| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੨. ਦੁਤਿਯવਗ੍ਗੋ
2. Dutiyavaggo
੧. વਤਪਦਸੁਤ੍ਤવਣ੍ਣਨਾ
1. Vatapadasuttavaṇṇanā
੨੫੭. ਸਮਾਦਾਤਬ੍ਬਤੋ વਤਾਨਿ, ਅਞ੍ਞਮਞ੍ਞਂ ਅਸਙ੍ਕਰਸਭਾવੇਨ ਪਬ੍ਬਜਿਤਬ੍ਬਤੋ ਪਦਾਨਿ, ਤਤੋ ਏવ ਅਸਂਕਿਣ੍ਣਭਾਗਾਤਿ ਕਤ੍વਾ ‘‘વਤਕੋਟ੍ਠਾਸਾਨੀ’’ਤਿ વੁਤ੍ਤਂ। ਸਮਤ੍ਤਾਨੀਤਿ ਪੁਞ੍ਞવਿਸੇਸਤਾਯ ਪੁਜ੍ਜਭવਫਲਨਿਬ੍ਬਤ੍ਤਨੇਨ ਕਿਤ੍ਤਿਸਞ੍ਞਾਨੇਨ ਚ ਸਮਂ ਅਤ੍ਤਾਨਿ ਸਮਤ੍ਤਾਨਿ। ਪਰਿਪੁਣ੍ਣਾਨੀਤਿ ਅਖਣ੍ਡਾਦਿਭਾવੇਨ ਸਬ੍ਬਸੋ ਪੁਣ੍ਣਾਨਿ। ਸਮਾਦਿਨ੍ਨਾਨੀਤਿ ਤਤ੍ਥ ਸਕ੍ਕਚ੍ਚਕਾਰਿਤਾਯ ਸਮ੍ਮਾ ਆਦਿਨ੍ਨਾਨਿ। ਮਾਤੁਲਾਨੀਤਿ ਪਿਤੁਭਗਿਨੀ, ਨ ਯਾ ਕਾਚਿ ਮਾਤੁਲਸ੍ਸ ਭਰਿਯਾ ਕੁਲਜੇਟ੍ਠਕਾਨਂ ਅਧਿਪ੍ਪੇਤਤ੍ਤਾ, ਭਰਿਯਾਪਿ વਾ ਮਾਤੁਲਸਮ੍ਬਨ੍ਧਤੋ ਗਹੇਤਬ੍ਬਾ, ਤਥਾ ਸਤਿ ਮਹਾਪਿਤੁਭਰਿਯਾਦੀਨਮ੍ਪਿ ਸਙ੍ਗਹੋ ਦਟ੍ਠਬ੍ਬੋ।
257. Samādātabbato vatāni, aññamaññaṃ asaṅkarasabhāvena pabbajitabbato padāni, tato eva asaṃkiṇṇabhāgāti katvā ‘‘vatakoṭṭhāsānī’’ti vuttaṃ. Samattānīti puññavisesatāya pujjabhavaphalanibbattanena kittisaññānena ca samaṃ attāni samattāni. Paripuṇṇānīti akhaṇḍādibhāvena sabbaso puṇṇāni. Samādinnānīti tattha sakkaccakāritāya sammā ādinnāni. Mātulānīti pitubhaginī, na yā kāci mātulassa bhariyā kulajeṭṭhakānaṃ adhippetattā, bhariyāpi vā mātulasambandhato gahetabbā, tathā sati mahāpitubhariyādīnampi saṅgaho daṭṭhabbo.
ਆਦਿ-ਸਦ੍ਦੇਨ ਜੇਟ੍ਠਭਗਿਨੀਨਂ ਸਙ੍ਗਹੋ। ਅਪਚਿਤਿਕਾਰਕੋਤਿ ਤੇਸਂ ਪਚ੍ਚੁਟ੍ਠਾਨਕਰੋ। ਯੋ ਕੋਚਿ ਦਦਨ੍ਤੋਪਿ ਸਾਪੇਕ੍ਖੋ ਦੇਤਿ, ਸੋ ਮੁਤ੍ਤਚਾਗੋ ਨ ਹੋਤਿ, ਅਯਂ ਪਨ ਨ ਏવਨ੍ਤਿ ‘‘ਮੁਤ੍ਤਚਾਗੋ ਹੋਤੀ’’ਤਿ વੁਤ੍ਤਂ। વਿਸ੍ਸਟ੍ਠਚਾਗੋਤਿ ਨਿਰਪੇਕ੍ਖਪਰਿਚ੍ਚਾਗੋਤਿ ਅਤ੍ਥੋ। ਯਥਾ ਪਾਣਾਤਿਪਾਤਬਹੁਲੋ ‘‘ਲੋਹਿਤਪਾਣੀ’’ਤਿ વੁਚ੍ਚਤਿ, ਤਥਾ ਦਾਨਬਹੁਲੋ ‘‘ਪਯਤਪਾਣੀ’’ਤਿ વੁਤ੍ਤੋਤਿ ਆਹ ‘‘ਦੇਯ੍ਯਧਮ੍ਮਦਾਨਤ੍ਥਾਯ ਸਦਾ ਧੋਤਹਤ੍ਥੋ’’ਤਿ। વੋਸ੍ਸਗ੍ਗਰਤੋਤਿ ਦੇਯ੍ਯਧਮ੍ਮਸ੍ਸ ਪਰਿਚ੍ਚਜਨੇ ਅਭਿਰਤੋ। ਪਰੇਹਿ ਯਾਚਿਤਬ੍ਬਾਰਹੋਤਿ ਪਰੇਹਿ ਯਾਚਿਤੁਂ ਯੁਤ੍ਤੋ ਇਚ੍ਛਿਤਸ੍ਸ ਅਤ੍ਥਸ੍ਸ ਤਾવਦੇવ વਿਸ੍ਸਜ੍ਜਨਤੋ। ਦਾਨੇਨੇવ ਯੁਤ੍ਤੋਤਿ ਸਬ੍ਬਕਾਲਂ ਦਾਨੇਨੇવ ਯੁਤ੍ਤੋ ਅਭਿਣ੍ਹਂ ਪવਤ੍ਤਮਹਾਦਾਨਤ੍ਤਾ। ਦਾਨੇ ਚ ਸਂવਿਭਾਗੇ ਚਾਤਿ ਪਰਸ੍ਸ ਸਮ੍ਪੁਣ੍ਣਂ ਕਤ੍વਾ ਪਰਿਚ੍ਚਜਨਸਙ੍ਖਾਤੇ ਦਾਨੇ ਚ ਅਤ੍ਤਨਾ ਪਰਿਭੁਞ੍ਜਿਤਬ੍ਬਤੋ ਸਂવਿਭਜਨਸਙ੍ਖਾਤੇ ਸਂવਿਭਾਗੇ ਚ ਰਤੋ ਅਭਿਰਤੋ।
Ādi-saddena jeṭṭhabhaginīnaṃ saṅgaho. Apacitikārakoti tesaṃ paccuṭṭhānakaro. Yo koci dadantopi sāpekkho deti, so muttacāgo na hoti, ayaṃ pana na evanti ‘‘muttacāgo hotī’’ti vuttaṃ. Vissaṭṭhacāgoti nirapekkhapariccāgoti attho. Yathā pāṇātipātabahulo ‘‘lohitapāṇī’’ti vuccati, tathā dānabahulo ‘‘payatapāṇī’’ti vuttoti āha ‘‘deyyadhammadānatthāya sadā dhotahattho’’ti. Vossaggaratoti deyyadhammassa pariccajane abhirato. Parehi yācitabbārahoti parehi yācituṃ yutto icchitassa atthassa tāvadeva vissajjanato. Dāneneva yuttoti sabbakālaṃ dāneneva yutto abhiṇhaṃ pavattamahādānattā. Dāne ca saṃvibhāge cāti parassa sampuṇṇaṃ katvā pariccajanasaṅkhāte dāne ca attanā paribhuñjitabbato saṃvibhajanasaṅkhāte saṃvibhāge ca rato abhirato.
વਤਪਦਸੁਤ੍ਤવਣ੍ਣਨਾ ਨਿਟ੍ਠਿਤਾ।
Vatapadasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. વਤਪਦਸੁਤ੍ਤਂ • 1. Vatapadasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. વਤਪਦਸੁਤ੍ਤવਣ੍ਣਨਾ • 1. Vatapadasuttavaṇṇanā
