| Library / Tipiṭaka / திபிடக • Tipiṭaka / கு²த்³த³ஸிக்கா²-மூலஸிக்கா² • Khuddasikkhā-mūlasikkhā |
6. வத்தாதி³கண்ட³னித்³தே³ஸவண்ணனா
6. Vattādikaṇḍaniddesavaṇṇanā
96. இதா³னி வத்தங் த³ஸ்ஸேதுங் ‘‘உபஜ்ஜா²சரியவத்த’’ந்தி வுத்தங். தத்த² உபஜ்ஜா²யவத்தஞ்ச ஆசரியவத்தஞ்ச க³மிகவத்தஞ்ச ஆக³ந்துகவத்தஞ்ச ஸேனாஸனாதி³வத்தஞ்ச பியஸீலேன பி⁴க்கு²னா காதப்³ப³ந்தி ஸம்ப³ந்தோ⁴. க³மிகாக³ந்துகந்தி க³மிகங் ஆக³ந்துகந்தி சே²தோ³, க³மிகவத்தங் ஆக³ந்துகவத்தஞ்சாதி அத்தோ².
96. Idāni vattaṃ dassetuṃ ‘‘upajjhācariyavatta’’nti vuttaṃ. Tattha upajjhāyavattañca ācariyavattañca gamikavattañca āgantukavattañca senāsanādivattañca piyasīlena bhikkhunā kātabbanti sambandho. Gamikāgantukanti gamikaṃ āgantukanti chedo, gamikavattaṃ āgantukavattañcāti attho.
97. தா³துகாமோ ஹத்த²பாஸே டி²தோ கிஞ்சி க³ஹிதப்³ப³ங் ஏகேன புரிஸேன க³ஹிதப்³ப³ங் உக்கி²பனக்க²மங் வத்து²ங் திதா⁴ தீஸு பகாரேஸு ஏகேனாகாரேன த³தெ³ய்ய, க³ஹேதுகாமோ பி⁴க்கு² த்³விதா⁴ த்³வீஸு ஏகேன க³ண்ஹெய்ய, அயங் பஞ்சங்கோ³ படிக்³க³ஹோதி அத்தோ².
97. Dātukāmo hatthapāse ṭhito kiñci gahitabbaṃ ekena purisena gahitabbaṃ ukkhipanakkhamaṃ vatthuṃ tidhā tīsu pakāresu ekenākārena dadeyya, gahetukāmo bhikkhu dvidhā dvīsu ekena gaṇheyya, ayaṃ pañcaṅgo paṭiggahoti attho.
98-100. தூ³ரே டி²தங் சீவரங் ட²பிதோகாஸங் ஸல்லக்கெ²த்வா ‘‘ஏத’’ந்தி வத்தப்³ப³ங். ஹத்த²பாஸே டி²தங் ஹத்தே²ன ஆமஸித்வா ‘‘இம’’ந்தி வத்தப்³ப³ங். ‘‘ஏதங் அதி⁴ட்டா²மி, இமங் அதி⁴ட்டா²மீ’’தி இமேஸங் பதா³னங் மஜ்ஜே² ஸங்கா⁴டிஆதீ³ஸு பச்சேகங் யோஜெத்வா திசீவரங் அதி⁴ட்டெ²ய்ய. கத²ங்? ‘‘ஏதங் ஸங்கா⁴டிங் அதி⁴ட்டா²மி, இமங் ஸங்கா⁴டிங் அதி⁴ட்டா²மீ’’தி அதி⁴ட்டெ²ய்ய. ஏவங் ஸேஸேஸு ச சீவரேஸு. யதா² சீவராதி³ங் விதா⁴னங் ஏவங் பத்தேபி அதி⁴ட்டெ²ய்ய பச்சுத்³த⁴ரெய்யாதி அத்தோ².
98-100. Dūre ṭhitaṃ cīvaraṃ ṭhapitokāsaṃ sallakkhetvā ‘‘eta’’nti vattabbaṃ. Hatthapāse ṭhitaṃ hatthena āmasitvā ‘‘ima’’nti vattabbaṃ. ‘‘Etaṃ adhiṭṭhāmi, imaṃ adhiṭṭhāmī’’ti imesaṃ padānaṃ majjhe saṅghāṭiādīsu paccekaṃ yojetvā ticīvaraṃ adhiṭṭheyya. Kathaṃ? ‘‘Etaṃ saṅghāṭiṃ adhiṭṭhāmi, imaṃ saṅghāṭiṃ adhiṭṭhāmī’’ti adhiṭṭheyya. Evaṃ sesesu ca cīvaresu. Yathā cīvarādiṃ vidhānaṃ evaṃ pattepi adhiṭṭheyya paccuddhareyyāti attho.
101. ஸஞ்சரித்தங் ட²பெத்வா ஸேஸா க³ருகா ச பாராஜிகா ச ஸசித்தகாதி ஸம்ப³ந்தோ⁴. அந்திமாதி பாராஜிகா. அச்சி²ன்னஸிக்கா²பத³ங், பரிணதஸிக்கா²பத³ஞ்சாதி இமங் த்³வயங் ட²பெத்வா ஸேஸங் நிஸ்ஸக்³கி³யங் அசித்தகந்தி அத்தோ².
101. Sañcarittaṃ ṭhapetvā sesā garukā ca pārājikā ca sacittakāti sambandho. Antimāti pārājikā. Acchinnasikkhāpadaṃ, pariṇatasikkhāpadañcāti imaṃ dvayaṃ ṭhapetvā sesaṃ nissaggiyaṃ acittakanti attho.
102-3. கா³மப்பவேஸனந்தேதேதி கா³மப்பவேஸனங் இதி ஏதே. பாசித்தீஸு ஏதே பத³ஸோத⁴ம்மாத³யோ கா³மப்பவேஸனந்தா ஸத்தரஸ ஸிக்கா²பதா³ அசித்தகா.
102-3.Gāmappavesananteteti gāmappavesanaṃ iti ete. Pācittīsu ete padasodhammādayo gāmappavesanantā sattarasa sikkhāpadā acittakā.
104-5. பகிண்ணகேஸு உத்³தி³ஸ்ஸகதங் ட²பெத்வா அஞ்ஞமங்ஸகங் ஸேஸமங்ஸங் அசித்தகந்தி அத்தோ². எத்த² பகிண்ணகேஸு அஞ்ஞமங்ஸாதி³கங் பத்தஹத்தோ² கவாடகந்தங் தேரஸவித⁴ங் இத³ங் ஸிக்கா²பத³ங் அசித்தகங், ஸேஸங் ஸப்³ப³ங் ஸசித்தகந்தி அத்தோ².
104-5. Pakiṇṇakesu uddissakataṃ ṭhapetvā aññamaṃsakaṃ sesamaṃsaṃ acittakanti attho. Ettha pakiṇṇakesu aññamaṃsādikaṃ pattahattho kavāṭakantaṃ terasavidhaṃ idaṃ sikkhāpadaṃ acittakaṃ, sesaṃ sabbaṃ sacittakanti attho.
106. ஆசரியா வீதிக்கமனசித்தேன ஸசித்தகங் அசித்தகந்தி வத³ந்தி, பஞ்ஞத்திஜானநேன சித்தேன ததா² ஸசித்தகங் அசித்தகந்தி ஆசரியா வத³ந்தீதி அத்தோ². ததா²-ஸத்³தே³ன ‘‘ஸசித்தகங் அசித்தக’’ந்தி இத³ங் க³ஹிதங்.
106. Ācariyā vītikkamanacittena sacittakaṃ acittakanti vadanti, paññattijānanena cittena tathā sacittakaṃ acittakanti ācariyā vadantīti attho. Tathā-saddena ‘‘sacittakaṃ acittaka’’nti idaṃ gahitaṃ.
107-9. புப்³ப³கரணாதி³கந்தி எத்த² ஆதி³-ஸத்³தோ³ புப்³ப³கிச்சங் ஸங்க³ண்ஹாதி. தத்த² –
107-9.Pubbakaraṇādikanti ettha ādi-saddo pubbakiccaṃ saṅgaṇhāti. Tattha –
‘‘ஸம்மஜ்ஜனீ பதீ³போ ச, உத³கங் ஆஸனேன ச;
‘‘Sammajjanī padīpo ca, udakaṃ āsanena ca;
உபோஸத²ஸ்ஸ ஏதானி, புப்³ப³கரணந்தி வுச்சதி.
Uposathassa etāni, pubbakaraṇanti vuccati.
‘‘ச²ந்த³பாரிஸுத்³தி⁴உதுக்கா²னங், பி⁴க்கு²க³ணனா ச ஓவாதோ³;
‘‘Chandapārisuddhiutukkhānaṃ, bhikkhugaṇanā ca ovādo;
உபோஸத²ஸ்ஸ ஏதானி, புப்³ப³கிச்சந்தி வுச்சதீ’’தி. –
Uposathassa etāni, pubbakiccanti vuccatī’’ti. –
ஏவங் புப்³ப³கரணாதி³கங் நவதா⁴ தீ³பிதங் ஸப்³ப³ங் உபோஸத²ப்பவாரணங் பியஸீலினா காதப்³ப³ந்தி அத்தோ².
Evaṃ pubbakaraṇādikaṃ navadhā dīpitaṃ sabbaṃ uposathappavāraṇaṃ piyasīlinā kātabbanti attho.
112. யதா²க்கமந்தி எத்தா²யமதி⁴ப்பாயோ – க³ணோ பாரிஸுத்³தி⁴உபோஸத²ங் கரெய்ய, புக்³க³லோ அதி⁴ட்டா²னஉபோஸத²ங் கரெய்ய, ஸங்கோ⁴ ஸுத்துத்³தே³ஸஉபோஸத²ங் கரெய்யாதி.
112.Yathākkamanti etthāyamadhippāyo – gaṇo pārisuddhiuposathaṃ kareyya, puggalo adhiṭṭhānauposathaṃ kareyya, saṅgho suttuddesauposathaṃ kareyyāti.
113. சாதுத்³த³ஸோ பன்னரஸோ, ஸாமக்³கீ³ தி³னதோ திதா⁴தி சாதுத்³த³ஸோ உபோஸதோ² , பன்னரஸோ உபோஸதோ², ஸாமக்³கீ³உபோஸதோ²தி தி³னதோ திதா⁴ ஹொந்தி. தி³னதோ புக்³க³லதோ கத்தப்³பா³காரதோ தே உபோஸதா² நவ இதி ஈரிதாதி அத்தோ².
113.Cātuddaso pannaraso, sāmaggī dinato tidhāti cātuddaso uposatho , pannaraso uposatho, sāmaggīuposathoti dinato tidhā honti. Dinato puggalato kattabbākārato te uposathā nava iti īritāti attho.
114. தேவாசீ த்³வேகவாசீதி தேவாசிகா பவாரணா, த்³வேவாசிகா பவாரணா, ஏகவாசிகா பவாரணா இதி நவ பவாரணா வுத்தா.
114.Tevācī dvekavācīti tevācikā pavāraṇā, dvevācikā pavāraṇā, ekavācikā pavāraṇā iti nava pavāraṇā vuttā.
115. தஸ்ஸாதி ப²க்³கு³னமாஸஸ்ஸ. ததோ ஸேஸந்தி ஆஸாள்ஹிஅந்திமபக்க²ம்ஹா யாவ கத்திகபுண்ணமா வஸ்ஸகாலந்தி அத்தோ². எத்த² ஹி ஏகஸ்மிங் ஸங்வச்ச²ரே சதுவீஸதிஉபோஸதா² ஹொந்தி.
115.Tassāti phaggunamāsassa. Tato sesanti āsāḷhiantimapakkhamhā yāva kattikapuṇṇamā vassakālanti attho. Ettha hi ekasmiṃ saṃvacchare catuvīsatiuposathā honti.
116. ஏதேஸூதி ஏதேஸு தீஸு சதூஸு ஏகேகஸ்மிங் உதும்ஹி ததியபக்கா² ஸத்தமபக்கா². சாதுத்³த³ஸாதி ச² சாதுத்³த³ஸாதி அத்தோ². ஸேஸானி உத்தானத்தா²னேவாதி.
116.Etesūti etesu tīsu catūsu ekekasmiṃ utumhi tatiyapakkhā sattamapakkhā. Cātuddasāti cha cātuddasāti attho. Sesāni uttānatthānevāti.
வத்தாதி³கண்ட³னித்³தே³ஸவண்ணனா நிட்டி²தா.
Vattādikaṇḍaniddesavaṇṇanā niṭṭhitā.
