̇и вужжад̇и.
Uposathassa etāni, pubbakaraṇanti vuccati.
109.
109.
чанд̣̇абаарисуд̣̇д̇хиуд̇угкаанам̣ , бхигкуг̇ан̣анаа жа оваад̣̇о;
Chandapārisuddhiutukkhānaṃ , bhikkhugaṇanā ca ovādo;
убосат̇асса зд̇аани, буб̣б̣агижжанд̇и вужжад̇и.
Uposathassa etāni, pubbakiccanti vuccati.
110.
110.
убосат̇о яаавад̇игаа жа бхигкуу гаммаббад̇д̇аа,
Uposatho yāvatikā ca bhikkhū kammappattā,
сабхааг̇аабад̇д̇ияо жа на виж̇ж̇анд̇и;
Sabhāgāpattiyo ca na vijjanti;
важ̇ж̇анийяаа жа буг̇г̇алаа д̇асмим̣ на хонд̇и,
Vajjanīyā ca puggalā tasmiṃ na honti,
бад̇д̇агалланд̇и вужжад̇и.
Pattakallanti vuccati.
111. буб̣б̣агаран̣абуб̣б̣агижжаани самаабзд̇ваа д̣̇зсид̇аабад̇д̇игасса самаг̇г̇асса бхигкусан̇гхасса анумад̇ияаа баад̇имогкам̣ уд̣̇д̣̇исид̇ум̣ аараад̇ханам̣ гарома.
111. Pubbakaraṇapubbakiccāni samāpetvā desitāpattikassa samaggassa bhikkhusaṅghassa anumatiyā pātimokkhaṃ uddisituṃ ārādhanaṃ karoma.
112.
112.
баарисуд̣̇д̇хиад̇хидтаана-суд̇д̇уд̣̇д̣̇зсавасаа д̇ид̇хаа;
Pārisuddhiadhiṭṭhāna-suttuddesavasā tidhā;
г̇ан̣абуг̇г̇аласан̇гхаа жа, д̇ам̣ гарзяяум̣ яат̇ааггамам̣.
Gaṇapuggalasaṅghā ca, taṃ kareyyuṃ yathākkamaṃ.
113.
113.
жаад̇уд̣̇д̣̇асо баннарасо, саамаг̇г̇ий д̣̇инад̇о д̇ид̇хаа;
Cātuddaso pannaraso, sāmaggī dinato tidhā;
д̣̇инабуг̇г̇алагад̇д̇аб̣б̣аа-гаарад̇о д̇з навзрид̇аа.
Dinapuggalakattabbā-kārato te naveritā.
114.
114.
д̇аяо д̇аяод̇и гад̇ваана, д̣̇инабуг̇г̇алабхзд̣̇ад̇о;
Tayo tayoti katvāna, dinapuggalabhedato;
д̇зваажийд̣̇взгаваажийд̇и, нава вуд̇д̇аа бавааран̣аа.
Tevācīdvekavācīti, nava vuttā pavāraṇā.
115.
115.
гад̇д̇иганд̇имабагкамхаа, хзмам̣ паг̇г̇унабун̣н̣амаа;
Kattikantimapakkhamhā, hemaṃ phaggunapuṇṇamā;
д̇асса анд̇имабагкамхаа, г̇имхам̣ аасаал̣хибун̣н̣амаа;
Tassa antimapakkhamhā, gimhaṃ āsāḷhipuṇṇamā;
вассагаалам̣ д̇ад̇о сзсам̣, жад̇увийсад̇убосат̇аа.
Vassakālaṃ tato sesaṃ, catuvīsatuposathā.
116.
116.
жаад̇уд̣̇д̣̇асаа ча зд̇зсу, багкаа д̇ад̇ияасад̇д̇амаа;
Cātuddasā cha etesu, pakkhā tatiyasattamā;
н̃зяяаа баннарасаа сзсаа, адтаараса убосат̇аа.
Ñeyyā pannarasā sesā, aṭṭhārasa uposathā.
117. ‘‘чанд̣̇ам̣ д̣̇амми, чанд̣̇ам̣ мз хара, чанд̣̇ам̣ мз аарожзхий’’д̇и чанд̣̇ам̣ д̣̇аад̇аб̣б̣ам̣.
117. ‘‘Chandaṃ dammi, chandaṃ me hara, chandaṃ me ārocehī’’ti chandaṃ dātabbaṃ.
118. ‘‘баарисуд̣̇д̇хим̣ д̣̇амми, баарисуд̣̇д̇хим̣ мз хара, баарисуд̣̇д̇хим̣ мз аарожзхий’’д̇и баарисуд̣̇д̇хи д̣̇аад̇аб̣б̣аа.
118. ‘‘Pārisuddhiṃ dammi, pārisuddhiṃ me hara, pārisuddhiṃ me ārocehī’’ti pārisuddhi dātabbā.
119. ‘‘бавааран̣ам̣ д̣̇амми, бавааран̣ам̣ мз хара, бавааран̣ам̣ мз аарожзхи, мамад̇т̇ааяа баваарзхий’’д̇и бавааран̣аа д̣̇аад̇аб̣б̣аа.
119. ‘‘Pavāraṇaṃ dammi, pavāraṇaṃ me hara, pavāraṇaṃ me ārocehi, mamatthāya pavārehī’’ti pavāraṇā dātabbā.
120. аабад̇д̇ид̣̇зсагзна ‘‘ахам̣, бханд̇з, самб̣ахулаа наанаавад̇т̇угаа аабад̇д̇ияо аабаж̇ж̇им̣, д̇аа д̇умхамуулз бадид̣̇зсзмий’’д̇и вад̇ваа бадиг̇г̇ан̣ханд̇зна ‘‘бассаси, аавусо, д̇аа аабад̇д̇ияо’’д̇и вуд̇д̇з ‘‘аама, бханд̇з, бассаамий’’д̇и вад̇ваа буна бадиг̇г̇ан̣ханд̇зна ‘‘ааяад̇им̣, аавусо, сам̣варзяяаасий’’д̇и вуд̇д̇з ‘‘саад̇ху, судту, бханд̇з сам̣вариссаамий’’д̇и д̇игкад̇д̇ум̣ вад̇ваа д̣̇зсзд̇аб̣б̣ам̣.
120. Āpattidesakena ‘‘ahaṃ, bhante, sambahulā nānāvatthukā āpattiyo āpajjiṃ, tā tumhamūle paṭidesemī’’ti vatvā paṭiggaṇhantena ‘‘passasi, āvuso, tā āpattiyo’’ti vutte ‘‘āma, bhante, passāmī’’ti vatvā puna paṭiggaṇhantena ‘‘āyatiṃ, āvuso, saṃvareyyāsī’’ti vutte ‘‘sādhu, suṭṭhu, bhante saṃvarissāmī’’ti tikkhattuṃ vatvā desetabbaṃ.
121. взмад̇им̣ аарожзнд̇зна ‘‘ахам̣, бханд̇з, самб̣ахулаасу наанаавад̇т̇угаасу аабад̇д̇ийсу взмад̇иго, яад̣̇аа ниб̣б̣змад̇иго бхависсаами, д̇ад̣̇аа д̇аа аабад̇д̇ияо бадигариссаамий’’д̇и д̇игкад̇д̇ум̣ вад̇ваа аарожзд̇аб̣б̣ам̣.
121. Vematiṃ ārocentena ‘‘ahaṃ, bhante, sambahulāsu nānāvatthukāsu āpattīsu vematiko, yadā nibbematiko bhavissāmi, tadā tā āpattiyo paṭikarissāmī’’ti tikkhattuṃ vatvā ārocetabbaṃ.
122. ‘‘аж̇ж̇а мз убосат̇о ‘баннарасо, жаад̇уд̣̇д̣̇асо’д̇и ваа ад̇хидтаамий’’д̇и д̇игкад̇д̇ум̣ вад̇ваа буг̇г̇алзна ад̇хидтаанубосат̇о гаад̇аб̣б̣о.
122. ‘‘Ajja me uposatho ‘pannaraso, cātuddaso’ti vā adhiṭṭhāmī’’ti tikkhattuṃ vatvā puggalena adhiṭṭhānuposatho kātabbo.
123. д̣̇вийсу бана т̇зрзна ‘‘барисуд̣̇д̇хо ахам̣ аавусо, ‘барисуд̣̇д̇хо’д̇и мам̣ д̇хаарзхий’’д̇и д̇игкад̇д̇ум̣ вад̇д̇аб̣б̣ам̣. навагзнаби д̇ат̇зва вад̇д̇аб̣б̣ам̣. ‘‘бханд̇з, д̇хаарзт̇аа’’д̇и важанам̣ висзсо.
123. Dvīsu pana therena ‘‘parisuddho ahaṃ āvuso, ‘parisuddho’ti maṃ dhārehī’’ti tikkhattuṃ vattabbaṃ. Navakenapi tatheva vattabbaṃ. ‘‘Bhante, dhārethā’’ti vacanaṃ viseso.
124. д̇ийсу бана ‘‘сун̣анд̇у мз ааяасманд̇аа, аж̇ж̇убосат̇о баннарасо, яад̣̇ааяасманд̇аанам̣ бад̇д̇агаллам̣, маяам̣ ан̃н̃аман̃н̃ам̣ баарисуд̣̇д̇хиубосат̇ам̣ гарзяяаамаа’’д̇и н̃ад̇д̇им̣ табзд̇ваа бадибаадияаа вуд̇д̇анаязна баарисуд̣̇д̇хиубосат̇о гаад̇аб̣б̣о.
124. Tīsu pana ‘‘suṇantu me āyasmantā, ajjuposatho pannaraso, yadāyasmantānaṃ pattakallaṃ, mayaṃ aññamaññaṃ pārisuddhiuposathaṃ kareyyāmā’’ti ñattiṃ ṭhapetvā paṭipāṭiyā vuttanayena pārisuddhiuposatho kātabbo.
125. ‘‘аж̇ж̇а мз бавааран̣аа ‘жаад̇уд̣̇д̣̇асий, баннарасий’д̇и ваа ад̇хидтаамий’’д̇и д̇игкад̇д̇ум̣ вад̇ваа згзна баваарзд̇аб̣б̣ам̣.
125. ‘‘Ajja me pavāraṇā ‘cātuddasī, pannarasī’ti vā adhiṭṭhāmī’’ti tikkhattuṃ vatvā ekena pavāretabbaṃ.
126. д̣̇вийсу бана т̇зрзна ‘‘ахам̣, аавусо, ааяасманд̇ам̣ баваарзми д̣̇идтзна ваа суд̇зна ваа барисан̇гааяа ваа, вад̣̇ад̇у мам̣ ааяасмаа анугамбам̣ убаад̣̇ааяа, бассанд̇о бадигариссаамий’’д̇и д̇игкад̇д̇ум̣ вад̇ваа баваарзд̇аб̣б̣ам̣. навагзнааби д̇ат̇зва вад̇д̇аб̣б̣ам̣. ‘‘бханд̇з’’д̇и важанам̣ висзсо.
126. Dvīsu pana therena ‘‘ahaṃ, āvuso, āyasmantaṃ pavāremi diṭṭhena vā sutena vā parisaṅkāya vā, vadatu maṃ āyasmā anukampaṃ upādāya, passanto paṭikarissāmī’’ti tikkhattuṃ vatvā pavāretabbaṃ. Navakenāpi tatheva vattabbaṃ. ‘‘Bhante’’ti vacanaṃ viseso.
127. д̇ийсу ваа жад̇уусу ваа бана ‘‘сун̣анд̇у мз ааяасманд̇аа, аж̇ж̇а бавааран̣аа баннарасий, яад̣̇ааяасманд̇аанам̣ бад̇д̇агаллам̣, маяам̣ ан̃н̃аман̃н̃ам̣ баваарзяяаамаа’’д̇и н̃ад̇д̇им̣ табзд̇ваа т̇зрзна ‘‘ахам̣, аавусо, ааяасманд̇з баваарзми д̣̇идтзна ваа суд̇зна ваа барисан̇гааяа ваа, вад̣̇анд̇у мам̣ ааяасманд̇аа анугамбам̣ убаад̣̇ааяа, бассанд̇о бадигариссаамий’’д̇и д̇игкад̇д̇ум̣ вад̇ваа баваарзд̇аб̣б̣ам̣. навагзхиби д̇ат̇зва бадибаадияаа баваарзд̇аб̣б̣ам̣. ‘‘бханд̇з’’д̇иважанам̣ висзсо.
127. Tīsu vā catūsu vā pana ‘‘suṇantu me āyasmantā, ajja pavāraṇā pannarasī, yadāyasmantānaṃ pattakallaṃ, mayaṃ aññamaññaṃ pavāreyyāmā’’ti ñattiṃ ṭhapetvā therena ‘‘ahaṃ, āvuso, āyasmante pavāremi diṭṭhena vā sutena vā parisaṅkāya vā, vadantu maṃ āyasmantā anukampaṃ upādāya, passanto paṭikarissāmī’’ti tikkhattuṃ vatvā pavāretabbaṃ. Navakehipi tatheva paṭipāṭiyā pavāretabbaṃ. ‘‘Bhante’’tivacanaṃ viseso.
128. жад̇уухи ад̇хигзсу бана ‘‘сун̣аад̇у мз аавусо сан̇гхо, аж̇ж̇а бавааран̣аа баннарасий, яад̣̇и сан̇гхасса бад̇д̇агаллам̣, сан̇гхо баваарзяяаа’’д̇и н̃ад̇д̇им̣ табзд̇ваа вуд̣дхад̇арзна ‘‘сан̇гхам̣, аавусо, баваарзми д̣̇идтзна ваа суд̇зна ваа барисан̇гааяа ваа, вад̣̇анд̇у мам̣ ааяасманд̇о анугамбам̣ убаад̣̇ааяа, бассанд̇о бадигариссаамий’’д̇и д̇игкад̇д̇ум̣ вад̇ваа баваарзд̇аб̣б̣ам̣. навагзхиби д̇ат̇зва бадибаадияаа ‘‘сан̇гхам̣, бханд̇з, баваарзми д̣̇идтзна ваа суд̇зна ваа барисан̇гааяа ваа, вад̣̇анд̇у мам̣ ааяасманд̇о анугамбам̣ убаад̣̇ааяа, бассанд̇о бадигариссаамий’’д̇и д̇игкад̇д̇ум̣ вад̇ваа баваарзд̇аб̣б̣ам̣.
128. Catūhi adhikesu pana ‘‘suṇātu me āvuso saṅgho, ajja pavāraṇā pannarasī, yadi saṅghassa pattakallaṃ, saṅgho pavāreyyā’’ti ñattiṃ ṭhapetvā vuḍḍhatarena ‘‘saṅghaṃ, āvuso, pavāremi diṭṭhena vā sutena vā parisaṅkāya vā, vadantu maṃ āyasmanto anukampaṃ upādāya, passanto paṭikarissāmī’’ti tikkhattuṃ vatvā pavāretabbaṃ. Navakehipi tatheva paṭipāṭiyā ‘‘saṅghaṃ, bhante, pavāremi diṭṭhena vā sutena vā parisaṅkāya vā, vadantu maṃ āyasmanto anukampaṃ upādāya, passanto paṭikarissāmī’’ti tikkhattuṃ vatvā pavāretabbaṃ.
мууласигкаа нидтид̇аа.
Mūlasikkhā niṭṭhitā.
