| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౫. వాలసుత్తవణ్ణనా
5. Vālasuttavaṇṇanā
౧౧౧౫. పఞ్చమే సన్థాగారేతి సిప్పుగ్గణ్హనసాలాయం. ఉపాసనం కరోన్తేతి కణ్డఖిపనసిప్పం కరోన్తే. అసనం అతిపాతేన్తేతి కణ్డం అతిక్కమేన్తే. పోఙ్ఖానుపోఙ్ఖన్తి ఏకం కణ్డం ఖిపిత్వా యథా అస్స సరస్స పోఙ్ఖం విజ్ఝతి, అపరం అనుపోఙ్ఖం నామ దుతియస్స పోఙ్ఖం, పున అపరం తస్స పోఙ్ఖన్తి ఏవం అతిపాతేన్తే అద్దస. యత్ర హి నామాతి యే నామ. దురభిసమ్భవతరన్తి దుక్కరతరం. సత్తధా భిన్నస్స వాలస్స కోటియా కోటిం పటివిజ్ఝేయ్యాతి ఏకం వాలం సత్తధా భిన్దిత్వా, తస్స ఏకం భేదం గహేత్వా, వాతిఙ్గణమజ్ఝే బన్ధిత్వా, అపరం భేదం కణ్డస్స అగ్గకోటియం బన్ధిత్వా, ఉసభమత్తే ఠితో కణ్డబద్ధాయ కోటియా తం వాతిఙ్గణబద్ధకోటిం పటివిజ్ఝేయ్యాతి అత్థో. తస్మాతి యస్మా ఏవం దుప్పటివిజ్ఝాని చత్తారి సచ్చాని, తస్మా.
1115. Pañcame santhāgāreti sippuggaṇhanasālāyaṃ. Upāsanaṃ karonteti kaṇḍakhipanasippaṃ karonte. Asanaṃ atipātenteti kaṇḍaṃ atikkamente. Poṅkhānupoṅkhanti ekaṃ kaṇḍaṃ khipitvā yathā assa sarassa poṅkhaṃ vijjhati, aparaṃ anupoṅkhaṃ nāma dutiyassa poṅkhaṃ, puna aparaṃ tassa poṅkhanti evaṃ atipātente addasa. Yatra hi nāmāti ye nāma. Durabhisambhavataranti dukkarataraṃ. Sattadhā bhinnassa vālassa koṭiyā koṭiṃ paṭivijjheyyāti ekaṃ vālaṃ sattadhā bhinditvā, tassa ekaṃ bhedaṃ gahetvā, vātiṅgaṇamajjhe bandhitvā, aparaṃ bhedaṃ kaṇḍassa aggakoṭiyaṃ bandhitvā, usabhamatte ṭhito kaṇḍabaddhāya koṭiyā taṃ vātiṅgaṇabaddhakoṭiṃ paṭivijjheyyāti attho. Tasmāti yasmā evaṃ duppaṭivijjhāni cattāri saccāni, tasmā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౫. వాలసుత్తం • 5. Vālasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౫. వాలసుత్తవణ్ణనా • 5. Vālasuttavaṇṇanā
