| Library / Tipiṭaka / तिपिटक • Tipiṭaka / अपदानपाळि • Apadānapāḷi |
५. वज्जीपुत्तत्थेरअपदानं
5. Vajjīputtattheraapadānaṃ
४९.
49.
‘‘सहस्सरंसी भगवा, सयम्भू अपराजितो।
‘‘Sahassaraṃsī bhagavā, sayambhū aparājito;
विवेका वुट्ठहित्वान, गोचरायाभिनिक्खमि॥
Vivekā vuṭṭhahitvāna, gocarāyābhinikkhami.
५०.
50.
‘‘फलहत्थो अहं दिस्वा, उपगच्छिं नरासभं।
‘‘Phalahattho ahaṃ disvā, upagacchiṃ narāsabhaṃ;
पसन्नचित्तो सुमनो, सवण्टं अददिं फलं॥
Pasannacitto sumano, savaṇṭaṃ adadiṃ phalaṃ.
५१.
51.
‘‘चतुन्नवुतितो कप्पे, यं फलं अददिं तदा।
‘‘Catunnavutito kappe, yaṃ phalaṃ adadiṃ tadā;
दुग्गतिं नाभिजानामि, फलदानस्सिदं फलं॥
Duggatiṃ nābhijānāmi, phaladānassidaṃ phalaṃ.
५२.
52.
‘‘किलेसा झापिता मय्हं…पे॰… विहरामि अनासवो॥
‘‘Kilesā jhāpitā mayhaṃ…pe… viharāmi anāsavo.
५३.
53.
‘‘स्वागतं वत मे आसि…पे॰… कतं बुद्धस्स सासनं॥
‘‘Svāgataṃ vata me āsi…pe… kataṃ buddhassa sāsanaṃ.
५४.
54.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा वज्जीपुत्तो थेरो इमा गाथायो
Itthaṃ sudaṃ āyasmā vajjīputto thero imā gāthāyo
अभासित्थाति।
Abhāsitthāti.
वज्जीपुत्तत्थेरस्सापदानं पञ्चमं।
Vajjīputtattherassāpadānaṃ pañcamaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ५. वज्जिपुत्तत्थेरअपदानवण्णना • 5. Vajjiputtattheraapadānavaṇṇanā
