| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ • Saṃyuttanikāya |
೫೭. ವಸ್ಸವಲಾಹಕಸುತ್ತಂ
57. Vassavalāhakasuttaṃ
೬೦೬. ಸಾವತ್ಥಿನಿದಾನಂ। ಏಕಮನ್ತಂ ನಿಸಿನ್ನೋ ಖೋ ಸೋ ಭಿಕ್ಖು ಭಗವನ್ತಂ ಏತದವೋಚ – ‘‘ಕೋ ನು ಖೋ, ಭನ್ತೇ, ಹೇತು, ಕೋ ಪಚ್ಚಯೋ, ಯೇನೇಕದಾ ದೇವೋ ವಸ್ಸತೀ’’ತಿ? ‘‘ಸನ್ತಿ, ಭಿಕ್ಖು, ವಸ್ಸವಲಾಹಕಾ ನಾಮ ದೇವಾ। ತೇಸಂ ಯದಾ ಏವಂ ಹೋತಿ – ‘ಯಂನೂನ ಮಯಂ ಸಕಾಯ ರತಿಯಾ ವಸೇಯ್ಯಾಮಾ’ತಿ, ತೇಸಂ ತಂ ಚೇತೋಪಣಿಧಿಮನ್ವಾಯ ದೇವೋ ವಸ್ಸತಿ। ಅಯಂ ಖೋ, ಭಿಕ್ಖು, ಹೇತು, ಅಯಂ ಪಚ್ಚಯೋ, ಯೇನೇಕದಾ ದೇವೋ ವಸ್ಸತೀ’’ತಿ। ಸತ್ತಪಞ್ಞಾಸಮಂ।
606. Sāvatthinidānaṃ. Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yenekadā devo vassatī’’ti? ‘‘Santi, bhikkhu, vassavalāhakā nāma devā. Tesaṃ yadā evaṃ hoti – ‘yaṃnūna mayaṃ sakāya ratiyā vaseyyāmā’ti, tesaṃ taṃ cetopaṇidhimanvāya devo vassati. Ayaṃ kho, bhikkhu, hetu, ayaṃ paccayo, yenekadā devo vassatī’’ti. Sattapaññāsamaṃ.
ಸತ್ತಪಞ್ಞಾಸಸುತ್ತನ್ತಂ ನಿಟ್ಠಿತಂ।
Sattapaññāsasuttantaṃ niṭṭhitaṃ.
ವಲಾಹಕಸಂಯುತ್ತಂ ಸಮತ್ತಂ।
Valāhakasaṃyuttaṃ samattaṃ.
ತಸ್ಸುದ್ದಾನಂ –
Tassuddānaṃ –
ಸುದ್ಧಿಕಂ ಸುಚರಿತಞ್ಚ ದಾನೂಪಕಾರಪಞ್ಞಾಸಂ।
Suddhikaṃ sucaritañca dānūpakārapaññāsaṃ;
ಸೀತಂ ಉಣ್ಹಞ್ಚ ಅಬ್ಭಞ್ಚ ವಾತವಸ್ಸವಲಾಹಕಾತಿ॥
Sītaṃ uṇhañca abbhañca vātavassavalāhakāti.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೧೧. ವಲಾಹಕಸಂಯುತ್ತವಣ್ಣನಾ • 11. Valāhakasaṃyuttavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೧೧. ವಲಾಹಕಸಂಯುತ್ತವಣ್ಣನಾ • 11. Valāhakasaṃyuttavaṇṇanā
