| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၇-၈. ဝဏိဇ္ဇာသုတ္တာဒိဝဏ္ဏနာ
7-8. Vaṇijjāsuttādivaṇṇanā
၁၇၇-၈. သတ္တမေ သတ္ထဝဏိဇ္ဇာတိ အာဝုဓဘဏ္ဍံ ကတ္ဝာ ဝာ ကာရေတ္ဝာ ဝာ ကတံ ဝာ ပဋိလဘိတ္ဝာ တသ္သ ဝိက္ကယော။ အာဝုဓဘဏ္ဍံ ကာရေတ္ဝာ တသ္သ ဝိက္ကယောတိ ဣဒံ ပန နိဒသ္သနမတ္တံ။ သူကရမိဂာဒယော ပောသေတ္ဝာ တေသံ ဝိက္ကယောတိ သူကရမိဂာဒယော ပောသေတ္ဝာ တေသံ မံသံ သမ္ပာဒေတ္ဝာ ဝိက္ကယော။ ဧတ္ထ စ သတ္ထဝဏိဇ္ဇာ ပရောပရာဓနိမိတ္တတာယ အကရဏီယာ ဝုတ္တာ, သတ္တဝဏိဇ္ဇာ အဘုဇိသ္သဘာဝကရဏတော, မံသဝိသဝဏိဇ္ဇာ ဝဓဟေတုတော, မဇ္ဇဝဏိဇ္ဇာ ပမာဒဋ္ဌာနတော။ အဋ္ဌမံ ဥတ္တာနမေဝ။
177-8. Sattame satthavaṇijjāti āvudhabhaṇḍaṃ katvā vā kāretvā vā kataṃ vā paṭilabhitvā tassa vikkayo. Āvudhabhaṇḍaṃ kāretvā tassa vikkayoti idaṃ pana nidassanamattaṃ. Sūkaramigādayo posetvā tesaṃ vikkayoti sūkaramigādayo posetvā tesaṃ maṃsaṃ sampādetvā vikkayo. Ettha ca satthavaṇijjā paroparādhanimittatāya akaraṇīyā vuttā, sattavaṇijjā abhujissabhāvakaraṇato, maṃsavisavaṇijjā vadhahetuto, majjavaṇijjā pamādaṭṭhānato. Aṭṭhamaṃ uttānameva.
ဝဏိဇ္ဇာသုတ္တာဒိဝဏ္ဏနာ နိဋ္ဌိတာ။
Vaṇijjāsuttādivaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya
၇. ဝဏိဇ္ဇာသုတ္တံ • 7. Vaṇijjāsuttaṃ
၈. ရာဇာသုတ္တံ • 8. Rājāsuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā)
၇. ဝဏိဇ္ဇာသုတ္တဝဏ္ဏနာ • 7. Vaṇijjāsuttavaṇṇanā
၈. ရာဇသုတ္တဝဏ္ဏနာ • 8. Rājasuttavaṇṇanā
