| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౭. వణిజ్జాసుత్తవణ్ణనా
7. Vaṇijjāsuttavaṇṇanā
౧౭౭. సత్తమే వణిజ్జాతి వాణిజకమ్మాని. ఉపాసకేనాతి తిసరణగతేన. సత్థవణిజ్జాతి ఆవుధభణ్డం కారేత్వా తస్స విక్కయో. సత్తవణిజ్జాతి మనుస్సవిక్కయో. మంసవణిజ్జాతి సూకరమిగాదయో పోసేత్వా తేసం విక్కయో. మజ్జవణిజ్జాతి యంకిఞ్చి మజ్జం కారేత్వా తస్స విక్కయో. విసవణిజ్జాతి విసం కారేత్వా తస్స విక్కయో. ఇతి సబ్బమ్పి ఇమం వణిజ్జం నేవ అత్తనా కాతుం, న పరే సమాదపేత్వా కారేతుం వట్టతి.
177. Sattame vaṇijjāti vāṇijakammāni. Upāsakenāti tisaraṇagatena. Satthavaṇijjāti āvudhabhaṇḍaṃ kāretvā tassa vikkayo. Sattavaṇijjāti manussavikkayo. Maṃsavaṇijjāti sūkaramigādayo posetvā tesaṃ vikkayo. Majjavaṇijjāti yaṃkiñci majjaṃ kāretvā tassa vikkayo. Visavaṇijjāti visaṃ kāretvā tassa vikkayo. Iti sabbampi imaṃ vaṇijjaṃ neva attanā kātuṃ, na pare samādapetvā kāretuṃ vaṭṭati.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౭. వణిజ్జాసుత్తం • 7. Vaṇijjāsuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౭-౮. వణిజ్జాసుత్తాదివణ్ణనా • 7-8. Vaṇijjāsuttādivaṇṇanā
