| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੧੧੬. વਸ੍ਸਂ ਅਨੁਪਗਨ੍ਤਬ੍ਬਟ੍ਠਾਨਕਥਾ
116. Vassaṃ anupagantabbaṭṭhānakathā
੨੦੪. ਰੁਕ੍ਖਸੁਸੀਰੇਯੇવਾਤਿ ਰੁਕ੍ਖਸ੍ਸ વਿવਰੇ ਏવ। વਿવਰਞ੍ਹਿ ਸੁ ਸਂ ਇਰਤਿ ਗਚ੍ਛਤੀਤਿ ਸੁਸੀਰੋਤਿ વੁਚ੍ਚਤਿ। ਪਦਰਚ੍ਛਦਨਨ੍ਤਿ ਫਲਕੇਹਿ ਛਾਦਿਤਂ। ਪવਿਸਨਦ੍વਾਰਨ੍ਤਿ ਪવਿਸਨਨਿਕ੍ਖਮਨਦ੍વਾਰਂ। ਪવਿਸਨਞ੍ਚ ਨਿਕ੍ਖਮਨਞ੍ਚ ਪવਿਸਨਨ੍ਤਿ વਿਰੂਪੇਕਸੇਸੇਨ ਕਾਤਬ੍ਬਂ। ਖਾਣੁਮਤ੍ਥਕੇਤਿ ਖਾਣੁਨੋ ਉਪਰਿ। વਿਟਭੀਤਿ વਿਟਂ ਅਞ੍ਞਮਞ੍ਞવੇਧਨਂ ਅਪਤਿ ਗਚ੍ਛਤੀਤਿ વਿਟਪੋ, ਪਕਾਰਸ੍ਸ ਭਕਾਰਂ, ਇਤ੍ਥਿਲਿਙ੍ਗਜੋਤਕਈਪਚ੍ਚਯਞ੍ਚ ਕਤ੍વਾ વਿਟਭੀਤਿ વੁਚ੍ਚਤਿ। ਤਤ੍ਥਾਤਿ ਅਟ੍ਟਕੇ। ਯਸ੍ਸਾਤਿ ਭਿਕ੍ਖੁਨੋ, ਨਤ੍ਥੀਤਿ ਸਮ੍ਬਨ੍ਧੋ। ਪਞ੍ਚਨ੍ਨਂ ਛਦਨਾਨਨ੍ਤਿ ਤਿਣਪਣ੍ਣਇਟ੍ਠਕਾਸਿਲਾਸੁਧਾਸਙ੍ਖਾਤਾਨਂ (ਚੂਲ਼વ॰ ੩੦੩) ਪਞ੍ਚਨ੍ਨਂ ਛਦਨਾਨਂ। ਇਦਞ੍ਚ ਯੇਭੁਯ੍ਯવਸੇਨ વੁਤ੍ਤਂ ਪਦਰਚ੍ਛਦਨਾਦੀਨਮ੍ਪਿ ਗਹਿਤਤ੍ਤਾ। ਦ੍વਾਰਬਨ੍ਧਨਨ੍ਤਿ ਦ੍વਾਰੇਨ ਬਨ੍ਧਿਤਬ੍ਬਂ। ਛવਕੁਟਿਕਾਤਿ ਛવਾਨਂ ਸਯਨਟ੍ਠਾਨੇ ਸੁਸਾਨੇ ਕਤਾ ਕੁਟਿਕਾ ਛવਕੁਟਿਕਾਤਿ વੁਚ੍ਚਤਿ। ਟਙ੍ਕਿਤਮਞ੍ਚਾਦੀਤਿਆਦਿਸਦ੍ਦੇਨ ਟਙ੍ਕਿਤਪੀਠਂ ਸਙ੍ਗਣ੍ਹਾਤਿ। ਤਤ੍ਥਾਤਿ ਛવਕੁਟਿਯਂ। ਅਞ੍ਞਂ ਕੁਟਿਕਨ੍ਤਿ ਛવਕੁਟਿਤੋ ਅਞ੍ਞਂ ਕੁਟਿਕਂ। ਆવਰਣਨ੍ਤਿ ਭਿਤ੍ਤਿਂ। ਦ੍વਾਰਨ੍ਤਿ ਪવਿਸਨਨਿਕ੍ਖਮਨਦ੍વਾਰਂ। ਛਤ੍ਤਕੁਟਿਕਾ ਨਾਮੇਸਾਤਿ ਏਸਾ ਛਤ੍ਤੇਨ ਕਤਾ ਕੁਟਿਕਾ ਨਾਮ। ਮਹਨ੍ਤੇਨ ਕਪਲ੍ਲੇਨ ਕੁਟਿਕਂ ਕਤ੍વਾਤਿ ਸਮ੍ਬਨ੍ਧੋ।
204.Rukkhasusīreyevāti rukkhassa vivare eva. Vivarañhi su saṃ irati gacchatīti susīroti vuccati. Padaracchadananti phalakehi chāditaṃ. Pavisanadvāranti pavisananikkhamanadvāraṃ. Pavisanañca nikkhamanañca pavisananti virūpekasesena kātabbaṃ. Khāṇumatthaketi khāṇuno upari. Viṭabhīti viṭaṃ aññamaññavedhanaṃ apati gacchatīti viṭapo, pakārassa bhakāraṃ, itthiliṅgajotakaīpaccayañca katvā viṭabhīti vuccati. Tatthāti aṭṭake. Yassāti bhikkhuno, natthīti sambandho. Pañcannaṃ chadanānanti tiṇapaṇṇaiṭṭhakāsilāsudhāsaṅkhātānaṃ (cūḷava. 303) pañcannaṃ chadanānaṃ. Idañca yebhuyyavasena vuttaṃ padaracchadanādīnampi gahitattā. Dvārabandhananti dvārena bandhitabbaṃ. Chavakuṭikāti chavānaṃ sayanaṭṭhāne susāne katā kuṭikā chavakuṭikāti vuccati. Ṭaṅkitamañcādītiādisaddena ṭaṅkitapīṭhaṃ saṅgaṇhāti. Tatthāti chavakuṭiyaṃ. Aññaṃ kuṭikanti chavakuṭito aññaṃ kuṭikaṃ. Āvaraṇanti bhittiṃ. Dvāranti pavisananikkhamanadvāraṃ. Chattakuṭikā nāmesāti esā chattena katā kuṭikā nāma. Mahantena kapallena kuṭikaṃ katvāti sambandho.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੧੬. વਸ੍ਸਂ ਅਨੁਪਗਨ੍ਤਬ੍ਬਟ੍ਠਾਨਾਨਿ • 116. Vassaṃ anupagantabbaṭṭhānāni
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / વਜਾਦੀਸੁવਸ੍ਸੂਪਗਮਨਕਥਾ • Vajādīsuvassūpagamanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / વਸ੍ਸਂ ਅਨੁਪਗਨ੍ਤਬ੍ਬਟ੍ਠਾਨਕਥਾવਣ੍ਣਨਾ • Vassaṃ anupagantabbaṭṭhānakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / વਜਾਦੀਸੁ વਸ੍ਸੂਪਗਮਨਕਥਾવਣ੍ਣਨਾ • Vajādīsu vassūpagamanakathāvaṇṇanā
