| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
७. वणिज्जासुत्तवण्णना
7. Vaṇijjāsuttavaṇṇanā
१७७. सत्तमे वणिज्जाति वाणिजकम्मानि। उपासकेनाति तिसरणगतेन। सत्थवणिज्जाति आवुधभण्डं कारेत्वा तस्स विक्कयो। सत्तवणिज्जाति मनुस्सविक्कयो। मंसवणिज्जाति सूकरमिगादयो पोसेत्वा तेसं विक्कयो। मज्जवणिज्जाति यंकिञ्चि मज्जं कारेत्वा तस्स विक्कयो। विसवणिज्जाति विसं कारेत्वा तस्स विक्कयो। इति सब्बम्पि इमं वणिज्जं नेव अत्तना कातुं, न परे समादपेत्वा कारेतुं वट्टति।
177. Sattame vaṇijjāti vāṇijakammāni. Upāsakenāti tisaraṇagatena. Satthavaṇijjāti āvudhabhaṇḍaṃ kāretvā tassa vikkayo. Sattavaṇijjāti manussavikkayo. Maṃsavaṇijjāti sūkaramigādayo posetvā tesaṃ vikkayo. Majjavaṇijjāti yaṃkiñci majjaṃ kāretvā tassa vikkayo. Visavaṇijjāti visaṃ kāretvā tassa vikkayo. Iti sabbampi imaṃ vaṇijjaṃ neva attanā kātuṃ, na pare samādapetvā kāretuṃ vaṭṭati.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ७. वणिज्जासुत्तं • 7. Vaṇijjāsuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ७-८. वणिज्जासुत्तादिवण्णना • 7-8. Vaṇijjāsuttādivaṇṇanā
