| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
៥៧. វស្សវលាហកសុត្តំ
57. Vassavalāhakasuttaṃ
៦០៦. សាវត្ថិនិទានំ។ ឯកមន្តំ និសិន្នោ ខោ សោ ភិក្ខុ ភគវន្តំ ឯតទវោច – ‘‘កោ នុ ខោ, ភន្តេ, ហេតុ, កោ បច្ចយោ, យេនេកទា ទេវោ វស្សតី’’តិ? ‘‘សន្តិ, ភិក្ខុ, វស្សវលាហកា នាម ទេវា។ តេសំ យទា ឯវំ ហោតិ – ‘យំនូន មយំ សកាយ រតិយា វសេយ្យាមា’តិ, តេសំ តំ ចេតោបណិធិមន្វាយ ទេវោ វស្សតិ។ អយំ ខោ, ភិក្ខុ, ហេតុ, អយំ បច្ចយោ, យេនេកទា ទេវោ វស្សតី’’តិ។ សត្តបញ្ញាសមំ។
606. Sāvatthinidānaṃ. Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yenekadā devo vassatī’’ti? ‘‘Santi, bhikkhu, vassavalāhakā nāma devā. Tesaṃ yadā evaṃ hoti – ‘yaṃnūna mayaṃ sakāya ratiyā vaseyyāmā’ti, tesaṃ taṃ cetopaṇidhimanvāya devo vassati. Ayaṃ kho, bhikkhu, hetu, ayaṃ paccayo, yenekadā devo vassatī’’ti. Sattapaññāsamaṃ.
សត្តបញ្ញាសសុត្តន្តំ និដ្ឋិតំ។
Sattapaññāsasuttantaṃ niṭṭhitaṃ.
វលាហកសំយុត្តំ សមត្តំ។
Valāhakasaṃyuttaṃ samattaṃ.
តស្សុទ្ទានំ –
Tassuddānaṃ –
សុទ្ធិកំ សុចរិតញ្ច ទានូបការបញ្ញាសំ;
Suddhikaṃ sucaritañca dānūpakārapaññāsaṃ;
សីតំ ឧណ្ហញ្ច អព្ភញ្ច វាតវស្សវលាហកាតិ។
Sītaṃ uṇhañca abbhañca vātavassavalāhakāti.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ១១. វលាហកសំយុត្តវណ្ណនា • 11. Valāhakasaṃyuttavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ១១. វលាហកសំយុត្តវណ្ណនា • 11. Valāhakasaṃyuttavaṇṇanā
