| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৫৭. ৰস্সৰলাহকসুত্তং
57. Vassavalāhakasuttaṃ
৬০৬. সাৰত্থিনিদানং। একমন্তং নিসিন্নো খো সো ভিক্খু ভগৰন্তং এতদৰোচ – ‘‘কো নু খো, ভন্তে, হেতু, কো পচ্চযো, যেনেকদা দেৰো ৰস্সতী’’তি? ‘‘সন্তি, ভিক্খু, ৰস্সৰলাহকা নাম দেৰা। তেসং যদা এৰং হোতি – ‘যংনূন মযং সকায রতিযা ৰসেয্যামা’তি, তেসং তং চেতোপণিধিমন্ৰায দেৰো ৰস্সতি। অযং খো, ভিক্খু, হেতু, অযং পচ্চযো, যেনেকদা দেৰো ৰস্সতী’’তি। সত্তপঞ্ঞাসমং।
606. Sāvatthinidānaṃ. Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yenekadā devo vassatī’’ti? ‘‘Santi, bhikkhu, vassavalāhakā nāma devā. Tesaṃ yadā evaṃ hoti – ‘yaṃnūna mayaṃ sakāya ratiyā vaseyyāmā’ti, tesaṃ taṃ cetopaṇidhimanvāya devo vassati. Ayaṃ kho, bhikkhu, hetu, ayaṃ paccayo, yenekadā devo vassatī’’ti. Sattapaññāsamaṃ.
সত্তপঞ্ঞাসসুত্তন্তং নিট্ঠিতং।
Sattapaññāsasuttantaṃ niṭṭhitaṃ.
ৰলাহকসংযুত্তং সমত্তং।
Valāhakasaṃyuttaṃ samattaṃ.
তস্সুদ্দানং –
Tassuddānaṃ –
সুদ্ধিকং সুচরিতঞ্চ দানূপকারপঞ্ঞাসং।
Suddhikaṃ sucaritañca dānūpakārapaññāsaṃ;
সীতং উণ্হঞ্চ অব্ভঞ্চ ৰাতৰস্সৰলাহকাতি॥
Sītaṃ uṇhañca abbhañca vātavassavalāhakāti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১১. ৰলাহকসংযুত্তৰণ্ণনা • 11. Valāhakasaṃyuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১১. ৰলাহকসংযুত্তৰণ্ণনা • 11. Valāhakasaṃyuttavaṇṇanā
