| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൫൭. വസ്സവലാഹകസുത്തം
57. Vassavalāhakasuttaṃ
൬൦൬. സാവത്ഥിനിദാനം. ഏകമന്തം നിസിന്നോ ഖോ സോ ഭിക്ഖു ഭഗവന്തം ഏതദവോച – ‘‘കോ നു ഖോ, ഭന്തേ, ഹേതു, കോ പച്ചയോ, യേനേകദാ ദേവോ വസ്സതീ’’തി? ‘‘സന്തി, ഭിക്ഖു, വസ്സവലാഹകാ നാമ ദേവാ. തേസം യദാ ഏവം ഹോതി – ‘യംനൂന മയം സകായ രതിയാ വസേയ്യാമാ’തി, തേസം തം ചേതോപണിധിമന്വായ ദേവോ വസ്സതി. അയം ഖോ, ഭിക്ഖു, ഹേതു, അയം പച്ചയോ, യേനേകദാ ദേവോ വസ്സതീ’’തി. സത്തപഞ്ഞാസമം.
606. Sāvatthinidānaṃ. Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yenekadā devo vassatī’’ti? ‘‘Santi, bhikkhu, vassavalāhakā nāma devā. Tesaṃ yadā evaṃ hoti – ‘yaṃnūna mayaṃ sakāya ratiyā vaseyyāmā’ti, tesaṃ taṃ cetopaṇidhimanvāya devo vassati. Ayaṃ kho, bhikkhu, hetu, ayaṃ paccayo, yenekadā devo vassatī’’ti. Sattapaññāsamaṃ.
സത്തപഞ്ഞാസസുത്തന്തം നിട്ഠിതം.
Sattapaññāsasuttantaṃ niṭṭhitaṃ.
വലാഹകസംയുത്തം സമത്തം.
Valāhakasaṃyuttaṃ samattaṃ.
തസ്സുദ്ദാനം –
Tassuddānaṃ –
സുദ്ധികം സുചരിതഞ്ച ദാനൂപകാരപഞ്ഞാസം;
Suddhikaṃ sucaritañca dānūpakārapaññāsaṃ;
സീതം ഉണ്ഹഞ്ച അബ്ഭഞ്ച വാതവസ്സവലാഹകാതി.
Sītaṃ uṇhañca abbhañca vātavassavalāhakāti.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൧൧. വലാഹകസംയുത്തവണ്ണനാ • 11. Valāhakasaṃyuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൧൧. വലാഹകസംയുത്തവണ്ണനാ • 11. Valāhakasaṃyuttavaṇṇanā
