| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-ཨབྷིནཝ-ཊཱིཀཱ • Kaṅkhāvitaraṇī-abhinava-ṭīkā |
༦. ཝཛྫཔྤཊིཙྪཱདིཀཱསིཀྑཱཔདཝཎྞནཱ
6. Vajjappaṭicchādikāsikkhāpadavaṇṇanā
པཱརཱཛིཀཾ དྷམྨཾ ཨཛ྄ཛྷཱཔནྣནྟི བྷིཀྑཱུཧི སཱདྷཱརཎཱནཾ ཙཏུནྣཾ, ཨསཱདྷཱརཎཱནཾ ཙཏུནྣཉྩཱཏི ཨཊྛནྣམཉྙཏརཾ ཨཛ྄ཛྷཱཔནྣཾ། ཨིདཉྩ པཱརཱཛིཀཾ (པཱཙི॰ ཨཊྛ॰ ༦༦༦) པཙྪཱ པཉྙཏྟཾ, སངྒཱིཏིཀཱརཀཱཙརིཡེཧི པན པུརིམེན སདྡྷིཾ ཡུགལ༹ཾ ཀཏྭཱ ཨིམསྨིཾ ཨོཀཱསེ ཋཔིཏནྟི ཝེདིཏབྦཾ། ‘‘ཨཊྛནྣཾ པཱརཱཛིཀཱནཾ ཨཉྙཏར’’ནྟི (པཱཙི॰ ༦༦༦) ཝཙནཏོ པན ཝཛྫཔྤཊིཙྪཱདིཀཾ ཡཱ པཊིཙྪཱདེཏི, སཱཔི ཝཛྫཔྤཊིཙྪཱདིཀཱ ཨེཝཱཏི དཊྛབྦཾ། ཀིཉྩཱཔི ཝཛྫཔྤཊིཙྪཱདནཾ པེམཝསེན ཧོཏི, ཏཐཱཔི སིཀྑཱཔདཝཱིཏིཀྐམཙིཏྟཾ དོམནསྶམེཝ ཧོཏཱིཏི ཀཏྭཱ དུཀྑཝེདནཾ ཧོཏཱིཏི ‘‘ཏཏྲ ཧི པཱཙིཏྟིཡཾ…པེ॰… སེསཾ ཏཱདིསམེཝཱ’’ཏི ཝུཏྟཾ།
Pārājikaṃ dhammaṃ ajjhāpannanti bhikkhūhi sādhāraṇānaṃ catunnaṃ, asādhāraṇānaṃ catunnañcāti aṭṭhannamaññataraṃ ajjhāpannaṃ. Idañca pārājikaṃ (pāci. aṭṭha. 666) pacchā paññattaṃ, saṅgītikārakācariyehi pana purimena saddhiṃ yugaḷaṃ katvā imasmiṃ okāse ṭhapitanti veditabbaṃ. ‘‘Aṭṭhannaṃ pārājikānaṃ aññatara’’nti (pāci. 666) vacanato pana vajjappaṭicchādikaṃ yā paṭicchādeti, sāpi vajjappaṭicchādikā evāti daṭṭhabbaṃ. Kiñcāpi vajjappaṭicchādanaṃ pemavasena hoti, tathāpi sikkhāpadavītikkamacittaṃ domanassameva hotīti katvā dukkhavedanaṃ hotīti ‘‘tatra hi pācittiyaṃ…pe… sesaṃ tādisamevā’’ti vuttaṃ.
ཝཛྫཔྤཊིཙྪཱདིཀཱསིཀྑཱཔདཝཎྞནཱ ནིཊྛིཏཱ།
Vajjappaṭicchādikāsikkhāpadavaṇṇanā niṭṭhitā.
