| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
8. வஸ்ஸஸுத்தவண்ணனா
8. Vassasuttavaṇṇanā
1034. பாரங் வுச்சதி நிப்³பா³னங் ஸங்ஸாரமஹோக⁴ஸ்ஸ பரதீரபா⁴வதோ. தேனாஹ – ‘‘திண்ணோ பாரங்க³தோ, த²லே திட்ட²தி ப்³ராஹ்மணோ (ஸங்॰ நி॰ 4.238; இதிவு॰ 69; பு॰ ப॰ 188), யே ஜனா பாரகா³மினோ’’தி (த⁴॰ ப॰ 85) ச. அத² வா பாதி ரக்க²தீதி பாரங், நிப்³பா³னங். யோ படிவிஜ்ஜ²தி, தங் வட்டது³க்க²தோ பாதி ரக்க²தி, அச்சந்தஹிதேன ச விமுத்திஸுகே²ன ச ரமேதி, தஸ்மா பாரந்தி வுச்சதி. க³ச்ச²மானா ஏவாதி பாரங் நிப்³பா³னங் க³ச்ச²மானா ஏவ. தே த⁴ம்மா ஆஸவானங் க²யாய ஸங்வத்தந்தி ஸச்சி²கிரியாபஹானபடிவேதா⁴னங் ஸமகாலத்தா.
1034.Pāraṃ vuccati nibbānaṃ saṃsāramahoghassa paratīrabhāvato. Tenāha – ‘‘tiṇṇo pāraṅgato, thale tiṭṭhati brāhmaṇo (saṃ. ni. 4.238; itivu. 69; pu. pa. 188), ye janā pāragāmino’’ti (dha. pa. 85) ca. Atha vā pāti rakkhatīti pāraṃ, nibbānaṃ. Yo paṭivijjhati, taṃ vaṭṭadukkhato pāti rakkhati, accantahitena ca vimuttisukhena ca rameti, tasmā pāranti vuccati. Gacchamānā evāti pāraṃ nibbānaṃ gacchamānā eva. Te dhammā āsavānaṃ khayāya saṃvattanti sacchikiriyāpahānapaṭivedhānaṃ samakālattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 8. வஸ்ஸஸுத்தங் • 8. Vassasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 8. வஸ்ஸஸுத்தவண்ணனா • 8. Vassasuttavaṇṇanā
