| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៧. វណិជ្ជាសុត្តវណ្ណនា
7. Vaṇijjāsuttavaṇṇanā
១៧៧. សត្តមេ វណិជ្ជាតិ វាណិជកម្មានិ។ ឧបាសកេនាតិ តិសរណគតេន។ សត្ថវណិជ្ជាតិ អាវុធភណ្ឌំ ការេត្វា តស្ស វិក្កយោ។ សត្តវណិជ្ជាតិ មនុស្សវិក្កយោ។ មំសវណិជ្ជាតិ សូករមិគាទយោ បោសេត្វា តេសំ វិក្កយោ។ មជ្ជវណិជ្ជាតិ យំកិញ្ចិ មជ្ជំ ការេត្វា តស្ស វិក្កយោ។ វិសវណិជ្ជាតិ វិសំ ការេត្វា តស្ស វិក្កយោ។ ឥតិ សព្ពម្បិ ឥមំ វណិជ្ជំ នេវ អត្តនា កាតុំ, ន បរេ សមាទបេត្វា ការេតុំ វដ្ដតិ។
177. Sattame vaṇijjāti vāṇijakammāni. Upāsakenāti tisaraṇagatena. Satthavaṇijjāti āvudhabhaṇḍaṃ kāretvā tassa vikkayo. Sattavaṇijjāti manussavikkayo. Maṃsavaṇijjāti sūkaramigādayo posetvā tesaṃ vikkayo. Majjavaṇijjāti yaṃkiñci majjaṃ kāretvā tassa vikkayo. Visavaṇijjāti visaṃ kāretvā tassa vikkayo. Iti sabbampi imaṃ vaṇijjaṃ neva attanā kātuṃ, na pare samādapetvā kāretuṃ vaṭṭati.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៧. វណិជ្ជាសុត្តំ • 7. Vaṇijjāsuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៧-៨. វណិជ្ជាសុត្តាទិវណ្ណនា • 7-8. Vaṇijjāsuttādivaṇṇanā
