| Library / Tipiṭaka / തിപിടക • Tipiṭaka / ജാതകപാളി • Jātakapāḷi |
൩൦൦. വകജാതകം (൩-൫-൧൦)
300. Vakajātakaṃ (3-5-10)
൧൪൮.
148.
വകോ വതം സമാദായ, ഉപപജ്ജി ഉപോസഥം.
Vako vataṃ samādāya, upapajji uposathaṃ.
൧൪൯.
149.
തസ്സ സക്കോ വതഞ്ഞായ, അജരൂപേനുപാഗമി;
Tassa sakko vataññāya, ajarūpenupāgami;
വീതതപോ അജ്ഝപ്പത്തോ, ഭഞ്ജി ലോഹിതപോ തപം.
Vītatapo ajjhappatto, bhañji lohitapo tapaṃ.
൧൫൦.
150.
ഏവമേവ ഇധേകച്ചേ, സമാദാനമ്ഹി ദുബ്ബലാ;
Evameva idhekacce, samādānamhi dubbalā;
ലഹും കരോന്തി അത്താനം, വകോവ അജകാരണാതി.
Lahuṃ karonti attānaṃ, vakova ajakāraṇāti.
വകജാതകം ദസമം.
Vakajātakaṃ dasamaṃ.
കുമ്ഭവഗ്ഗോ പഞ്ചമോ.
Kumbhavaggo pañcamo.
തസ്സുദ്ദാനം –
Tassuddānaṃ –
വരകുമ്ഭ സുപത്തസിരിവ്ഹയനോ, സുചിസമ്മത ബിന്ദുസരോ ചുസഭോ;
Varakumbha supattasirivhayano, sucisammata bindusaro cusabho;
സരിതംപതി ചണ്ഡി ജരാകപിനാ, അഥ മക്കടിയാ വകകേന ദസാതി.
Saritaṃpati caṇḍi jarākapinā, atha makkaṭiyā vakakena dasāti.
അഥ വഗ്ഗുദ്ദാനം –
Atha vagguddānaṃ –
സങ്കപ്പോ പദുമോ ചേവ, ഉദപാനേന തതിയം;
Saṅkappo padumo ceva, udapānena tatiyaṃ;
അബ്ഭന്തരം ഘടഭേദം, തികനിപാതമ്ഹിലങ്കതന്തി.
Abbhantaraṃ ghaṭabhedaṃ, tikanipātamhilaṅkatanti.
തികനിപാതം നിട്ഠിതം.
Tikanipātaṃ niṭṭhitaṃ.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / ജാതക-അട്ഠകഥാ • Jātaka-aṭṭhakathā / [൩൦൦] ൧൦. വകജാതകവണ്ണനാ • [300] 10. Vakajātakavaṇṇanā
