| Library / Tipiṭaka / तिपिटक • Tipiṭaka / संयुत्तनिकाय • Saṃyuttanikāya |
५७. वस्सवलाहकसुत्तं
57. Vassavalāhakasuttaṃ
६०६. सावत्थिनिदानं। एकमन्तं निसिन्नो खो सो भिक्खु भगवन्तं एतदवोच – ‘‘को नु खो, भन्ते, हेतु, को पच्चयो, येनेकदा देवो वस्सती’’ति? ‘‘सन्ति, भिक्खु, वस्सवलाहका नाम देवा। तेसं यदा एवं होति – ‘यंनून मयं सकाय रतिया वसेय्यामा’ति, तेसं तं चेतोपणिधिमन्वाय देवो वस्सति। अयं खो, भिक्खु, हेतु, अयं पच्चयो, येनेकदा देवो वस्सती’’ति। सत्तपञ्ञासमं।
606. Sāvatthinidānaṃ. Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yenekadā devo vassatī’’ti? ‘‘Santi, bhikkhu, vassavalāhakā nāma devā. Tesaṃ yadā evaṃ hoti – ‘yaṃnūna mayaṃ sakāya ratiyā vaseyyāmā’ti, tesaṃ taṃ cetopaṇidhimanvāya devo vassati. Ayaṃ kho, bhikkhu, hetu, ayaṃ paccayo, yenekadā devo vassatī’’ti. Sattapaññāsamaṃ.
सत्तपञ्ञाससुत्तन्तं निट्ठितं।
Sattapaññāsasuttantaṃ niṭṭhitaṃ.
वलाहकसंयुत्तं समत्तं।
Valāhakasaṃyuttaṃ samattaṃ.
तस्सुद्दानं –
Tassuddānaṃ –
सुद्धिकं सुचरितञ्च दानूपकारपञ्ञासं।
Suddhikaṃ sucaritañca dānūpakārapaññāsaṃ;
सीतं उण्हञ्च अब्भञ्च वातवस्सवलाहकाति॥
Sītaṃ uṇhañca abbhañca vātavassavalāhakāti.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ११. वलाहकसंयुत्तवण्णना • 11. Valāhakasaṃyuttavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ११. वलाहकसंयुत्तवण्णना • 11. Valāhakasaṃyuttavaṇṇanā
