| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੭. વਸ੍ਸਸੁਤ੍ਤવਣ੍ਣਨਾ
7. Vassasuttavaṇṇanā
੧੯੭. ਸਤ੍ਤਮੇ ਉਤੁਸਮੁਟ੍ਠਾਨਨ੍ਤਿ વਸ੍ਸਿਕੇ ਚਤ੍ਤਾਰੋ ਮਾਸੇ ਉਪ੍ਪਨ੍ਨਂ। ਅਕਾਲੇਪੀਤਿ ਚਿਤ੍ਤવੇਸਾਖਮਾਸੇਸੁਪਿ। વਸ੍ਸવਲਾਹਕਦੇવਪੁਤ੍ਤਾਨਞ੍ਹਿ ਅਤ੍ਤਨੋ ਰਤਿਯਾ ਕੀਲ਼ਿਤੁਕਾਮਤਾਚਿਤ੍ਤੇ ਉਪ੍ਪਨ੍ਨੇ ਅਕਾਲੇਪਿ ਦੇવੋ વਸ੍ਸਤਿ। ਤਤ੍ਰਿਦਂ વਤ੍ਥੁ – ਏਕੋ ਕਿਰ વਸ੍ਸવਲਾਹਕਦੇવਪੁਤ੍ਤੋ વਾਕਰਕੁਟਕવਾਸਿਖੀਣਾਸવਤ੍ਥੇਰਸ੍ਸ ਸਨ੍ਤਿਕਂ ਗਨ੍ਤ੍વਾ વਨ੍ਦਿਤ੍વਾ ਅਟ੍ਠਾਸਿ। ਥੇਰੋ ‘‘ਕੋਸਿ ਤ੍વ’’ਨ੍ਤਿ ਪੁਚ੍ਛਿ। ਅਹਂ, ਭਨ੍ਤੇ, વਸ੍ਸવਲਾਹਕਦੇવਪੁਤ੍ਤੋਤਿ। ਤੁਮ੍ਹਾਕਂ ਕਿਰ ਚਿਤ੍ਤੇਨ ਦੇવੋ વਸ੍ਸਤੀਤਿ। ਆਮ, ਭਨ੍ਤੇਤਿ। ਪਸ੍ਸਿਤੁਕਾਮਾ ਮਯਨ੍ਤਿ। ਤੇਮਿਸ੍ਸਥ, ਭਨ੍ਤੇਤਿ। ਮੇਘਸੀਸਂ વਾ ਗਜ੍ਜਿਤਂ વਾ ਨ ਪਞ੍ਞਾਯਤਿ, ਕਥਂ ਤੇਮਿਸ੍ਸਾਮਾਤਿ। ਭਨ੍ਤੇ, ਅਮ੍ਹਾਕਂ ਚਿਤ੍ਤੇਨ ਦੇવੋ વਸ੍ਸਤਿ, ਤੁਮ੍ਹੇ ਪਣ੍ਣਸਾਲਂ ਪવਿਸਥਾਤਿ। ‘‘ਸਾਧੁ, ਦੇવਪੁਤ੍ਤਾ’’ਤਿ ਪਾਦੇ ਧੋવਿਤ੍વਾ ਪਣ੍ਣਸਾਲਂ ਪਾવਿਸਿ। ਦੇવਪੁਤ੍ਤੋ ਤਸ੍ਮਿਂ ਪવਿਸਨ੍ਤੇਯੇવ ਏਕਂ ਗੀਤਂ ਗਾਯਿਤ੍વਾ ਹਤ੍ਥਂ ਉਕ੍ਖਿਪਿ, ਸਮਨ੍ਤਾ ਤਿਯੋਜਨਟ੍ਠਾਨਂ ਏਕਮੇਘਂ ਅਹੋਸਿ। ਥੇਰੋ ਅਦ੍ਧਤਿਨ੍ਤੋ ਪਣ੍ਣਸਾਲਂ ਪવਿਟ੍ਠੋਤਿ।
197. Sattame utusamuṭṭhānanti vassike cattāro māse uppannaṃ. Akālepīti cittavesākhamāsesupi. Vassavalāhakadevaputtānañhi attano ratiyā kīḷitukāmatācitte uppanne akālepi devo vassati. Tatridaṃ vatthu – eko kira vassavalāhakadevaputto vākarakuṭakavāsikhīṇāsavattherassa santikaṃ gantvā vanditvā aṭṭhāsi. Thero ‘‘kosi tva’’nti pucchi. Ahaṃ, bhante, vassavalāhakadevaputtoti. Tumhākaṃ kira cittena devo vassatīti. Āma, bhanteti. Passitukāmā mayanti. Temissatha, bhanteti. Meghasīsaṃ vā gajjitaṃ vā na paññāyati, kathaṃ temissāmāti. Bhante, amhākaṃ cittena devo vassati, tumhe paṇṇasālaṃ pavisathāti. ‘‘Sādhu, devaputtā’’ti pāde dhovitvā paṇṇasālaṃ pāvisi. Devaputto tasmiṃ pavisanteyeva ekaṃ gītaṃ gāyitvā hatthaṃ ukkhipi, samantā tiyojanaṭṭhānaṃ ekameghaṃ ahosi. Thero addhatinto paṇṇasālaṃ paviṭṭhoti.
વਸ੍ਸਸੁਤ੍ਤવਣ੍ਣਨਾ ਨਿਟ੍ਠਿਤਾ।
Vassasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੭. વਸ੍ਸਸੁਤ੍ਤਂ • 7. Vassasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੭. વਸ੍ਸਸੁਤ੍ਤવਣ੍ਣਨਾ • 7. Vassasuttavaṇṇanā
