| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
९-१०. वणिज्जसुत्तादिवण्णना
9-10. Vaṇijjasuttādivaṇṇanā
७९-८०. नवमे तंसदिसाति यादिसा वणिज्जा पयुत्ता अयथाधिप्पाया अञ्ञा वा सम्पज्जति, तादिसावाति अत्थो। छेदं गच्छतीति विनासं पापुणाति। अधिप्पायतो परा विसिट्ठाति पराधिप्पायो। तेनेवाह ‘‘अज्झासयतो अधिकतरफला होती’’ति। चीवरादिना पच्चयेन वदेय्यासीति चीवरादिपच्चयहेतु मं वदेय्यासि पत्थेय्यासि। अथ वा यदा चीवरादिना पच्चयेन अत्थो होति, तदा मं याचेय्यासीति अत्थो। सेसं सुविञ्ञेय्यमेव। दसमं उत्तानमेव।
79-80. Navame taṃsadisāti yādisā vaṇijjā payuttā ayathādhippāyā aññā vā sampajjati, tādisāvāti attho. Chedaṃ gacchatīti vināsaṃ pāpuṇāti. Adhippāyato parā visiṭṭhāti parādhippāyo. Tenevāha ‘‘ajjhāsayato adhikataraphalā hotī’’ti. Cīvarādinā paccayena vadeyyāsīti cīvarādipaccayahetu maṃ vadeyyāsi pattheyyāsi. Atha vā yadā cīvarādinā paccayena attho hoti, tadā maṃ yāceyyāsīti attho. Sesaṃ suviññeyyameva. Dasamaṃ uttānameva.
वणिज्जसुत्तादिवण्णना निट्ठिता।
Vaṇijjasuttādivaṇṇanā niṭṭhitā.
अपण्णकवग्गवण्णना निट्ठिता।
Apaṇṇakavaggavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya
९. वणिज्जसुत्तं • 9. Vaṇijjasuttaṃ
१०. कम्बोजसुत्तं • 10. Kambojasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā)
९. वणिज्जसुत्तवण्णना • 9. Vaṇijjasuttavaṇṇanā
१०. कम्बोजसुत्तवण्णना • 10. Kambojasuttavaṇṇanā
