| Library / Tipiṭaka / তিপিটক • Tipiṭaka / থেরগাথাপাল়ি • Theragāthāpāḷi |
১০. ৰসভত্থেরগাথা
10. Vasabhattheragāthā
১৩৯.
139.
‘‘পুব্বে হনতি অত্তানং, পচ্ছা হনতি সো পরে।
‘‘Pubbe hanati attānaṃ, pacchā hanati so pare;
সুহতং হন্তি অত্তানং, ৰীতংসেনেৰ পক্খিমা॥
Suhataṃ hanti attānaṃ, vītaṃseneva pakkhimā.
১৪০.
140.
‘‘ন ব্রাহ্মণো বহিৰণ্ণো, অন্তো ৰণ্ণো হি ব্রাহ্মণো।
‘‘Na brāhmaṇo bahivaṇṇo, anto vaṇṇo hi brāhmaṇo;
যস্মিং পাপানি কম্মানি, স ৰে কণ্হো সুজম্পতী’’তি॥
Yasmiṃ pāpāni kammāni, sa ve kaṇho sujampatī’’ti.
… ৰসভো থেরো…।
… Vasabho thero….
ৰগ্গো পঠমো নিট্ঠিতো।
Vaggo paṭhamo niṭṭhito.
তস্সুদ্দানং –
Tassuddānaṃ –
উত্তরো চেৰ পিণ্ডোলো, ৰল্লিযো তীরিযো ইসি।
Uttaro ceva piṇḍolo, valliyo tīriyo isi;
অজিনো চ মেল়জিনো, রাধো সুরাধো গোতমো।
Ajino ca meḷajino, rādho surādho gotamo;
ৰসভেন ইমে হোন্তি, দস থেরা মহিদ্ধিকাতি॥
Vasabhena ime honti, dasa therā mahiddhikāti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / থেরগাথা-অট্ঠকথা • Theragāthā-aṭṭhakathā / ১০. ৰসভত্থেরগাথাৰণ্ণনা • 10. Vasabhattheragāthāvaṇṇanā
