| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) |
੭. વਨਪਤ੍ਥਪਰਿਯਾਯਸੁਤ੍ਤવਣ੍ਣਨਾ
7. Vanapatthapariyāyasuttavaṇṇanā
੧੯੦. ਏવਂ ਮੇ ਸੁਤਨ੍ਤਿ વਨਪਤ੍ਥਪਰਿਯਾਯਂ। ਤਤ੍ਥ વਨਪਤ੍ਥਪਰਿਯਾਯਨ੍ਤਿ વਨਪਤ੍ਥਕਾਰਣਂ, વਨਪਤ੍ਥਦੇਸਨਂ વਾ।
190.Evaṃme sutanti vanapatthapariyāyaṃ. Tattha vanapatthapariyāyanti vanapatthakāraṇaṃ, vanapatthadesanaṃ vā.
੧੯੧. વਨਪਤ੍ਥਂ ਉਪਨਿਸ੍ਸਾਯ વਿਹਰਤੀਤਿ ਮਨੁਸ੍ਸੂਪਚਾਰਾਤਿਕ੍ਕਨ੍ਤਂ વਨਸਣ੍ਡਸੇਨਾਸਨਂ ਨਿਸ੍ਸਾਯ ਸਮਣਧਮ੍ਮਂ ਕਰੋਨ੍ਤੋ વਿਹਰਤਿ। ਅਨੁਪਟ੍ਠਿਤਾਤਿਆਦੀਸੁ ਪੁਬ੍ਬੇ ਅਨੁਪਟ੍ਠਿਤਾ ਸਤਿ ਤਂ ਉਪਨਿਸ੍ਸਾਯ વਿਹਰਤੋਪਿ ਨ ਉਪਟ੍ਠਾਤਿ, ਪੁਬ੍ਬੇ ਅਸਮਾਹਿਤਂ ਚਿਤ੍ਤਂ ਨ ਸਮਾਧਿਯਤਿ, ਪੁਬ੍ਬੇ ਅਪਰਿਕ੍ਖੀਣਾ ਆਸવਾ ਨ ਪਰਿਕ੍ਖਯਂ ਗਚ੍ਛਨ੍ਤਿ, ਪੁਬ੍ਬੇ ਅਨਨੁਪ੍ਪਤ੍ਤਂ ਅਨੁਤ੍ਤਰਂ ਯੋਗਕ੍ਖੇਮਸਙ੍ਖਾਤਂ ਅਰਹਤ੍ਤਞ੍ਚ ਨ ਪਾਪੁਣਾਤੀਤਿ ਅਤ੍ਥੋ। ਜੀવਿਤਪਰਿਕ੍ਖਾਰਾਤਿ ਜੀવਿਤਸਮ੍ਭਾਰਾ। ਸਮੁਦਾਨੇਤਬ੍ਬਾਤਿ ਸਮਾਹਰਿਤਬ੍ਬਾ। ਕਸਿਰੇਨ ਸਮੁਦਾਗਚ੍ਛਨ੍ਤੀਤਿ ਦੁਕ੍ਖੇਨ ਉਪ੍ਪਜ੍ਜਨ੍ਤਿ। ਰਤ੍ਤਿਭਾਗਂ વਾ ਦਿવਸਭਾਗਂ વਾਤਿ ਰਤ੍ਤਿਕੋਟ੍ਠਾਸੇ વਾ ਦਿવਸਕੋਟ੍ਠਾਸੇ વਾ। ਏਤ੍ਥ ਚ ਰਤ੍ਤਿਭਾਗੇ ਪਟਿਸਞ੍ਚਿਕ੍ਖਮਾਨੇਨ ਞਤ੍વਾ ਰਤ੍ਤਿਂਯੇવ ਪਕ੍ਕਮਿਤਬ੍ਬਂ, ਰਤ੍ਤਿਂ ਚਣ੍ਡવਾਲ਼ਾਦੀਨਂ ਪਰਿਬਨ੍ਧੇ ਸਤਿ ਅਰੁਣੁਗ੍ਗਮਨਂ ਆਗਮੇਤਬ੍ਬਂ। ਦਿવਸਭਾਗੇ ਞਤ੍વਾ ਦਿવਾવ ਪਕ੍ਕਮਿਤਬ੍ਬਂ, ਦਿવਾ ਪਰਿਬਨ੍ਧੇ ਸਤਿ ਸੂਰਿਯਤ੍ਥਙ੍ਗਮਨਂ ਆਗਮੇਤਬ੍ਬਂ।
191.Vanapatthaṃ upanissāya viharatīti manussūpacārātikkantaṃ vanasaṇḍasenāsanaṃ nissāya samaṇadhammaṃ karonto viharati. Anupaṭṭhitātiādīsu pubbe anupaṭṭhitā sati taṃ upanissāya viharatopi na upaṭṭhāti, pubbe asamāhitaṃ cittaṃ na samādhiyati, pubbe aparikkhīṇā āsavā na parikkhayaṃ gacchanti, pubbe ananuppattaṃ anuttaraṃ yogakkhemasaṅkhātaṃ arahattañca na pāpuṇātīti attho. Jīvitaparikkhārāti jīvitasambhārā. Samudānetabbāti samāharitabbā. Kasirena samudāgacchantīti dukkhena uppajjanti. Rattibhāgaṃ vā divasabhāgaṃ vāti rattikoṭṭhāse vā divasakoṭṭhāse vā. Ettha ca rattibhāge paṭisañcikkhamānena ñatvā rattiṃyeva pakkamitabbaṃ, rattiṃ caṇḍavāḷādīnaṃ paribandhe sati aruṇuggamanaṃ āgametabbaṃ. Divasabhāge ñatvā divāva pakkamitabbaṃ, divā paribandhe sati sūriyatthaṅgamanaṃ āgametabbaṃ.
੧੯੨. ਸਙ੍ਖਾਪੀਤਿ ਏવਂ ਸਮਣਧਮ੍ਮਸ੍ਸ ਅਨਿਪ੍ਫਜ੍ਜਨਭਾવਂ ਜਾਨਿਤ੍વਾ। ਅਨਨ੍ਤਰવਾਰੇ ਪਨ ਸਙ੍ਖਾਪੀਤਿ ਏવਂ ਸਮਣਧਮ੍ਮਸ੍ਸ ਨਿਪ੍ਫਜ੍ਜਨਭਾવਂ ਜਾਨਿਤ੍વਾ।
192.Saṅkhāpīti evaṃ samaṇadhammassa anipphajjanabhāvaṃ jānitvā. Anantaravāre pana saṅkhāpīti evaṃ samaṇadhammassa nipphajjanabhāvaṃ jānitvā.
੧੯੪. ਯਾવਜੀવਨ੍ਤਿ ਯਾવ ਜੀવਿਤਂ ਪવਤ੍ਤਤਿ, ਤਾવ વਤ੍ਥਬ੍ਬਮੇવ।
194.Yāvajīvanti yāva jīvitaṃ pavattati, tāva vatthabbameva.
੧੯੫. ਸੋ ਪੁਗ੍ਗਲੋਤਿ ਪਦਸ੍ਸ ਨਾਨੁਬਨ੍ਧਿਤਬ੍ਬੋਤਿ ਇਮਿਨਾ ਸਮ੍ਬਨ੍ਧੋ। ਅਨਾਪੁਚ੍ਛਾਤਿ ਇਧ ਪਨ ਤਂ ਪੁਗ੍ਗਲਂ ਅਨਾਪੁਚ੍ਛਾ ਪਕ੍ਕਮਿਤਬ੍ਬਨ੍ਤਿ ਅਤ੍ਥੋ।
195.So puggaloti padassa nānubandhitabboti iminā sambandho. Anāpucchāti idha pana taṃ puggalaṃ anāpucchā pakkamitabbanti attho.
੧੯੭. ਸਙ੍ਖਾਪੀਤਿ ਏવਂ ਸਮਣਧਮ੍ਮਸ੍ਸ ਅਨਿਪ੍ਫਜ੍ਜਨਭਾવਂ ਞਤ੍વਾ ਸੋ ਪੁਗ੍ਗਲੋ ਨਾਨੁਬਨ੍ਧਿਤਬ੍ਬੋ, ਤਂ ਆਪੁਚ੍ਛਾ ਪਕ੍ਕਮਿਤਬ੍ਬਂ।
197.Saṅkhāpīti evaṃ samaṇadhammassa anipphajjanabhāvaṃ ñatvā so puggalo nānubandhitabbo, taṃ āpucchā pakkamitabbaṃ.
੧੯੮. ਅਪਿ ਪਨੁਜ੍ਜਮਾਨੇਨਾਪੀਤਿ ਅਪਿ ਨਿਕ੍ਕਡ੍ਢੀਯਮਾਨੇਨਾਪਿ। ਏવਰੂਪੋ ਹਿ ਪੁਗ੍ਗਲੋ ਸਚੇਪਿ ਦਾਰੁਕਲਾਪਸਤਂ વਾ ਉਦਕਘਟਸਤਂ વਾ વਾਲਿਕਮ੍ਬਣਸਤਂ વਾ ਦਣ੍ਡਂ ਆਹਰਾਪੇਤਿ, ਮਾ ਇਧ વਸੀਤਿ ਨਿਕ੍ਕਡ੍ਢਾਪੇਤਿ વਾ, ਤਂ ਤਂ ਖਮਾਪੇਤ੍વਾ ਯਾવਜੀવਂ વਤ੍ਥਬ੍ਬਮੇવਾਤਿ।
198.Apipanujjamānenāpīti api nikkaḍḍhīyamānenāpi. Evarūpo hi puggalo sacepi dārukalāpasataṃ vā udakaghaṭasataṃ vā vālikambaṇasataṃ vā daṇḍaṃ āharāpeti, mā idha vasīti nikkaḍḍhāpeti vā, taṃ taṃ khamāpetvā yāvajīvaṃ vatthabbamevāti.
ਪਪਞ੍ਚਸੂਦਨਿਯਾ ਮਜ੍ਝਿਮਨਿਕਾਯਟ੍ਠਕਥਾਯ
Papañcasūdaniyā majjhimanikāyaṭṭhakathāya
વਨਪਤ੍ਥਪਰਿਯਾਯਸੁਤ੍ਤવਣ੍ਣਨਾ ਨਿਟ੍ਠਿਤਾ।
Vanapatthapariyāyasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਮਜ੍ਝਿਮਨਿਕਾਯ • Majjhimanikāya / ੭. વਨਪਤ੍ਥਸੁਤ੍ਤਂ • 7. Vanapatthasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) / ੭. વਨਪਤ੍ਥਪਰਿਯਾਯਸੁਤ੍ਤવਣ੍ਣਨਾ • 7. Vanapatthapariyāyasuttavaṇṇanā
